Yohana 10:16 - KITABU KITAKATIFU

¹⁶ Mbeeye kandi na amagondi gandi amanyingi agataveeye gu mu kego yiki. Kuduuka ngaleete kandi. Nago kandi galahulira mwoyo gwange, na galava chayo kilala nu mwayi mulala.

Yohana 10:16 Iomraidhean Croise

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Zaburi 86:9

O, Yahova, zihiiri ziosi zia walomba, zilaza nu kukusigamira ivi; valizominya ovonene vuvwo.

Kohelethu 12:11

Zing'ano ziu mundu mugeri ziveeye kuli zimbimbu zinzugi zia vayi va magondi vatumikira kulinda magondi, kandi zing'ano ziayavungiza zilamenya kuli misumari giduyiywi vudinyu. Zing'ano yizi ziahaanwa na Nyasaye, mwayi wiitu vosi.

Isaya 11:10

Lidiku lizaa lwu mwami muhia kutura munyumba yu vwami vwa Daudi alava kelolero ku zihiiri ziosi. Valavunga harara mu lidaala lilie liu vwami nukumuha luyali.

Isaya 43:6

Ndavolera vandu va Ivaale, vatuli vazie! Kandi ndavolera Isavaalu, vataviigalira mba! Leki avandu vange viirane kutura muvivala vie ihale, kandi kutura mu vuli keheri chi lirova.

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Isaya 52:10

Yahova umali kumanyia mukono gwigwe mutakatifu imbiri wi zihiiri ziosi. Keheri choosi chi lirova kilalola ovohonyi vwa Nyasaye wiitu.

Isaya 56:8

Mwami munene Yahova Nyasaye, umali koleta avandu veve Isiraeli yengo kutura mu lihaminywa, umali kulaga ndi alaleeta kandi avandu vandi ukuhambana navo.

Ezekieli 34:12

munzira indara nzere, kuli mwimiliri alindaa magondi geege agaali nigasalaana ma agiranyia harara kandi. Naangiranyie kutura havundu hoosi uwa gaali nigasalanyirwa ku lidiku lie kisundi kandi kivi.

Ezekieli 34:23

Ndahaana Mwami Daudi yeng'ine kuli mutumikiri wange kuva mwimiliri wavo kandi alagalinda.

Ezekieli 34:6

Magondi gange gaavoyavoya ku vigulu viosi kandi kuvuli tugulu tutambi. Gasalanywa ku lirova liosi, kandi siaveeye ho kali mulala uwageenyeleriza mba.

Ezekieli 37:22

Ndavaha mbanyia harara kuli ihiiri indala mu kivala, kandi valakamenye ku vigulu via Isiraeli. Navave nu mwami mulala uwaza avamihi, si navagavulanywe mu zihiiri ziviri anoho vwamihi vuviri kandi mba.

Ezekieli 37:24

Mwami kuli mutumikiri wange Daudi naave mwami wavo. Vosi valakave nu mwami mulala kandi navatie malago gange Mu vusuuvirifu.

Hosea 1:10

Avandu va Isiraeli valakave vanyingi kuli muyeke gwu munyanza ugunyala kuvula kuvalizwa anoho kogerwa. Kalunu Nyasaye avavoolera, “Munyi si muveeye avandu vange mba,” navuzwa ing'inga yiza lwa livavoolera, “Munyi muveeye avana va Nyasaye omenya!”

Zekaria 2:11

Ing'inga yeyo, zihiiri zinyingi zilakaze ku Yahova kandi zilakave avandu veve. Alakamenye hagati hinyu, kandi mulakamanye ndi yanduma ku munyi.

Matayo 17:5

Lwa yaali nakemoloma, ililesi lilavu liavakunika, nu umwoyo gwahulirika kutura mu lilesi zana ni govoora, “ Uyu nu Umwana wange wandayanza, mumuhuliri.”

Luka 15:8

“Niiva mukali aveeye nizisilingi likomi, niiva alagotiza ndala, alakola ki? Ahambizaa itaya, niyeeye munyumba kandi yenyererize havundu hoosi vudinyu kuduuka lwa agenyoolaa?

Yohana 10:11

“Inzi mbeeye mwayi mulahi. Mwayi mulahi ahaanaa livamwoyo lilie kigira amagondi geege.

Yohana 10:2

Navuzwa mundu wingilira mu kirivwa, oyo niyie mwayi wamagondi.

Yohana 10:27

Amagondi gange gahulira mwoyo gwange; inzi ngamanyi, nago ganondaa.

Yohana 10:3

Mulindi wi kirivwa amwiguliraa, kandi magondi gahulira mwoyo gwigwe lwa alaangaa sia lilala ku lieta lialio, ma agimiliraa kugatuliza ichova.

Yohana 10:4

Lwa amala kugatuliza ichova, yimira imbiri wago nago gamulonda, kigira gaamanya mwoyo gwigwe.

Yohana 10:5

Amagondi yaga si ganyala kolonda mugeni mba, nitali gamwiruka kigira sigamanyi mwoyo gwu mugeni oyo mba.”

Yohana 11:52

na sikoveeye ku yavo venyine, navuzwa kandi aduuki kuleeta harara avana va Nyasaye avasalana.

Yohana 17:20

“Si salira yava venyine; navuzwa salira kandi vosi avalisuuvira kuvitira mumakuva gaavo.

Yohana 6:37

Vosi ava Baba ambezaa valaza ku inzi; nainzi sindakunga mundu woosi uza ku inzi mba.

Vikolwa 15:14

Simoni umali kwivaala kuli Nyasaye yaatanga kuyaanzilira kuluuta avandu vi Zihiiri, natovora avalala kuvo vaduuki kuva avandu veve.

Vikolwa 18:10

kigira inzi mbeeye harara nivi. Sihaveeye nu mundu ukusaliriza mba, kigira mu lidaala yili mbeeye mu na avandu vanyingi.”

Vikolwa 22:14

Anania yavoola, ‘Nyasaye wa avaguuga viitu umali kokotovola uduuki kumanya uvulariri vwivwe, no kolola Mutumikiri mulungi weve, nu kumuhulira na amolomaa numwoyo gwigwe.

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

2 Vatesalonike 2:13

Navuzwa gakuduukiraa kuhaana lisandiza ku Nyasaye kazozo kigira munyi, avaamitu, munyi avu Mwami ayaanza. Nyasaye yatovola munyi kutura ing'inga yukutanga mu nyoore ovohonyi mu litakaswa lia Roho nu mu lisuuvira agiligali.

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.

1 Petro 2:10

Lwimbiri munyi simwali avandu va Nyasaye, navuzwa kalunu muveeye avandu veve; lwimbiri simwamanya zimbavasi zizie, navuzwa kalunu mwamala konyoora zimbavasi zizie.

1 Petro 2:25

Mwali ni mwagota kuli amagondi, navuzwa kalunu mumali kwilanywa muduuki kolonda umwayi oveeye umulindi wi mioyo jinyu.

1 Petro 5:4

Mwayi mwene aliloleka, mulakanyoole itaji yu vukumi ilivula kogotiza vwaku vwayo.

Likunula 3:20

Henza, singiyi ha kiliango nzigulihizaa. Umundu woosi naava naahulira mwoyo gwange nukunzigulira kiliango, ndingira munyumba yeeye, nduuki kulia harara naye kandi naye alie harara ninzi.