Yohana 10:8 - KITABU KITAKATIFU

⁸ Avandu vosi avaazaa imbiri wange naviivi kandi aviguliri, navuzwa magondi sigavahulira mba.

Yohana 10:8 Iomraidhean Croise

Jeremia 23:1

Likalaga lia Yahova ku aviimiliri vononyiaa nukusalanyia avandu veve lilakave liukutihiza ligali kulindi!

Ezekieli 34:2

Yavoola, “Mwana wu Mundu, oporofete uvudamanu vwa avami va Isiraeli. Porofeta kuvo, uvavoolere aga inzi, Yahova Wuvunyali mbavooleraa: Kivi keveeye ku, munyi aviimiliri va Isiraeli! Munyi mwehendera mwoyo, navuzwa si mulinda magondi gange mba.

Zefania 3:3

Aviimiliri valio vafuuma kuli zisimba, avakalagi valio vaveeye kuli vivwi viveeye ni inzara, avahuvali valiza kali kigumba kuduuka mugambazuri, si vanyara koleka kali kigumba mba.

Zekaria 11:16

Mali kuviika mwayi kulinda chayo cha magondi, navuzwa siakonyaa magondi gaveeye ahimbi kudivizwa mba, anoho siahenzaa agagotaa mba, anoho kohonya agasalirizwa, anoho kulihiza malamu mba. Muvugono yivwo alizaa zinyama zia magondi gaveeye makomelu kandi nu kutandura zimbagayu zia go.

Yohana 10:1

Yeso yavoola, “Muvooleraa agiligali, mundu ku vosi uvula kwingilira mu kirivwa che ekego cha magondi, navuzwa afudula ma yingilira halovega, uyu aveeye mwivi kandi mwiguliri.

Yohana 10:27

Amagondi gange gahulira mwoyo gwange; inzi ngamanyi, nago ganondaa.

Yohana 10:5

Amagondi yaga si ganyala kolonda mugeni mba, nitali gamwiruka kigira sigamanyi mwoyo gwu mugeni oyo mba.”

Vikolwa 5:36

Mwizurizi kumanya ndi, mundu mulala walangwa Teuda yasingira mihiga mikekeeke ijiviti, navoora, ‘Mbeeye mundu munene.’ Na avandu vaduuka ahimbi zimia zine vaamulonda. Navuzwa yitwa, na avalondi veve vosi vasalanywa, nu muganda gwigwe ni gogota.