Yohana 11:55 - KITABU KITAKATIFU

⁵⁵ Lisavo lia Avayuda lie Lipasaka liali ahimbi, na avandu vanyingi vazia Jerusalemi vaduuki kwitakasa aveene imbiri wi lisavo likikiri kuduuka.

Yohana 11:55 Iomraidhean Croise

Litanga 35:2

Kunangwa Yakobo yavolera vandu vinyumba yeeye harara na vandi voosi vaali naye, “Muleke avanyasaye avageni avamuveeye navo; mwitakase munyi aveene ma mwiviki zinguvu zi ndahi.

Ayubu 1:5

Lwa madiku gi lilia gakung'anaa, Ayubu yavatumanaa vaze kuye avatakase. Yavuka mugambazuri Mumavwevwe nukuhaana visiuviliru Viukusambwa kuli livaliza liavo kigira yaganagana, “hawundi avana vange vakoli uvwoni nokonyega Nyasaye mu mioyo jaavo vugira kusaavira.” Ayubu yakola ndio kazozo.

Zaburi 26:6

O, Yahova, inzi savaa makono gange kumanyia ndi simbeeye nimbara mba.

Kutwula 19:10

Yahova yamuvolera, “Zia ku avandu yavo uvavoolere vahonge kalunu na mugamba niviitakasa ku lisigamira. Kuduuka vafuyi zinguvu ziavo

Livalidza 9:10

avolere vandu va Isiraeli ndi, “Niiva mulala ku munyi noho visukululwi vienyu viayeyononyia kigira lidira ku muviri mukuzu, noho vaveeye ihale kologendo, vanyara kusangalira Lipasaka liange.

Livalidza 9:6

Vaaliho avasaza valala avaari niveyononyi kigira vaali nivadiiri ku miviri mikuzu. Kulwayago, si vaali vanyara kusangalira lizuliza lie Lipasaka ku ing'inga yalagwa mba. Kunangwa vazia ku Musa na Haruni

Matayo 26:1

Lwa Yeso yamala kovora amakuva yaga goosi, yavolera aviigi veve,

Matayo 26:2

“Mumanye ndi inyima wa madiku gaviri kulava ni lilia lie Lipasaka, kandi Umwana wa Adamu alahaanwa mu makono ga vasigu veve, avambwe.”

Marko 14:1

Gaali ni gakikiri amadiku gaviri vuzwa Lisavo lie Lipasaka numugadi gutali na mamera liduuki. Avasaalisi vanene na avigizi vi Lilaga vaali ni venya inzira yu kugumilira Yeso mu vwivisu vaduuki kumwita.

Luka 22:1

Ing'inga yi Lisavo liu Mugadi gutali mu na mamera, ililangwa Lipasaka, liali ahimbi kuduuka.

Yohana 12:1

Madiku sita lilia lie Lipasaka ni likiri kuduuka, Yeso yazia Bezani wa Lazaro yamenya, uwa Yeso yaali nasimugukizi kutura mu vakuzu.

Yohana 13:1

Liali lidiku lilala lisavo lie Lipasaka nilikikiri kuduuka, Yeso yamanya ndi ing'inga yeeye yokutula mu kivala yiki nu kuzia ku Baba weve iduuki. Yaali ni yayanza avandu veve kazozo, avaveeye mu kivala; yee, yavamanyia ndi yavayanza kuduuka ku keheri.

Yohana 18:28

Kunangwa, mugambazuri mu mavwevwe, Avayuda vatuliza Yeso munyumba ya Kayafa nivamuhila munyumba yuvwami iyalangwa Puritorio. Avanene va Avayuda vene sivingira mu Puritorio mba, kunangwa vavuli kwonogonywa, navuzwa vaduuki kulia chukulia chi Lipasaka.

Yohana 2:13

Lisavo lia Vayuda lilangangwa Lipasaka liali ahimbi, kunangwa Yeso yazia Jerusalemi.

Yohana 2:6

Ziali ho ni zinyingu zinene sita izialombwa kutura ku magina, na vuli ndala yaali inyala kuginga zilita imia ndala. Ziali nizivikiywi ho kigira miima ja Avayuda ju kwitakasa.

Yohana 5:1

Inyima wa yaga, liali ho ni lisavo linene lia Avayuda, kandi Yeso yazia Jerusalemi.

Yohana 6:4

Lisavo lia Avayuda lilangwa Lipasaka liali ahimbi.

Vikolwa 21:24

Uzie harara navo kandi wiyungi navo mu muruka gwi lietakasa, kandi uvatungiri mitungu jenyekaa vaduuki kovegwa amasu gaavo. Munzira yiyi valamanya ndi sigaveeye gi ligali ga vamali kovolerwa mba, navuzwa ivi mwene omenya kolondekana ni Lilaga lia Musa.

Vikolwa 21:26

Kunangwa mugamba gwalondaku Paolo yavugula yavo, nalomba livugana liu kwitakasa harara navo. Maku niyingira mu Litembeli kovora makuva gi limala lia madiku gu kwitakasa, kandi zisadaka zihaanwa ku avandu vosi.

Vikolwa 24:18

Lwa ndaali nindakamara kutakaswa mu Litembeli, yilwo nilwo lwa vanyoola. Si ndaali ni kiduma kandi sindaali niligoyana liosi mba.

1 Vakorintho 11:28

Kulwayago, gaduukanaa vuli mundu yiganagane mwene kutanga, ma alie mugadi yigu kandi anwi kutura mu kekombe yiki.

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.

1 Samweli 16:5

Yativura, “Yee, nziizi kuhaana kisiuviriru ku Yahova. Mwitakase aveene kandi muuze harara niinzi.” Yavolera Jese harara na vayaayi veve vitakase, na vavoolera vaze ku kisiuviriru.