Yakobo 5:8 - KITABU KITAKATIFU

⁸ Munyi kandi kuduuka mwikuziri kuli ndio, muve nilisuuvirizwa linene kigira liza liu Mwami liveeye ahimbi.

Yakobo 5:8 Iomraidhean Croise

Litanga 49:18

“Inzi nindiliraa ovohonyi vuvwo O, Yahova.

Zaburi 130:5

Nindiliraa nu mwoyo gwange gwosi nyoore ovokonyi kutura ku Yahova, kandi suuviraa mu likuva lilie.

Zaburi 27:14

Usuuviri mu Yahova, ove ni lisuuvira na utakuza mwoyo mba usuuviri mu Yahova.

Zaburi 37:7

Wikuziri kandi usuuviri Yahova, utahenda mwoyo kigira yavo avaveeye ni linyola mu zinzira ziavo mba, anoho yavo avanyoora kigira lilohiza lie zing'anagani ziavo zindamanu mba.

Ezekieli 7:12

Ing'inga yiza, lidiku liveeye ahimbi. Avakiranyi vatasangala anoho vatasioma mba, kigira vutima vwa Nyasaye vululu vulava ku vandu vosi.

Mika 7:7

Navuzwa kulwa inzi, ndahenza ku Yahova yeng'ine. Ndalindilira Nyasaye wange mulisuuvira ligali, ulimbonyia. Nyasaye wange alambulira.

Habakuk 2:3

Ogang'ode, kigira ing'inga ikikiri kuduuka lwayaga gaava giligali. Navuzwa ing'inga yiza vwangu, kandi chanzizaa kukumanyia kilakave cha giligali. Galaloleka ndi kilaaza galaha, navuzwa ukilindiliri; gaveeye giligali yiki kilekoleka kandi sikilakalindagiliri mba.

Luka 21:19

Muliekuzira lienyu nu vusuuvirifu, mulanyola livamwoyo litahera mba.

Yohana 21:22

Yeso yamutivulira, “Niiva inzi nyenya ave mwoyo kuduuka lwa ndirana, gaveeye ki ku ivi? Ivi ononde.”

Varumi 8:25

Navuzwa niiva kohenzerera kindu cha kutalolaa, ahene yaho kukilindilira nu vwikuziri vwosi.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vafilipi 4:5

Leki ovohocha vwinyu vumanyikane ku avandu vosi. Mwami yaazaa vwangu.

1 Vatesalonike 1:10

kandi kulindilira Mwana weve kutura mwigulu naye ni Yeso, wa yasimugukiza kutura mu vakuzu, ohonyia kunyi kutura mu vutima vwa Nyasaye vuzaa.

1 Vatesalonike 2:19

Nivwaha oveeye lisuuvirizwa lietu anoho uvusangari vwitu, anoho itaji yu kwiyizominya imbiri wu Mwami Yeso mu liza lilie? Simuveeye ni munyi!

1 Vatesalonike 3:13

Munzira yiyi alamudinyiriza na munyi mulava avadukiru vatakatifu imbiri wa Nyasaye wiitu kandi Baba wiitu lwu Mwami wiitu Yeso yaza harara na vandu veve valungi vosi.

2 Vatesalonike 3:5

Mwami ayaanze yimiliri munyi kuduuka mu limanyiriza linene liu vuyanzi vwa Nyasaye kandi mu vwikuziri vuhaanwa na Kristo.

Yakobo 5:3

Izahabu yinyu ni feza yinyu vikubi zisisinia, likuba zisisinia ziavio lilava kelolekizu ku munyi, kandi zilalia izinyama zie imiviri jinyu kuli umuliru. Munyi vamwivungiziiyi vutugi mu madiku gu kumaliriza yaga.

Yakobo 5:9

Avaamitu vange, mutililira nokomonyana aveene ku vene, kunangwa Nyasaye avuli kumukalagira. Mukalagi aveeye ahimbi, yetegeki kwingira.

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

Likunula 22:20

Uyu ololekizaa ivindu yivi avoora, “Ligali inzi nziza vwangu!” Gave ndio. Hamba, Mwami Yeso!