Yakobo 5:5 - KITABU KITAKATIFU

⁵ Livamwoyo lienyu hano ku lirova limali kwizura nu vweremerizi, ni lienyaanziza. Mwayekomeriza munyi aveene kwetegekera lidiku liukwitwa.

Yakobo 5:5 Iomraidhean Croise

Zaburi 17:14

Ombonyie, kutura ku yava avaveeye na viosi iviavenyaa mu livamwoyo yili. Uvahe mageri nuvusaliri vululu uvwuwavavikira leka avana vaavo vanyoore mageri gavaduukanaa, amagari gandi kandi gatigalili visukululwi viavo.

Zaburi 73:7

Mioyo jaavo jayizula vudamanu ligali, kandi zing'anagani ziavo zilohizaa kokora uvudamanu kazozo.

Tsing'ano 17:1

Ni vulahi kulia lidonye liu vuchima likaya mu mirembe kuvita kuva ni lilia linene munyumba yizuuyi vudinyu.

Tsing'ano 7:14

“Mali kuhaana kihanwa change kalunu kandi mbeeye ninyama kutura ku visiuviliru.

Kohelethu 11:9

Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

Isaya 22:13

Muvugono yivu mwaseka ni musaangara. Mwitaa amagondi kandi zing'ombe ni mulia, kandi ni munwa iwaini. Mwavoora, “Kulie kandi kunwi! Kigira mugamba kulakuza.”

Isaya 3:16

Yahova avoora, “Heenzi kuli avakali va Jerusalemi vigingiraa! Vagenda ni vategizi mang'oti gaavo mwigulu. Vavunyavunya zimoni ziavo vuli kazozo. Vagenda ni vaseena, kandi ivisambo ni visara ku vilenge viavo.

Isaya 47:8

“Kalunu muhuliri yaga, munyi avandu vamenya mu liiva liu kwiyaanziza, munyi avaganaganaa mwahona. Musuuviraa muveeye avanene kuli Nyasaye, kandi siaveeye ho nu mundu wundi kuli munyi mba. Mwaganagana simunyala kuva avakunzakali mba anoho avana vinyu sivanyala kukuza mba.

Isaya 56:12

Vavolerana, ‘Hambi kuzie kwenya iwaini; hambi kunwi kuhambiki amalwa! Mugamba gulava mulahi kali kuvita kalunu!’ ”

Jeremia 12:3

Navuzwa, Yahova, ivi wamanya inzi; olola agangolaa, kandi kuli ndakuyaanza. Kunga avandu vuvudamanu yava vazie ihale kuli magondi gu kwita; uvalindi kuduuka ing'inga yukusinzwa.

Jeremia 25:34

Muliri, munyi aviimiliri, munyi aviimiliri va avandu vange, mukubi zikwiri vudinyu! Musiome kandi mugalagale mu luguchi. Ing'inga imali kuduuka kumunyi kusinzwa kuli amagondi amamigu.

Ezekieli 16:49

Oyo harara navakaana veve velola kigira vaali niviukulia vinyingi kandi vamenya mu mirembe, navuzwa si vahendera mwoyo avadaka navandu vaali nilienya mba.

Ezekieli 39:17

Yahova Wuvunyali yambolera, “Mwana wu Mundu, langa manyonyi zing'ano ziosi kandi zinyama ziosi, uzivoolere zievungikizane harara zilie viukulia via mali kuzilombela. Lilakave Lisavo linene ligali ku kiguru cha Isiraeli, uwanazilie zinyama kandi kunwa masahi.

Amosi 6:1

Oh, vayaayi, kivi keveeye ku yavo averemerizaa mu jerusalemi kandi ku munyi avalolaa muveeye ni mirembe ku kiguru cha Samaria, munyi avasaza vanene ava ihiiri enene yiyi, Isiraeli, munyi ava avandu vazizaa kuvo ukwenya ovokonyi!

Luka 16:19

“Yaali ho mundu mulala mutugi, uwiviika zinguvu ziu vuguli ligali zie kiforosadi zie rangi yu muzambarao, kandi zie katani indahi, kandi yamenya mu vusangali vwo kolomba lilia vuli lidiku.

Luka 16:25

“Navuzwa Aburahamu yamutivulira, ‘Mwana wange, wizulizi ndi wanyoola vindu vilahi lwa waali nukikiri mwoyo, na Lazaro nanyoora vindu vidamanu. Kalunu asosiziywi, na ivi oveeye mu vusaliri.

Varumi 13:13

Ligenda lietu kuduuka live lio vohocha kuli avandu vamenyi mu vulavu vwi lidiku; kutava mu lihuvaala nilisieva, mu lihambika, mu vohenyi, anoho kifavwi cho voheyi mu volembani nilikubana kandi nembodoka mba.

2 Petro 2:13

na valatungwa ni lisalirizwa kigira lisaliriza lia vaakolera avandi. Lieyaanziza kuvo liveeye kokora kindu choosi havulavu kinyala kwigutiza liegomba liavo liu muviri. Valeganyia kandi vaveeye zisoni mu livugana lienyu, lwa viiyunga ni munyi mu lilia, na yilwo lwa vasangalira zinzira ziavo ziu vugadi.

Yudasi 1:12

Avandu yava vaveeye ni zing'anagani zindamanu kuvitira mu vikolwa viavo vie zisoni nu vuhuvaali. Vohonyie viukulia via mulizaa navo harara. Viganaganaa vuzwa vene. Vaveeye kuli amalesi gahuzwa vugira kukubiza imbura. Vaveeye kuli imisaala vugira matu jamala kwitwa kandi jakuza jitanyala kwama makuyu.

Likunula 18:7

Kigira uvusaliri uvunyingi no ovovereri, kuli uvukumi ni lieyaanziza lia liehaanira iliene. Liamenya ni lievolera iliene: ‘Ku nzikaye hano, inzi mwamihi wi kikali! Simbeeye mukunzakali mba sindakamanyi ho ovovereri vutangiraa!’

1 Samweli 25:36

Abigaeli yirana ku Nabali, uwaali naveeye nilisavo hango hehe, lidukanaa mwami. Yaali nahambiki kandi mu liiva lilahi ligali, kunangwa siyamuvolera kindu choosi mba kuduuka lwa vwacha mugamba.

1 Samweli 25:6

Mumuvolere ndi: “Mirembe ku ivi, ku avinyumba yooyo, kandi ku viosi via oveeye navio.