Yakobo 5:16 - KITABU KITAKATIFU

¹⁶ Kunangwa, mwiyamirane uvwoni vwinyu aveene naveene kandi musaalirane aveene naveene, ku muduuki kohonywa. Lisaala liu umundu umulungi likonya ligali mu likora lie zinguru lialio.

Yakobo 5:16 Iomraidhean Croise

Litanga 19:29

Lwa Nyasaye yaali ni yakadiviza madaala ga mavoona, havundu ha Loti yamenya, yizuliza Aburahamu ma naahononokiza Loti kutura mu lidivizwa.

Litanga 20:17

Maku Aburahamu yasaala ku Nyasaye, na Nyasaye yahonyia Abimeleki harara mu mukali weve kandi avatugwa veve avakaana, kunangwa vaduuki kwivura avana.

Litanga 20:7

Navuzwa kalunu, oleke mukali uyu yirani ku musaza weve. Musaza weve aveeye muporofeti, kandi alakusaalira kunangwa uvuli kukuza. Navuzwa niiva si ulamuleka yirani ku musaza weve, inzi gwiganihizaa ndi ivi harara na vandu vovo vosi mulakuza.”

Litanga 32:28

Mundu uyu yavoola, “Kutura kalunu lieta liilio si ulalangwa Yakobo mba, navuzwa ulalangwa ‘Isiraeli’ kigira ivi umali kulwaana na Nyasaye kandi na vandu, na umali kuguuta.”

2 Samweli 19:19

Navoora, “Mwami Wange Wuluyali wange, mwaza yivilira uvudamanu vwa ndakokolera lidiku lia waatura Jerusalemi. Utava ni kindu ku inzi anoho kuganagana amakuva yago kandi mba.

1 Avami 13:6

Mwami Jeroboamu yavolera muporofeti, “Mwaza salira ku Yahova Nyasaye woovo, na umuteeve ahonyie mukono gwange!” Muporofeti zana yasaala ku Yahova, nu mukono gwu mwami gwahonywa.

2 Kyetsinyinga 30:20

Yahova yativulira Hezekia lisaala lilie; yasamiha avandu yavo na si yavasaliriza mba.

Ayubu 42:8

Kalunu, muvuguli zigiriki saba na magondi makore saba na muzie ku mutumikiri wange Ayubu, mwihaaniri aveene kisiuviriru chu kusambwa. Umutumikiri wange Ayubu alamusaalira, kandi inzi ndavugilira lisaala lilie mburi kumbika muzisoni kolondekana nuvusiru vwinyu mba. Munyi si mwavoora agiligali kigira inzi kuli mutumikiri wange Ayubu mba.”

Zaburi 34:15

Yahova ahenzaa ku valungi veve, kandi ahuliraa lianira liavo,

Kutwula 17:11

Lwa Musa yaginga amakono geege igulu, vandu va Isiraeli vaguuta, navuzwa lwa yikizaa amakono hasi, vandu va Maleki vatanga kuguuta.

Kutwula 9:33

Musa yatura ku Mwami mu lidaala. Yaginga makono geege igulu mulisaala ku Yahova. Lihiligana lie inguba, niimbura yamagina viosi vialekera kukuba.

Tsing'ano 15:29

Lwa vandu valungi vasaala Yahova ahuliraa, navuzwa alekaa yavo avaveeye vadamanu.

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Tsing'ano 28:9

Niiva siulatia malago ga Nyasaye, sialavugilira lisaala liilio mba.

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Jeremia 33:3

“Waniri ku inzi, na inzi ndakutivulira. Ndakovolera vindu vinene ligali kandi viaviswa via ivi utamanyi mba.

Jeremia 42:2

ni vavoola, “Mwaza yaanza okole agakokoteeva! Ukusaviri ku Yahova Nyasaye wiitu. Ukusaaliri kunyi vosi avamali kutigala. Mulitanga kwaali avanyingi, navuzwa kalunu koveeye vuzwa avakeekeke avatigara kutura mu avanyingi, kuli ivi mwene ololaa.

Livalidza 11:2

Lwa vandu vanira ku Musa konyoora ovokonyi, Musa yasaala ku Yahova, nu muliru gwasima.

Matayo 21:22

Ni muva ni lisuuvira, kindu choosi chamuteeva mu lisaala mulakenyoola.”

Matayo 3:6

Viyama uvwoni vwavo, naye navabatiza mu mugera gwa Jorodani.

Marko 1:5

Avandu vanyingi vaatura mu kivala choosi chi Vuyuda nu mu lidaala linene lia Jerusalemi nivazia kuhulira aga Yohana yavoola. Viyama uvwoni vwavo kuye, naye yaavabatiza mu Mugera gwa Jorodani.

Luka 9:6

Aviigi yavo vaatura nivazia kwilwaza Ivangeri kandi nivahonyia avandu vulwaye havundu hoosi.

Yohana 9:31

Kwamanya ndi Nyasaye siahuliraa avandu avoni mba, navuzwa ahuliraa mundu woosi umusigamiraa kandi okokora uvulariri vwivwe.

Vikolwa 10:38

Mumanyi Yeso wa Nazareti, na kuli Nyasaye yamutovola ku limuha Roho Mutakatifu ni zinguru. Nyasaye yaali harara naye; yavodong'ana hoosi nakora amalahi no kohonyia vosi avi lidemoni liaali ni liavoha.

Vikolwa 19:18

Vandu avasuuviraa avanyingi vaza niviyama havulavu vindu via vaali nivakora.

Vikolwa 8:24

Simoni yativura navoora, “Mugoonyaa mwaza musaliri ku Mwami, kunangwa ivindu via muvooraa yivi vitangwira kali kilala mba.”

Varumi 3:10

Kuli Mang'oda Matakatifu gavoora: “Siaveeyeho nu mulungi, kali mulala,

Varumi 5:19

Kuli vandu vanyingi vakolwa avoni kigira livula kutia liu mundu mulala, nindio kandi avanyingi valakolwa valungi ku lihulira liu mundu mulala.

Vakolosai 1:9

Kigira yaga, kutura nikuhulira, amakuva ginyu kwamenya ni kumusaalira kazozo. Koteva Nyasaye aduuki kumukola Mwizuli limanya liu vulaliri vwivwe, no vogeri vwosi kandi ni limanyiriza liosi lia Roho weve ahaanaa.

1 Vatesalonike 5:17

musaale Nyasaye vugira kolekera.

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.

1 Vatesalonike 5:25

Avaamitu viitu, mukusaaliri kandi.

Vahebraina 11:4

Kigira lisuuvira, Habili yahaana ku Nyasaye kisiuviriru kilahi kuvita cha Kaini. Kuvitira mu lisuuvira yanyoora livugilirwa lia Nyasaye kuli mundu mulungi kigira Nyasaye mwene yavugilira vihaanwa vivie. Kuvitira mu lisuuvira lilie, Habili kali niyakuza, akikiri mwoyo.

Vahebraina 11:7

Kigira lisuuvira, Nyasaye yiganihiza Nuhu kumakuva gi vindu viza kwekoleka via yaali sianyala kolola mba. Yahulira Nyasaye, ma nalomba liato aduuki kwehonyia harara na vandu vinyumba yeeye; kutura ku gene yago, avilirova vakalagirwa, na Nuhu yanyoora kutura ku Nyasaye uvulungi vuzaa kolondekana ni lisuuvira.

Vahebraina 12:13

Muzizagiliri kogenda kuzinzira zinungi, kunangwa kerenge chaalema kivuli kufogoya, navuzwa mu vogono yivwo kehonywe.

Vahebraina 13:18

Muzizagiliri kukusaalira. Kololaa ndi koveeye ni zing'anagani ziu mu mwoyo zindahi, kigira kwenyaa kokole agaveeye malungi kazozo mu vindu viosi.

Joshua 10:12

Ku lidiku lia Yahova yaaha avasaza va Isiraeli iliguuta ku vandu va Amori, Joshua yamoloma ku Yahova. Imbiri wa vandu va Isiraeli, navoora, “Ivi, liuva, singira igulu wa Gibeoni; Ivi mweli, singira igulu wi livona lia Aijaloni.”

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.

1 Yohana 3:22

Kunangwa viosi viakusaala kuye, kuvinyooraa, kigira kuhuliraa amalago geege, kandi kokoraa vindu vimuyaanzizaa.

1 Samweli 1:12

Hana yaazizagilira kusaala ku Yahova ku ing'inga indambi, na Eli yahenza munwa jije.

1 Samweli 12:17

Eveeye ing'inga ye kemeyu? Navuzwa ndasaara, na Yahova aleetaa inguba ni imbura. Lwayaga gakolekaa, mulamanya ndi mwamala kokora uvwoni vonene ligali ku Yahova lwa mwamuteeva amuhe mwami.”

1 Samweli 12:18

Kunangwa Samweli yasaala Yahova, kandi ku lidiku liene yilio, Yahova yaleeta inguba niimbura. Ahene yaho avandu vaatia Yahova kandi Samweli ligali