Yohana 10:27 - KITABU KITAKATIFU

²⁷ Amagondi gange gahulira mwoyo gwange; inzi ngamanyi, nago ganondaa.

Yohana 10:27 Iomraidhean Croise

1 Avami 18:21

Elija yazia ku vandu zana navoora, “Galavugula lohono ki kunangwa munyi muduuki ku likalaga? Niiva Yahova ni Nyasaye, mumusigamiri; navuzwa niiva Baali aveeye nyasaye, mumusigamiri!” Navuzwa vandu sivativula likuva kali lilala mba.

Isaya 66:22

“Avandu vange harara ni visukululwi viavo valamenya mihiga ni mihiga, kuli ligulu lihia kandi lirova lihia via ndilomba vilakamenye mihiga ni mihiga.

Matayo 16:24

Hene yaho Yeso yavolera aviigi veve, “Mundu ku vosi ni yenya yanonde, gamudukira yigaye umwene, ma avuguli umusalaba gwigwe anonde.

Matayo 17:5

Lwa yaali nakemoloma, ililesi lilavu liavakunika, nu umwoyo gwahulirika kutura mu lilesi zana ni govoora, “ Uyu nu Umwana wange wandayanza, mumuhuliri.”

Matayo 25:12

Navuzwa yavativulira, ‘Agiligali muvooleraa, Inzi si mumanyi mba!’ ”

Matayo 7:23

Ahene yaho ndakavavolere, ‘Si mumanyi kali hakuzu, tuli imbiri wange, munyi avakolaa vudamanu!’

Marko 10:21

Yeso yamuhenza nu vuyanzi namuvolera, “Udaki vuzwa kindu kilala. Zia ugulizi viosi via oveeye navio na uhaane ku avadaka, na ivi ulava ni livikiru mwigulu; ma uzi ononde.”

Marko 8:34

Yalanga ikiduma cha vandu na aviigi veve, navavoolera, “Mundu ku vosi uwenyaa kononda, yigaye umwene ma agingi musalaba gwigwe ma yanonde.

Luka 13:27

Navuzwa Mwami alakavoole, kandi ‘Muvooleraa agiligali, simanyi munyi muturaa hayi mba. Tuli imbiri wange, munyi vosi avaakoraa uvudamanu!’

Luka 9:23

Yavolera avandu vosi, “Niiva mundu woosi yenya kononda, gamudukira yigaye, kandi avuguli musalaba gwigwe yanonde kazozo.

Yohana 10:14

“Inzi mbeeye mwayi mulahi, kandi manyi avaveeye avange, navo avaveeye avange, vamanya inzi,

Yohana 10:16

Mbeeye kandi na amagondi gandi amanyingi agataveeye gu mu kego yiki. Kuduuka ngaleete kandi. Nago kandi galahulira mwoyo gwange, na galava chayo kilala nu mwayi mulala.

Yohana 10:8

Avandu vosi avaazaa imbiri wange naviivi kandi aviguliri, navuzwa magondi sigavahulira mba.

Yohana 12:26

Uyu wenyaa kundumikira gamuduukira anonde, kandi hoosi ha mbeeye, niho hu mutumikiri wange ava, kandi mundu ku vosi undumikira, Baba wange alamuha uvukumi.

Yohana 21:22

Yeso yamutivulira, “Niiva inzi nyenya ave mwoyo kuduuka lwa ndirana, gaveeye ki ku ivi? Ivi ononde.”

Yohana 5:25

Agiligali muvooleraa; ing'inga yiza, kandi imali kuduuka, lwa avakuzu valihulira mwoyo gwu Mwana wa Nyasaye, nayavo avalimuhulira, valakaduuki mu livamwoyo.

Yohana 8:12

Yeso yavavolera kandi, “Inzi niyie uvulavu vwa avumukivala. Uyu onondaa sialagenda mu kisundi mba, navuzwa alava nu vulavu vuhaana livamwoyo.”

Yohana 8:43

Kigira ki simuhuliraa agambooraa? Kigira ki munyi si munyala kuhulira likuva liange?

Vikolwa 3:23

Ku vosi uvula kuhulira muporofeti oyo alahulwa kutura mu vandu va Nyasaye, kandi aladivizwa.’

1 Vakorintho 8:3

Navuzwa umundu uyanzaa Nyasaye, oyo yamanyikana ligali naye.

Vagalatia 4:9

Navuzwa kigira kalunu mumali kumanya Nyasaye, kandi kigira Nyasaye umali kumumanya, munyi munyala ndi kwirana ku mademoni gu vudaka kandi madedekere gamiihaa mu vwerefu? Kigira ki mwenya kandi avatugwa vago?

Vahebraina 3:7

Kunangwa, kuli Roho Mutakatifu avoora, “Niiva muhulira mwoyo gwa Nyasaye kalunu,

Likunula 14:4

Yava nivo avasaza avilindaa na vavula kokora ovoheyi na vakali; aveene vayilinda kandi vaveeye avagima. Yava nivo avalondanga Mwana wi Ligondi hoosi na hoosi aha azizaa. Yava vahonywa kutura mu avandu vandi vaveeye va Nyasaye amakuyu gukutanga kuhaanwa ku Nyasaye kandi ku Mwana wi Ligondi.

Likunula 3:20

Henza, singiyi ha kiliango nzigulihizaa. Umundu woosi naava naahulira mwoyo gwange nukunzigulira kiliango, ndingira munyumba yeeye, nduuki kulia harara naye kandi naye alie harara ninzi.