Yohana 11:33 - KITABU KITAKATIFU

³³ Lwa Yeso yamulola nalira, Avayuda avavaali harara naye nivalira yizula vovereri ni ligenya mu mwoyo gwigwe.

Yohana 11:33 Iomraidhean Croise

Marko 3:5

Yeso yavahenza zimbega ziosi navihilirwa, kandi navavererera kigira uvudinyu vwi mioyo jaavo. Yavolera umundu oyo, “Nyira mukono gugwo!” Naye yanyira umukono gwigwe, nagwo gwahona ligali.

Marko 9:19

Yeso yavavolera, “Likula litaveeye ni lisuuvira munyi! Ndamenya harara ni munyi kuduuka ng'inga ki! Ndikuzira ni munyi kuduuka ng'inga ki! Muleeti hano ku inzi.”

Yohana 11:19

Avayuda vanyingi vaali nivaazi kolola Marita na Maria vavaleminye mwoyo ku likuza lia mbozo wavo.

Yohana 11:31

Kunangwa, lwa Avayuda vaali munyumba harara na Maria nivamuleminya mwoyo, valora Maria nasingira nu kuzia ichova vwangu, na vaamulonda. Vaganagana ndi azizaa kulilira ha kilindwa

Yohana 11:34

Yavateva, “Mumuyavuyi hayi?” Vamuvolera, “Mwami, hamba olole.”

Yohana 11:35

Yeso yalira.

Yohana 11:38

Kunangwa, Yeso yavelera kandi mu mwoyo, nazia ha kilindwa. Kilindwa zana chaali luhangaywa, na lwali ni lwakunikwa ni ligina.

Yohana 12:27

“Kalunu mwoyo gwange gohendaa. Nambole ki? Mbore, ‘Baba, ombonyie ku ing'inga yu vusaliri yiyi?’ Awa, kigira yiki nicho chagira inze ninziza kunangwa nduuki kuvitira mu ing'inga yu vusaliri yiyi.

Yohana 13:21

Lwa Yeso yamala kovora yaga, yaahenda mwoyo navoora, havulavu, “Muvooleraa agiligali, mulala ku munyi alaanzaama!”

Varumi 12:15

Musangare harara na yavo avasangalaa, musiome harara na yavo avasioma.

Vahebraina 4:15

Musaalisi Munene wiitu siaveeye uyu utanyala kovererera vodedekere vwitu mba. Munzira yindi, kunyi koveeye nu Musaalisi Munene, wagerizwa mu vindu viosi kuli kunyi kogerizwa, navuzwa siyakola vwoni mba.