Yohana 1:51 - KITABU KITAKATIFU

⁵¹ Yeso yaazizagilira kovora, “Agiligali muvooleraa, Mulalora ligulu niliguliywi nizingelosi va Nyasaye nivanina nu kwika kutura ku Mwana wa Adamu.”

Yohana 1:51 Iomraidhean Croise

Litanga 28:12

Yalota ndi, ololi ingasi kutura mwigulu na idiiri ku lirova. Zingelosi va Nyasaye vanina kuzia igulu kandi viika hasi.

Ezekieli 1:1

Ku lidiku lia katano ku mweli gwa kane mu muhiga gwa salasini, Inzi Zacheli musaalisi, mwana wa Buzi, ndaamenya harara na Vayuda vahaminywa ahimbi nu mugera gwa Kebari mu kivala cha Babiloni. Ligulu liakunuluka, na ndaalora malola ga Nyasaye.

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.

Matayo 25:31

“Lwu Umwana wa Adamu aliiza kuli Umwami harara ni zingelosi vosi alikala ku endeve yu vwami vwivwe,

Matayo 26:24

Yee, Umwana wa Adamu alakuza kuli gang'odwa kuye, mu Mang'oda Matakatifu, navuzwa, kilaamo keveeye ku oyo uzamaa Umwana wa Adamu! Vwali vwakaveeye vulahi musaza uyu alavula kwivulwa!”

Matayo 3:16

Lwa Yeso yaali niyakabatizwa, yatura mu mazi vwangu. Henza iligulu liakunuka, Roho wa Nyasaye yika kuli ilikuulu, ni yaza kuye.

Matayo 4:11

Ma Setani yamuleka, kandi henza, zingelosi vaza nivamutumikira.

Matayo 8:20

Yeso yamutivulira, “Vivwi viveeye ni zimbangaywa, na amanyonyi gaveeye ni zinyumba ziago, navuzwa Umwana wa Adamu siaveeye na ahokososera mba.”

Matayo 9:6

Navuzwa nyenya muduuki kumanya ndi Umwana wa Adamu aveeye ni zinguru kusamiiha avandu uvwoni mu kivala.” Kunangwa yavolera mundu uwafogoya, “Singira ugingi kidali chicho, uzie yengo!”

Marko 1:10

Lwa Yeso yatura mu mazi, nonoho yalora iligulu ni ligulwa, ma Roho yika kuye kuli ilikuulu.

Marko 14:62

Yeso yativura, “Inzi niyie. Mulalora Mwana wu Mundu niyikaye ku mukono mulungi gwa Nyasaye Wuvunyali, kandi niyazaa mu malesi gigulu.”

Luka 2:13

Nonoho, vaaloreka harara ne engelosi kiduma kenene chi zingelosi vu mwigulu nivizominya Nyasaye nivavoora,

Luka 2:9

Engelosi wu Mwami yaloleka kuvo kandi uvukumi vwu Mwami vwa ng'ereng'ana kuvo zimbega ziosi. Vaatia ligali,

Luka 22:43

Engelosi yaloleka kuye kutura mwigulu, naamuha zinguru.

Luka 22:69

Navuzwa kutura kalunu Mwana wa Adamu alikalizwa ku mukono mulungi gwa Nyasaye Wuvunyali!”

Luka 24:4

Lwa vaali ni vagenya ku yaga, nonoho, avandu vaviri vasingira navo, aviviika zinguvu zing'ereng'anu kuli loheni.

Luka 3:21

Lwa avandu vosi vaali nivakabatizwa, Yeso naye ya batizwa na lwa yaali nasaalaa, ligulu ligulika.

Yohana 1:50

Yeso yamuvolera, “Ivi usuuviyi kigira ngovoleeye ndi ngololi hasi hu Musaala gwu Mukuyu? Ulalola vindu vinene kuvita yivi ligali.”

Yohana 10:1

Yeso yavoola, “Muvooleraa agiligali, mundu ku vosi uvula kwingilira mu kirivwa che ekego cha magondi, navuzwa afudula ma yingilira halovega, uyu aveeye mwivi kandi mwiguliri.

Yohana 10:7

Kunangwa, Yeso yavavolera kandi, “Muvooleraa, agiligali, inzi ni kirivwa cha magondi.

Yohana 13:16

Muvooleraa agiligali, mutugwa siaveeye munene ligali kuvita mwami uwamutuga mba. Anoho mutumwa siaveeye munene kuvita uwamutuma.

Yohana 13:38

Yeso yamutivulira, “Hene ligali ulahaana livamwoyo liilio kigira inzi? Ngovolera agiligali, idaywa nikikiri kulagula, ulanyambakana haali kavaga.”

Yohana 14:12

Muvooleraa agiligali, uyu usuviraa mu inzi alakola miyinzi ja inzi ngolaa. Yee, alakola kali minene ligali kuvita kigira inzi nziza wa Baba.

Yohana 16:20

Agiligali muvooleraa, munyi mulalira nu kusioma, navuzwa avumukivala valasangala; mulaverera, navuzwa ovovereri vwinyu vulagirung'ana kuva uvusangari.

Yohana 16:23

“Mu lidiku liene yilio si muliteeva kindu choosi kutura ku inzi kali hakuzu mba. Agiligali muvooleraa, nimuteeva kindu choosi ku Baba ku lieta liange, alamuha.

Yohana 21:18

Ngovolera agiligali, nukikiri musoleri, waali nuwanala kwevoha musibi nukuzia hoosi aha wenyaa. Navuzwa lwa uliva musakulu ulakanyili makono googo, nu mundu wundi alakakovohe musibi nukukuhila aha utayaanzaa.”

Yohana 3:3

Yeso yamutivulira, “Ngovolera agiligali, mundu navula kwivulwa vuhia, sianyala kolola Uvwami vwa Nyasaye mba.”

Yohana 3:5

Yeso yamutivulira, “Ngovolera agiligali, mundu natiivulwa liivulwa lia amazi ni lia Roho, sianyala kwingira mu Vwami vwa Nyasaye mba.

Yohana 5:19

Kunangwa Yeso yavavolera, “Muvooleraa agiligali: Mwana sianyala kokora kindu ku vwivwe mwene; navuzwa anyala kokora vuzwa kindu chalolaa Baba weve nakora. Kigira ku viosi via Baba akolaa, Mwana avikolaa kandi.

Yohana 5:27

Kandi yamali kuha Mwana uvunyali vwu kukalaga, kigira aveeye Mwana wa Adamu.

Yohana 6:26

Yeso yavativulira, “Muvooleraa agiligali, simunyenyaa kigira muloli vilolekizu, navuzwa kigira muliiyi migadi nimwiguta.

Yohana 6:32

Yeso yavavolera, “Muvooleraa Agiligali, si yaali Musa uwamuha mugadi kutura mwigulu mba navuzwa; ni Baba wange niyie umuheezaa mugadi gwa agiligali kutura mwigulu.

Yohana 6:47

Muvooleraa agiligali, uyu usuviraa, aveeye ni livamwoyo litahera mba.

Yohana 6:53

Yeso yavavolera, “Muvooleraa agiligali, nimutalia muviri gwu Mwana wa Adamu kandi munwi amasahi geege, si muveeye ni livamwoyo mba.

Yohana 8:34

Yeso yavativulira, “Agiligali muvooleraa, mundu ku vosi okola uvwoni aveeye mutugwa wu vwoni.

Yohana 8:51

Agiligali muvooleraa, ugumira amigizu gange sialakuza mba.”

Yohana 8:58

Yeso yavavolera, “Agiligali muvooleraa, imbiri wa Aburahamu akikiri kwivulwa, inzi ndaali ho.”

Vikolwa 10:11

Yalora ligulu ni likunulukaa, nikindu kuli isuuka enene yikizwa hasi nigumiliywi zikona ziayo zine.

Vikolwa 7:56

Yavoola, “Heenzi! Ndolaa ligulu ni likunuliywi, nu Mwana wa Adamu usingiyi ha mukono mulungi gwa Nyasaye!”

2 Vatesalonike 1:7

navuzwa munyi avakubizangwa ikivi mulanyola ovososi ni lielemereriza, kandi ku kunyi ndio. Alakola ndio lwu Umwami wiitu Yeso alolekaa kutura mwigulu harara ni zingelosi veve avizingulu,

2 Vatesalonike 1:9

Valahevwa mageri agaveeye lidivizwa lie mihiga ni mihiga kandi kwavukanywa kutura imbiri wu Mwami kandi kutulizwa mu vukumi vwi zinguru zizie.

Vahebraina 1:14

Kunangwa zingelosi nivwaha? Vaveeye vatumwa vatumikira Nyasaye, kandi vatumwa na Nyasaye, kuzia kokonya avandu vaadukana vanyoore vohonyi.

Yudasi 1:14

Yaali Enoka, oveeye guuga okola saba kutura ku Adamu, uwaporofeta kigira vandu yava, navoora: “Henza, Mwami yaazaa ni iliihi lilie lie zielefu ni zielefu zinyingi zie zingelosi veve vatakatifu

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.

Likunula 4:1

Inyima wa yago, ndaali na malola gandi, ndaalora kiliango ni kiguliki mwigulu. Mwoyo gwa ndaali nimbuliyi mu litanga nigovolerana ninzi kuli kisiriva, gwavoola, “Yanigira yinu, nainzi ndakumanyia ivindu viduukana vikoleke lwinyima.”