Yohana 11:25 - KITABU KITAKATIFU

²⁵ Yeso yamuvolera, “Inzi niyie lisimuguka kandi livamwoyo. Usuviraa inzi kali niiva alakuza alava mwoyo;

Yohana 11:25 Iomraidhean Croise

Zaburi 36:9

Ivi uhaanaa livamwoyo litahera mba, oveeye uvutangiliru vwi livamwoyo liosi. Kigira uvulavu, vuvwo kololaa uvulavu.

Isaya 26:19

Avandu viitu avamala kukuza valava mwoyo kandi! Miviri jaavo jilasimuguka? Yavo vosi avagonaa mu vilindwa viavo, valavuka nukwimba nuvusangali, kuli iliime lihemahema likindizaa lirova, nindio Yahova alakasimugukizi yavo vakuza kale.

Isaya 38:16

O, Yahova makuva nivikolwa vivio vihaana livamwoyo ku vuli mundu; kandi mwoyo gwange gonyoolaa livamwoyo mugo. Wanzilanyila livamwoyo liange, noleka ni menya.

Luka 23:43

Yeso yamuvolera, “Ligali ligali ngovolera, kalunu ulava ninzi mu Paradiso.”

Yohana 1:4

Likuva liali uvutangiliru vwi livamwoyo. Livamwoyo yili lialeta ku avandu.

Yohana 14:19

Mu ing'inga engekeeke, avumukivala si valandola kandi mba navuzwa munyi mulandola; na kigira inzi mbeeye mwoyo, munyi kandi mulava mwoyo.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 3:16

Nyasaye yayanza avandu vu mu kivala, kali nahaana Mwana weve umuderwa, kunangwa ku vosi umusuuvira atadiva mba, navuzwa aduuki kuva ni livamwoyo ilitahera mba.

Yohana 3:36

Uyu usuviraa Mwana wa Nyasaye, aveeye ni livamwoyo litahera mba. Navuzwa uyu utatiza Mwana wa Nyasaye, sialilola livamwoyo kigira amaduywa ga Nyasaye galamenya kuye.

Yohana 5:21

Kuli Baba asimugukizaa avakuzu nu kuvaha livamwoyo, kandi nindio mwana ahaanaa livamwoyo ku yavo avaayaanza.

Yohana 5:26

Kuli Baba aveeye vutangiliru vwi livamwoyo kandi ndio umali kuhaana Mwana ave vutangiliru vwi livamwoyo.

Yohana 6:35

Yeso yavavolera, “Inzi niye mugadi gwi livamwoyo. Uyu uza ku inzi sialiva ninzara mba. Uyu usuviraa inzi sialiva nu vuluhu mba.

Yohana 6:44

Sihaveeye ho nu mundu unyala kuuza ku inzi, uwa Baba wanduma akikiri koleta ku inzi. Inzi ndasimugukiza mundu oyo ku lidiku lie keheri.

Vikolwa 3:15

Munyi mwita oyo oveeye uvutangiliru vwi livamwoyo. Navuzwa Nyasaye yamusimugukiza kutura mu likuza, nakunyi koveeye avalolekizi ku yaga.

Varumi 4:17

Kuli Mang'oda Matakatifu gavoora, “Mali kokora ivi baba wi zihiiri zinyingi.” Lisuuvirizwa yili liveeye lilahi imbiri wa Nyasaye, wa Aburahamu yasuuvira muye, Nyasaye uhaanaa livamwoyo ku vakuzu, kandi ku malago geege aleetaa vitaveeye ho, kuva ho.

Varumi 8:2

kigira Lilaga lia Roho, oleetelaa kunyi livamwoyo mu lihambanywa harara mu Kristo Yeso, limali komboholola kutura mu Lilaga liu vwoni kandi lie likuza.

1 Vakorintho 15:18

Yaga ganyala kuva ni kivuni ndi, vandu vasuuviraa mu Kristo yakuzaa, yavo vamala kudiva.

1 Vakorintho 15:29

Niiva lisimuguka siliveeye ho, kigira ki vandu vabatizangwa kulwa vandu vakuzu? Vakora ndio kigira ki? Niiva gaveeye giligali ndi vakuzu sivasimugukizangwa, kigira ki avandu yavo vabatizangwa kulwa vakuzu vaali nivakikiri kubatizwa?

2 Vakorintho 4:14

Kunyi kwamanya ndi Nyasaye wasimugukiza Mwami Yeso alakasimugukizi kunyi kandi harara na Yeso, kandi alakakuhili, harara ni munyi imbiri weve.

Vafilipi 1:23

Mbeeye hagati hi zimbega ziviri. Nyenya koleka livamwoyo yili kuzia komenya harara na Kristo, kigira yiki keveeye kindu kilahi ligali.

Vafilipi 3:10

Icha inzi nyenya ku viosi ni kumanya Kristo, no kolola izingulu zie ilisimuguka lilie, nduuki kusanga mu uvusaliri vwivwe, nu kuvwa kuli oyo mu likuza lilie,

1 Vatesalonike 4:14

Nikuva nikusuuvira ndi Yeso yakuza ma nasimuguka, kunangwa. Kusuuviri ndi Nyasaye alakavaleete harara na Yeso, yavo vosi avakuzaa nivasuuvira muye.

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.

Likunula 20:5

Avakuzu vandi yavo vatigara sivasimuguka mba kuduuka mihiga elefu ndala. Yili nilio lisimuguka liu kutanga.

Likunula 21:4

Aleeya vosi, amaliga kutura mu izimoni ziavo. Likuza sililava ho mba, kandi sihalava no ovovereri anoho lisioma nu uvuzunu mba. Ivindu viakale vimali kogotizwa.”

Likunula 22:1

Engelosi yamanyia kandi umugera gwa amazi gi livamwoyo, amalengeeru ligali, gasinukaa mundeve yu uvwami vwa Nyasaye kandi yu Mwana wi Ligondi.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.