Yakobo 5:2 - KITABU KITAKATIFU

² Uvutugi vwinyu vumali kuguunda, kandi zinguvu zienyu ziliviywi na amaguyaguyi.

Yakobo 5:2 Iomraidhean Croise

Ayubu 13:28

Kigira yaga ligodo liange lilandulukaa kuli musaala guguundaa; kandi kuli inguvu yi zisere zialia.

Zaburi 39:11

Ivi uhaanaa amageri ku vwoni vwu mundu ku ligondoka liilio. Kali ohenzeriza ligali uvulahi vwivwe nu kumudiviza, kuli izisere ziononyia viukulia muchage. Gaveeye gi ligali ndi, vuli mundu aveeye vuzwa kuli umwika.

Isaya 50:9

Yahova Nyasaye aveeye mukonyi wange nivwaha unyala kungaragira kuva muhioli? Avasidagi vange vosi valagota kuli inguvu yi zisere ziakulia.

Isaya 51:8

Zisere zilavalia kuli ziliizaa inguvu ingungu; zilavalia kuli ziliizaa inguvu yuvwoya. Navuzwa ovohonyi vwange ndeetaa, vulahindira mihiga ni mihiga. Liguuta liange lilava ho ku makura goosi.”

Jeremia 17:11

Mundu anyoora uvutugi munzira itaveeye isuuvirifu, aveeye kuli ilinyonyi ligoneraa amavuyu agaliavula kotera. Hagati hi limenya lilie alagotiza uvutugi vwivwe, kandi mu keheri chi limenya lilie alava vuzwa kandi umusiru.

Hosea 5:12

Kunangwa ndaleta lidiviza lie zisere ku avandu va Isiraeli, kandi ndaleta lidiviza liu vugundu ku vandu vi Ivuyuda.

Luka 12:33

Mugulize vindu vienyu viosi, muhaane ku avadaka. Mwelombere zimuya zitakunguhaa mba, muve nilivikiru mwigulu ahu mwivi ataduuka, anoho ahizisere zitononyia mba.

Yakobo 2:2

Niiva umundu mutugi wiviki imingiri yi zahabu ni zinguvu zindahi zinzesereru, yingira mu livugana lienyu, kandi ahene yaho, mundu oveeye mudaka uwiviiki amadali naye kandi yingira,

1 Petro 1:4

na ndio kulindiliraa konyoora uvutugi vwu vugasu vwa Nyasaye aviikiraa avandu veve. Aviikiraa munyi uvugasu vwene yivu mwigulu, havutanyala kuguunda, kwoneka anoho kogota.