Yohana 1:45 - KITABU KITAKATIFU

⁴⁵ Filipo yanyoora Nazanieli namuvolera, “Konyooye mulala wa Musa yang'oda kuye mu kitabu chi Lilaga, kandi avaporofeti vang'oda kuye. Aveeye Yeso mwana wa Josefu, wa Nazareti.”

Yohana 1:45 Iomraidhean Croise

Litanga 22:18

Zihiiri ziosi zilakandeve nizigasiza kuli ndagasiza visukululwi vivio - Yaga goosi galakekoleke kigira ivi watia lilago liange.”

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Isaya 4:2

Ing'inga yiza lwa Yahova alakakole vuli kitagwa kandi umusaala mu kivala kuviruka ligali nukuva umulahi. Avandu vosi va Isiraeli, avatigara, valalia nu kusangalira amakuyu malahi gi lirova.

Isaya 53:2

Vwali uvulariri vwa Yahova ndi umutumikiri weve aduuki kuviruka kuli kitagwa kedoto ikihilaa imiri hasi mu kivala chumu. Siyaali nuvukumi anoho ligondo lilahi, okokora kunyi kumukayirwi mba. Sichali ho ni kindu kuye chukuyaanziza, sichali ho ni kindu ichakakungusi kunyi kuye mba.

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Mika 5:2

Yahova avoora, “Ivi Bezelehemu Efurate, oveeye mulala ku madaala makekeeke mu Ivuyuda, navuzwa kutura ku ivi, alaza mu Isiraeli mwamihi, uwa avinyumba yeeye vaali ho kutura zing'inga zia kale.”

Zekaria 6:12

Mumuvolere ndi Yahova Wuvunyali avoora, ‘Mundu ulangwa Ulusia alavilukila havundu ha aveeye, kandi alumbaka vuhia Litembeli lia Yahova.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Matayo 10:3

Filipo na Baturumayo, Tomasi na Matayo uwaali musololi wu vusuuru; Yakobo umwana wa Alufayo, na Tadayo;

Matayo 13:55

Uyu siaveeye umwana wu muvaazi? Mama weve sialangwa Maria? Nu avamwavo veve, sivaveeye vanga Yakobo, Yosefu, Simoni na Yuda?

Matayo 2:23

Yazia komenya mu lidaala lialangwa Nazareti. Na ndio gaduukizwa makuva gavoolwa kuvitira mu vaporofeti: “Alalaangwa Munazareti.”

Matayo 21:11

Na avandu vaali mu viduma vaativura, “Uyu nu muporofeti Yeso, kutura Nazareti, lidaala lia Galilaya.”

Marko 14:67

Lwa yalora Petero niyotaa umuliru, yamuhenza namuvolera, “Kali ivi waali harara na Yeso Munazareti.”

Marko 6:3

Uyu siaveeye umuvazi, umwana wa Maria, amwavo Yakobo, Jose, Yuda na Simoni? Avavozo veve si vamenya hano harara ni kunyi?” Na vamusuura.

Luka 18:37

Vaamuvolera, “Yeso wa Nazareti avitira hano.”

Luka 2:4

Josefu yalomba logendo kandi kutura Galilaya mu lidaala lia Nazareti. Yazia mu lidaala lia Bezelehemu lie Vuyuda. Kigira yaali uwinyumba kandi viko va Daudi.

Luka 2:48

Lwa aviivuli vamulola vagenya ligali. Maria mama weve yamuteeva, “Mwana wange, kigira ki okokoli kuli ndi? Baba woovo ninzi kukwenyi ni mioyo gietu giosi.”

Luka 24:27

Yaatanga kuvavuulira kutangira mu vitabu via Musa nu mu mang'oda ga vaporofeti vosi kuli gang'odwa mu, kigira oyo.

Luka 24:44

Yavavolera, “Yaga namakuva ga ndamuvolera ulwa ndaali ningikiri ni munyi: Vindu viosi viang'odwa mu Lilaga lia Musa kandi mu mang'oda ga vaporofeti nu muzaburi kigira inzi, nivulahi viduukizwi.”

Luka 3:23

Lwa Yeso yaatanga miyinzi jije yaali ahimbi ni mihiga salasini. Avandu vaganagana ndi yaali muyaayi wa Josefu uwaali muyaayi wa Heli.

Luka 4:22

Avandu vosi vayanzizwa naye ni vagenya kigira makuva malahi gayavoola. Vavoola, “Uyu siaveeye muyaayi wa Josefu?”

Yohana 1:44

Filipo yaatulaa Bezisaida, lidaala lia Andereya na Petero.

Yohana 12:21

Kunangwa vazia ku Filipo, mundu wa Bezisaida wi lidaala lia Galilaya, nivavoora, “Mwami, kwenyaa kolola Yeso.”

Yohana 14:8

Filipo yamuvolera, “Mwami, ukumanyie Baba; yago nigo ga kwenyaa ma gakuduuki.”

Yohana 18:5

Navo vaamutivulira, “Yeso wa Nazareti!” Yeso yavavolera, “Inzi niyie.” Yuda Muzami yaali nasingiyi ahene yaho harara navo.

Yohana 18:7

Yeso yavateva kandi, “Nivwaha wa mwenya?” Navo vativura, “Yeso wa Nazareti.”

Yohana 19:19

Pilato yalaga vang'ode mang'oda ma vagaviiki ku Musalaba. Nago gasomeka kuli ndi: “YESO MUNAZARETI MWAMI WAVAYUDA.”

Yohana 21:2

Simoni Petero, Tomasi walangwa Malongo, Natanaeli kutura mu lidaala lia Kana mu Galilaya, avana vaviri va Zebedayo na aviigi veve vandi vaviri, vaali harara vosi.

Yohana 6:42

kunangwa vavoola, “Uyu siaveeye Yeso mwana wa Josefu, wa baba na mama weve va kunyi kumanyi? Anyala ndi kovora, ‘Mali kwika kutura mwigulu?’ ”

Yohana 6:5

Kunangwa, lwa Yeso yalora kiduma cha avandu nikizaa kuye, yavolera Filipo “Kugura hayi migadi avandu yava vaduuki kulia?”

Yohana 6:7

Filipo yamutivulira, “Migadi ji zidinari zimia ziviri sijinyala kuduuka avandu yava mba, kali niiva samulala anyoora kedonye kekekeeke vuzwa!”

Vikolwa 10:38

Mumanyi Yeso wa Nazareti, na kuli Nyasaye yamutovola ku limuha Roho Mutakatifu ni zinguru. Nyasaye yaali harara naye; yavodong'ana hoosi nakora amalahi no kohonyia vosi avi lidemoni liaali ni liavoha.

Vikolwa 2:22

“Munyi avandu va Isiraeli, muhulirize amakuva yaga! Yeso wa Nazareti, yaali mundu wa Nyasaye yalang'aminya ku munyi ku vikolwa viokogenyia, na vie zinguru ni vilolekizu. Nyasaye yakolera vindu yivi muye hagati hinyu kuli munyi aveene mumanyi.

Vikolwa 22:8

Ndavoora, ‘Ivi nivwaha, Mwami?’ Naye yambolera, ‘Inzi ni Yeso wa Nazareti wa ivi udambiza.’

Vikolwa 26:9

“Inzi mwene ndaaganagana ndi, gandukira ngole aganyaliza goosi kuhing'ana ni lieta lia Yeso wa Nazareti.

Vikolwa 3:6

Navuzwa Petero ya muvooleraa, “Inzi simbeeye na mabese mba, navuzwa ndakuha choosi icha mbeeye nacho. Mulieta lia Yeso Kristo wa Nazareti, ngulaga, singira ogeende!”