Yohana 1:10 - KITABU KITAKATIFU

¹⁰ Likuva liali mu lirova, kandi muye Nyasaye yalomba lirova, navuzwa lirova, siliamumanya mba.

Yohana 1:10 Iomraidhean Croise

Litanga 16:13

Hagari yalanga Yahova uwamoloma kuye navoora, “Ivi oveeye Nyasaye ololaa? Gaveeye giligali inzi mali kolola Nyasaye, kandi mbeeye mwoyo inyima wamali kumulora?”

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

Litanga 18:33

Inyima wa Yahova yaali ni yakamala komoloma na Aburahamu, yamuleka na Aburahamu yirana yengo.

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Matayo 11:27

“Baba wange ombeeye ivindu viosi. Siaveeyeho nu mulala umanyi Umwana, natali Baba, kandi siaveeyeho nu mulala umanyi Baba natali Umwana, kandi ku vosi vu Umwana atovoraa kuvuula Baba weve kuvo.

Yohana 1:11

Yaza mu kivala chiche mwene, navuzwa avandu veve sivamuvugilira mba.

Yohana 1:18

Siaveeyeho nu mundu kali mulala uwalola Nyasaye mba. Mwana muderwa wa Nyasaye yeng'ine, oveeye ku kiritu cha Baba, umali kumuvuura.

Yohana 1:3

Nyasaye yalomba vindu viosi kuvitira muye. Sichaaliho ni kindu kali kilala ku vilombe viosi, ichalombwa vugira Ye.

Yohana 1:5

Uvulavu yivu vwakaa mu kisundi, navuzwa kisundi kikiri kuvuguuta kali hakuzu.

Yohana 17:25

O, Baba Mutakatifu! Avumukivala si vakumanyi mba, navuzwa inzi ngumanyi. Yava nivo avamanyi ndi ivi wanduma.

Yohana 5:17

Yeso yavativulira, “Baba wange akolaa miyinzi kazozo, nainzi gaduukanaa kandi ngole miyinzi.”

Vikolwa 14:17

Navuzwa siyaleka kwelolekiza mwene ku likora amalahi. Amanyia uvulahi vwivwe na amukubizira imbura kutura mwigulu, amuhezaa ligesa mu mihiga jalio, amuhezaa viukulia nu ukwizuliza uvusangari mu mioyo jinyu.”

1 Vakorintho 1:21

Kuvitira mu vogeri vwa Nyasaye yakola vandu vavuli kumumanya kuvitira mu vogeri vwavo aveene. Mu vogono yivwo, kuvitira mu vusiru vwi likuva lia kwilwazaa, Nyasaye yatovola kohonyia yavo avasuuviraa muye.

1 Vakorintho 2:8

Siaveeye ho nu mulala ku vamihi vi lirova yili wamanya ovogeri yivu mba. Niiva vaali nivavunamyi, sivali vakavambi Mwami wu vukumi mba.

1 Vakorintho 8:6

navuzwa ku kunyi aveeye ho Nyasaye mulala yenyine vuzwa, Baba oveeye mulombi wi vindu viosi, wa koveeye mwoyo kigira oyo. Kandi haveeye ho vuzwa nu Mwami mulala Yeso Kristo, wi vindu viosi vialombwa kuvitira muye; kandi koveeye mwoyo kuvitira muye.

Vakolosai 1:16

muye Nyasaye yalomba vindu viosi, viu mwigulu kandi via hasi ivilolekaa ni vitalolekaa, harara ne, zinguru zio vwami vwa roho, avanene, avamihi nu vunyali. Nyasaye yalomba ligulu liosi kuvitira muye kandi kigira ye.

Vahebraina 11:3

Kigira lisuuvira, kumanyirizaa ndi ligulu lialombwa ku likuva lia Nyasaye, kunangwa, linyala kololeka lialombwa kutura ku vitalolekaa.

1 Yohana 3:1

Heenzi vuyanzi vwa Baba amali kuhaana kunangwa kuduuki kulangwa avana va Nyasaye! Nindio koveeye. Yiki nicho kivuni kigira vandu vumukivala nivavula kukumanya; kigira sivamanya Nyasaye mba.