Yohana 10:1 - KITABU KITAKATIFU

¹ Yeso yavoola, “Muvooleraa agiligali, mundu ku vosi uvula kwingilira mu kirivwa che ekego cha magondi, navuzwa afudula ma yingilira halovega, uyu aveeye mwivi kandi mwiguliri.

Yohana 10:1 Iomraidhean Croise

Jeremia 14:15

Inzi Yahova, ngovolera aganzizaa kokora ku avaporofeti yavo, ava inzi ndaavura kutuma navuzwa vamolomaa mu lieta liange nokovoora ndi vulwani kandi inzara si viladiviza kivala yiki mba. Inzi Yahova ndavitira mu vulwani harara ninzara enene ligali.

Jeremia 23:21

Yahova yavoola, “Sindaatuma vaporofeti yava mba, navuzwa kalindio vazia. Sindaavaha likuva liosi mba, navuzwa vamoloma mulieta liange.

Jeremia 23:32

Muhuliri aga inzi Yahova, mboraa! Ndunyiraa avaporofeti vavoola amalooto gizuraa ovovehi. Vavoola amalooto yaga nukuchaminya avandu vange novovehi vwavo kandi ni liegingira liavo. Inzi sindaavatuma anoho kuvalaga vazie mba, kandi sivaveeye avovokonyi ku avandu mba. Inzi Yahova mali kovora.”

Joeli 2:9

Ziziza vwangu nukutulira lidaala linene; zinyagulira ku madigi; zinina igulu ku zinyumba nukwingilira mumadirisia kuli aviivi.

Matayo 7:15

“ Mugerihi ku avaporofeti vo vovehi. Valaza ku munyi niviviiki zinguvu zia magondi, navuzwa mu mioyo jaavo vaveeye visalang'ongo vilulu.

Yohana 10:7

Kunangwa, Yeso yavavolera kandi, “Muvooleraa, agiligali, inzi ni kirivwa cha magondi.

Yohana 3:3

Yeso yamutivulira, “Ngovolera agiligali, mundu navula kwivulwa vuhia, sianyala kolola Uvwami vwa Nyasaye mba.”

Varumi 10:15

Valilwaza ndi nivatatumiywi? Kuli Mang'oda Matakatifu gavoora, “Voveeye vulahi ki kuliiza lia vatumwa valeta nukwilwaza amakuva malahi!”

Varumi 16:18

Kigira avandu vu lugano yilu sivatumikiraa Mwami wiitu Kristo mba, navuzwa vahenderaa zinda ziavo veene. Ku makuva gaavo malahi, na guvugadi, vagotiza avandu vataveeye ni mbala.

Tito 1:11

Kuduuka amakuva gaavo gagaywi, vakiring'ane kigira vadiviza vandu avizinyumba vosi na amigizu gaavo ga vigiza ivindu vitaduukanaa kwigiza; kigira lienya vaavo litaveeye lisuuvirifu liu kwenyolera mabese.

Vahebraina 5:4

Sihaveeyeho nu mundu wivuguliraa umwene luyali lwu kuva musaalisi munene mba. Samulala gamudukira Nyasaye amutovole kuli yatovola Haruni.

1 Petro 1:10

Gaali kigira govohonyi yivu, avaporofeti vaateveleriza ligali, kandi nivenyereriza vamanye kandi ni vaporofeta kigira ikihaanwa yiki icha Nyasaye alimuha.

2 Petro 2:1

Kuli vaporofeti vu vugadi vanyooleka hagati ha vandu mu madiku yago, kandi munzira ndala nzere avigizi vu vugadi valanyooleka mumunyi. Valaleta mu vuvisi amigizu go vovehi kandi gukudiviza na valambakana Umwami wavahonyia, na ndio valeletera aveene lidiviza lia vwangu.

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.

1 Yohana 4:1

Avalina avayaanze vange, mutasuuvira avandu vosi avevoora avaveeye na Roho, navuzwa muhenzerizi kandi mulole niiva mundu oyo yimilirwa na Roho wa Nyasaye. Yiki ni kigira avaporofeti vovovehi vanyingi vamali kuzia mu kivala choosi.