Yohana 10:10 - KITABU KITAKATIFU

¹⁰ Mwivi yaza vuzwa kigira ukwiva, ukwita nu kudiviza. Inzi ndaaza kunangwa amagondi gange gaduuki konyoora livamwoyo, kandi valinyoole linyingi ligali.

Yohana 10:10 Iomraidhean Croise

Isaya 56:11

Vaveeye kuli zimbwa zimbuvaalu izitanyara gwigutaa. Aviimiliri yava sivaveeye nilimanyiriza. Sa mulala akolaa kuli ayaanza kandi yenyaa viambeti vivie umwene.

Hosea 7:1

“Lwa inzi nyenya kohonyia avandu vange Isiraeli nukuvakola vazizagiliri kandi, goosi agandolaa nuvuchamu vwavo kandi nizimbi ziavakola. Vagaadana aveene ku aveene; viguula muzinyumba niviva; vanuraa vandu muzinzira.

Matayo 18:10

“Mulole ndi muvuli kuchaya mulala ku vakekeeke yava inzi muvooleraa. Zingelosi ziavo mwigulu, ziveezaa imbiri wa Baba wange vuli kazozo. [

Matayo 18:11

Mwana wa Adamu yaza kohonyia avaagota.]

Matayo 20:28

kuli Umwana wa Adamu, siyaaza kutumikirwa, navuzwa kutumika nu kuhaana livamwoyo lilie kohonyia avandu vanyingi.”

Matayo 21:13

Yavavolera, “Gang'odwa mu Mang'oda Matakatifu ndi Nyasaye yavoola, ‘Litembeli liange lilalangwa inyumba yu kusaala.’ Navuzwa munyi mugekoli kuva luhangaywa lwa vanuuri.”

Matayo 23:13

“O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!

Marko 11:17

Lwinyima yaviigiza navoora, “Gang'odwa, ‘Litembeli liange lilalangwa inyumba yu kusaala ku zihiiri ziosi!’ Navuzwa munyi mugekoli kuva luhangaywa lwa vanuuri.”

Luka 19:10

Kigira Mwana wa Adamu yaza kwenya kandi kohonyia avaagota.”

Yohana 10:1

Yeso yavoola, “Muvooleraa agiligali, mundu ku vosi uvula kwingilira mu kirivwa che ekego cha magondi, navuzwa afudula ma yingilira halovega, uyu aveeye mwivi kandi mwiguliri.

Yohana 10:11

“Inzi mbeeye mwayi mulahi. Mwayi mulahi ahaanaa livamwoyo lilie kigira amagondi geege.

Yohana 12:47

Uhulira amakuva gange, navuzwa navula kugagumira, inzi si mukalagiraa mba, kigira sindaaza kukalagira avumukivala, navuzwa kuvahonyia.

Yohana 12:6

Si yavoola yaga kigira yahendera nokovelera avadaka, navuzwa kigira yaali umbiki wa mabese, na kuli yaali mwivi, vuli ing'inga yivaa kutura mu livikiru yilio.

Yohana 3:17

Nyasaye siyatuma Mwana weve kuuza mu kivala kukalagira avumukivala, navuzwa kohonyia avumukivala.

Yohana 5:40

Kali ndio, munyi simwenya kuuza ku inze muduuki konyoora livamwoyo mba.

Yohana 6:33

Kigira mugadi gwa Nyasaye ahaanaa goveeye uyu uturaa mwigulu kandi uhaana livamwoyo ku avumukivala.”

Yohana 6:51

Inzi mbeeye mugadi goveeye mwoyo, ugwatula mwigulu. Mundu ku vosi nalia mugadi yigu, alava ni livamwoyo litahera mba. Mugadi gwa ndihaana kigira livamwoyo lia avumukivala goveeye muviri gwange, ugwa mbana kigira livamwoyo lia avumukivala.”

Varumi 2:21

Ivi wigiza vandi, kigira ki si wiyigizaa ku ivi mwene? Ivi wilwaziraa avandi ndi, “Mutiiva mba,” navuzwa, ivi mwene wivaa!

Vahebraina 6:17

Kandi, Nyasaye yatovola kutwekiza lisuuvirizwa lilie ni liesuuha. Nandio yamanyia havulavu yavo valinyoola miandu ndi amakuva geege sigaveeye niligirung'ana, maku yavika liesuuha hagati haavo.

Vahebraina 7:25

Kandi ndio anyala, kalunu na kazozo, kohonyia yavo avaazaa ku Nyasaye kuvitira muye, kigira aveeye mwoyo mihiga ni mihiga, kandi avasaaliraa ku Nyasaye kazozo.

2 Petro 1:11

Kunangwa mulanyola livugilirwa liu vukumi mu Vwami vwi mihiga ni mihiga vwu Mwami kandi Muhonyi wiitu Yeso Kristo.