Yakobo 5:13 - KITABU KITAKATIFU

¹³ Aveeye ho nu mulala ku munyi oveeye mu vudinyu? Gamudukira asaale. Aveeye ho nu mulala ku munyi oveeye nu vusangali? Gamudukira yimbi zinyimbu ziu kwizominya.

Yakobo 5:13 Iomraidhean Croise

1 Kyetsinyinga 16:9

Mwimbi lizominywa ku Yahova; Vooli vindu vio kogenya viamali kokora.

Ayubu 33:26

Lwu mundu asaalaa, Nyasaye amutuliraa; alasigamira Nyasaye nuvusangali. Nyasaye alakola vindu viosi kuva vilungi kuye kandi.

Zaburi 105:2

Mwimbiri Yahova zinyimbu ziu kwizominya; muvoore vindu viokogenyia viamali kokora.

Zaburi 118:5

Ndaanira ku Yahova mu kivi change, yandivulira kandi naamboholora.

Zaburi 18:6

Ndaanira Yahova mu vudinyu vwange, ndaalira ku Nyasaye wange yangonye. Yahulira mwoyo gwange mu Litembeli lilie; yahuliriza ku lilira liange kigira ovokonyi.

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 91:15

Lwa vanira ku inzi, ndavativulira; ndava harara navo lwa vaveeye mu vudinyu. Ndavasoola nukuvaha luyali.

Zaburi 95:2

Kandi kuzie imbiri weve nilisandiza; Gendi kumwimbiri zinyimbu ziesango yilizominya.

Isaya 65:14

Valimba nu vusangali mu mioyo jaavo, navuzwa munyi mulalira kigira uvuzunu mu mioyo jinyu.

Danyeli 5:4

Vizominya avanyasaye valombwa ku izahabu, ifeza, magina gu mugasa, vivia, misaala kandi magina.

Hosea 6:1

Avandu vavoola, “Gendi kwirane ku Yahova! Umali kukusaliriza, navuzwa alakohonyia; umali kukwata zing'oma, navuzwa alavohelera zingwago zietu.

Jona 2:2

“Mu kivi change, O, Yahova, ndaanira ku ivi, kandi ivi waandivulira. Kutura musi mwi kihadisi, ndaanira nyoore ovokonyi, na ivi wambulira.

Jona 2:7

Lwi livamwoyo liange liali nilitura mu inzi, ndasaara ku ivi, O, Yahova, kandi ivi wahulira lisaala liange, mu litembeli liilio litakatifu.

Mika 4:5

Vuli ihiiri ilasigamira nukutia vasigamira mu liitia umunyasaye waavo, navuzwa kunyi kurasigamira nu kutia Yahova Nyasaye wiitu mihiga ni mihiga.

Matayo 26:30

Maku viimba ulwimbu nukutura ichova kuzia mu Kiguru cha Mizeituni.

Luka 22:44

Mu vusaliri vonene, yasaala numwoyo gwosi ligali kandi ulogeri lwilwe lwali kuli zingerageriza zia masahi gatonyatonyaa hasi.]

Luka 23:42

Yavoola, “Yeso! Unzizulizi lwu uduuka mu Vwami vuvwo.”

1 Vakorintho 14:15

Kunangwa ngoleki? Ndasaara na roho gwange, kandi ndasaara ni zing'anagani ziange; ndimba na Roho gwange, kandi nimba ni zing'anagani ziange.

1 Vakorintho 14:26

Kunangwa avaamitu vange, yaga nigo gamboolaa. Lwa muvugana harara kusaala, mulala yimbi ulwimbu, wundi ave ni kindu cha yigiza, wundi ave ni likuva kutura ku Nyasaye, wundi atumikiri kihaanwa cho komoloma mu zinimi zing'eni, na wundi agirung'anyie gavoolwa mu zinimi. Ivindu yivi viosi kuduuka vikoonye mu liumbaka likanisa.

Vafeso 5:19

Muvolerane aveene naveene makuva gi zizaburi, muzinyimbu kandi mu zinyimbu zindakatifu. Mwimbi zinyimbu kandi zizaburi ku Mwami ni lizominya mu mioyo jinyu ku Mwami.

Vahebraina 5:7

Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.

Yakobo 5:10

Avaamitu vange, mwizurizi avaporofeti avamoloma mu lieta liu Mwami. Muvavuguli kuli kelolero chu vusaliri nu vwikuziri.

Likunula 14:3

Vimba ulwimbu luhia imbiri wendeve yu uvwami, kandi imbiri wi vilombe viveeye mwoyo vine kandi imbiri wa vakulundu. Siyaali ho nu mundu uwaali anyala kwiga ulwimbu zana yilwo nivataveeye vuzwa avandu vaali 144,000 yavo avahonywa mu lirova na Nyasaye vave avandu veve.

Likunula 7:10

Vaahanzuka nu mwoyo munene nivavoora: “Ovohonyi vuturaa ku Nyasaye wiitu uwikaye kondeve yu uvwami kandi kutura ku Mwana wi Ligondi!”