Yakobo 5:11 - KITABU KITAKATIFU

¹¹ Henza, kuvavalizaa kuva avuvugasu kigira viikuzira. Mwamala kuhulira amakuva gu vwikuziri vwa Ayubu, kandi mumanyi kuli Mwami yamukolera mu limalirika. Kigira Mwami yizuuyi zimbavasi kandi livererera.

Yakobo 5:11 Iomraidhean Croise

1 Kyetsinyinga 21:13

Daudi yativulira Gadi, “Inzi mbeeye mu kivi kenene; mwaza leka ngwi mu mukono gwa Yahova, kigira zimbavasi zizie ziveeye zinene; navuzwa mburi kugwa mumakono ga avandu.”

2 Kyetsinyinga 30:9

Niiva mulirana ku Yahova, hene yaho yavo avamali kuhila avamwavo vinyu navana vinyu mu vuhambe valavamanyia liverererwa, na vavaleke viirane yengo mu kivala chavo. Yahova Nyasaye winyu aveeye wi zimbavasi kandi wilivererera. Niiva mulirana kuye, alamuvugilira.”

Nehemia 9:17

Vasuura kuhulira; vivilira vilolekizu ni viokogenyia viawakola hagati haavo. muligingila liavo vaatovora mwimiliri vaduuki kwirana mu vutugwa vwavo mu Egebeti. Navuzwa oveeye Nyasaye usamihaa; Ivi oveeye wizimbavasi kandi wuvuyanzi; wagalaha ku vutima, zimbavasi zizio ni zinene; Na ivi siwavaleka mba.

Nehemia 9:31

Navuzwa mu zimbavasi ziveeye zinene, ivi siwavaleka kinga kuvaadiviza mba; kigira ivi oveeye Nyasaye wizimbavasi kandi wi livererera!

Ayubu 1:1

Yaali ho mundu mu kivala cha Uzi, uwalangwa Ayubu. Mundu uyu yaali vugira imbara kandi mulungi, mulala uwatia Nyasaye, nukweleha ku uvudamanu.

Ayubu 1:2

Yaali na vayaayi saba na avakaana vavaga.

Ayubu 2:10

Ayubu yativulira mukali weve ndi, “Ivi omoloma kuli mulala ku vakali avasiru. Lwa Nyasaye ahaanaa vugasu ku kunyi, kuhaana lisandiza ni lizominya kuye, na chakaveeye ki kutange kwililira lwa aleetaa vudinyu ku kunyi?” Mu vudinyu nu vusaliri vwosi vwa Ayubu, siyavoola kindu kidamanu imbiri wa Nyasaye mba.

Ayubu 23:10

Nyasaye amanyirizaa zinzira ziange, niiva alangeliza, alanyoola inzi kuva mulahi.

Zaburi 103:13

Yahova averereraa yavo avamutizaa, kuli baba averereraa avana veve.

Zaburi 103:8

Yahova aveeye wi livererera kandi wu vuyanzi, aveeye wa galaha kuva nu vutima, navuzwa yayizula uvuyanzi vutaveeye ne keheri.

Zaburi 116:5

Yahova aveeye wizimbavasi kandi umulahi. Nyasaye wiitu aveeye wilivererera.

Zaburi 119:132

Unziranili kandi ombere zimbavasi, kuli okolera yavo vosi avayaanzaa ivi.

Zaburi 145:8

Yahova aveeye wu vuyanzi kandi wizura zimbavasi. Aveeye wa galaha ku vutima kandi aveeye wu vuyanzi vutaveeye ne keheri.

Zaburi 37:37

Henza ku mundu mulahi kandi mundu mulungi; mundu wi mirembe aveeye ni visukululwi.

Zaburi 51:1

O, Nyasaye, ombere zimbavasi kolondekana nu vuyanzi vuvwo uvutali nekeheri. Tuliza ho uvwoni vwange kolondekana nu uvunyingi vwi livererera liilo!

Zaburi 78:38

Navuzwa Nyasaye yavererela avandu veve ligali. Yavasamiha uvwoni vwavo kandi siyavadiviza mba. Zing'inga zinyingi yigalira uvutima vwivwe vuvuli kutura, kandi siyaleka uvululu vwivwe vwosi vuduuki kuvo mba.

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Zaburi 94:12

O, Yahova, aveeye nuvugasu mundu uyu uwa ohezaa mageri. Kandi uyu wa ivi wigiza lilaga liilio.

Kutwula 34:6

Maku Yahova yavita imbiri weve navoora, “inzi, Yahova, mbeeye Nyasaye wizura zimbavasi kandi lirerera, utaveeye nu vutima vwa vwangu kandi umanyia uvuyanzi vonene nu vusuuvirifu.

Kohelethu 7:8

Limalirika lie kindu liveeye lilahi kuvita litanga liacho, kandi liekuzira liveeye lilahi kuvita lielola.

Isaya 63:7

Ndavolera avandu amakuva gu vuyanzi vwa Yahova uvutali ne kegero. Ndamwizominya kolondekana ku goosi aga Yahova amali kokolera kunyi. Yee, umali kokora ivindu vinyingi ku vandu va Isiraeli; kolondekana ni livererera lilie kandi kuli zimbavasi zizie zitahera.

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Lisyoma lya Jeremia 3:22

Uvuyanzi vwa Yahova vutaveeye nekeheri, zimbavasi zizie siziveeye ni keheri mba;

Danyeli 9:9

Yahova Nyasaye wiitu, ivi oveeye ni zimbavasi kandi wi lisamiiha kali niiva kwaibala kutura ku ivi.

Joeli 2:13

Leka mwoyo gugwo gwiliegehiza gumanyie ovovereri; kutandura zinguvu zienyu sigadukira mba.” Mwirane ku Yahova Nyasaye winyu. Aveeye wilivererera ligali kandi wizura zimbavasi; aveeye umwikuziri kandi lilagana lilie; aveeye mwetegeku inyinga yoosi kusamiha nukuvula kuhana amageri.

Jona 4:2

Kunangwa yasaala ku Yahova navoora, “O, Yahova, sindavoola ningikiri kutura yengo ndi, yiki nicho icha umanya okole vuzwa? Yicho nicho chagira ningora zinguru ziosi ukwirukira mu kivala cha Tarishishi. Ndaamanya vulahi ndi, ivi oveeye Nyasaye wuvuyanzi, kandi wizimbavasi, umwikuziri ku vutima, kandi umwetegeke kugirung'ana muziganagani, kandi kuvula kuhaana mageri.

Mika 7:18

Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Livalidza 14:18

‘Inzi Yahova mbeeye wa galaha ku vutima: Manyia uvuyanzi vonene kandi vusuuvirifu vutaveeye ne keheri, kandi samiiha uvwoni kandi samiiha yavo vibaara. Navuzwa ndahaana mageri ku vana kandi aviisukulu kuduuka ku likula lia kavaga ni lia kane kigira uvwoni vwa vaguuga vaavo.’

Matayo 10:22

Na avandu vosi valamudunyira kigira lieta linage. Navuzwa mundu uliekuzira kuduuka ku keheri, alakahonywi.

Luka 1:50

Zimbavasi zizie ziveeye ku makura namakura, ku avandu vahaana luyali kuye.

Luka 11:10

Kigira ku vosi usaala, alahevwa, uwenyererizaa anyoora, na uwigulihizaa, yigulirwa.

Luka 6:36

Muve ni zimbavasi kuli Baba winyu aveeye ni zimbavasi.

Varumi 2:4

Anoho hawundi uchayaa zimbavasi zizie, uvwikuzihizi kandi uvwikuziri vwivwe. Ivi siumanyi ndi Nyasaye nuwizimbavasi kigira yivu vwenya koleta kuivi ligerizaa kukwimilira onyoore lieganira.

Vafeso 1:6

Gendi kwizominyi Nyasaye kigira vukumi vwi zimbavasi zizie, ku kihanwa chiche cha yahaana ku kunyi mu Mwana weve Muyanze.

Vafeso 2:4

Navuzwa livelererwa lia Nyasaye, liveeye linene ligali kandi uvuyanzi vwivwe ku kunyi voveeye vonene kuvita kegero;

Vahebraina 10:39

Kunyi sikoveeye avandu viranaa inyima kuduuka mulidiva mba; navuzwa koveeye ku yavo avaveeye ni lisuuvira kandi vahonywa.

Vahebraina 3:14

Kunyi koveeye avasangi harara na Kristo, niiva kulagumila lisuuvira lietu kuduuka kukeheri kuli lia kwaali nalio mulitanga.

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

Yakobo 1:2

Avaamitu vange, mwiganagane aveene kuva nu vusangali, lwa amagerizu zing'ano ziosi gaaza ku munyi.

1 Petro 1:13

Kunangwa mwetegeke mu zing'anagani zienyu ku vikolwa mwilindi vulahi; kandi muviiki lisuuvira lienyu ku zimbavasi zia muliheevwa ulwa Yeso Kristo aliloleka.

1 Petro 3:14

Navuzwa niiva musalirizwa kigira uvulungi, muveeye nu vugasu! Kandi mutatia umundu woosi, na mutadegera ku kindu choosi mba.

2 Petro 2:9

Kulwayago, Mwami amanya kuli anyala kohonyia avandu valungi kutura mu ligerizwa liavo, nu kuhaana mageri ku vandu, vachamu kuduuka Lidiku lie Likalaga,