Yohana 11:47 - KITABU KITAKATIFU

⁴⁷ Kunangwa avasaalisi vanene na Avafarisayo valanga livugana lie kiyaalo, nivavoora, “Kokora ndi? Mundu uyu akolaa vilolekizu vinyingi.

Yohana 11:47 Iomraidhean Croise

Matayo 26:3

Maku avasaalisi vanene navakulundu vavugana harara ha mugizi gwinyumba yu Musaalisi Munene uwalangwa Kayafa,

Matayo 5:22

Navuzwa inzi muvooleraa: Mundu woosi uva nu vutima na amwavo weve alakalagirwa. Uyu onyegaa amwavo weve alahilwa mu kiyaalo. Mundu woosi ovolera amwavo weve: ‘Ivi oveeye musiru,’ aveeye mu vudinyu vwu kuzia mu muliru gwe gehena.

Marko 14:1

Gaali ni gakikiri amadiku gaviri vuzwa Lisavo lie Lipasaka numugadi gutali na mamera liduuki. Avasaalisi vanene na avigizi vi Lilaga vaali ni venya inzira yu kugumilira Yeso mu vwivisu vaduuki kumwita.

Luka 22:2

Avasaalisi vanene kandi avigizi vi Lilaga vaali nivagerizaa konyoora inzira yu kwiita Yeso muvwivisu, kigira vaatia avandu.

Yohana 11:57

Avasaalisi vanene na Avafarisayo vaali nivahaani malago ndi, niiva mundu amanyi havundu ha Yeso aveeye, avavoolere, kunangwa vaduuki kumugumira.

Yohana 12:19

Kunangwa, Avafarisayo vavolerana, “Muloraa? Sikunyala kokora kindu choosi mba. Heenzi kuli kivala choosi kimulondaa.”

Yohana 2:11

Yeso yakola kelolekizu chu kutanga yiki mu lidaala lia Kana mu kivala cha Galilaya, naavuula uvukumi vwivwe, kandi aviigi veve vamusuuvira.

Yohana 6:2

Kiduma kenene cha avandu cha mulonda kigira vaali nivaloli vilolekizu via yaali naakori ku avaari valwaye.

Yohana 7:32

Avafarisayo vahulira avandu nivamonya Yeso. Kunangwa, Avafarisayo harara na avasaalisi vanene vatuma avasikari kumugumira.

Yohana 7:45

Kunangwa avasikari virana ku avasaalisi vanene na Avafarisayo; navo vavateeva, “Kigira ki muvuli kumuleeta?”

Vikolwa 5:21

Lwa avatumwa vahulira yaga, vingira mu Litembeli mugambazuri mu mavwevwe, ni vatanga kwigiza. Musaalisi Munene na avache veve valanga harara livugana lie kiyaalo kenene cha vakulundu vosi va Vayuda; maku vaatuma amalago muvuhambe ndi valetwe imbiri wavo.

Vikolwa 5:24

Lwa vasaalisi vanene kandi munene wa valindi vi Litembeli vahulira makuva yaga, vaali ni ligenya linene, ni vavura kumanya ichekoleki ku avatumwa.