Yakobo 5:10 - KITABU KITAKATIFU

¹⁰ Avaamitu vange, mwizurizi avaporofeti avamoloma mu lieta liu Mwami. Muvavuguli kuli kelolero chu vusaliri nu vwikuziri.

Yakobo 5:10 Iomraidhean Croise

2 Kyetsinyinga 36:16

Navuzwa vakolera vaporofeti va Nyasaye, kehenyahenye nivahuhiza makuva geege kandi nivavasekeliza, Kuduuka lwu vutima vwa Yahova vwavuukira avandu veve na sihali ho nichokohonyia mba.

Isaya 39:8

Mwami Hezekia yavolera Muporofeti Isaya ndi, “Likuva lia Yahova amali kovora liveeye lilahi!” Kunangwa, mwami Hezekia yamanya ndi, mirembe kandi likingwa vilavaho ing'inga ya akikiri mwoyo.

Jeremia 2:30

Ndaamuha amageri, navuzwa yago goosi sigali kindu ku munyi mba. Simwambugirira kumulungikiza mba. Kivavi chiinyu aveene kimali kwita avaporofeti vinyu, kuli isimba induru yukwononyia.

Jeremia 23:22

Niiva vakamanyi zing'anagani ziange ziumuvwivisu, ngano vakalandizi likuva liange ku avandu vange kandi ngano vakavakoli koleka limenya lidamanu liavamenyaa kandi ni vindu viuvuchamu viavakola.

Jeremia 26:16

Maku aviimiliri navandu vavoolera avasaalisi navaporofeti, “Umundu uyu yamoloma ku kunyi mu lieta lia Yahova Nyasaye wiitu; atiitwa mba.”

Luka 13:34

“O, vayaye munyi avandu va Jerusalemi! Ivi Jerusalemi, wita avaporofeti, nulasa amagina avatumwa va Nyasaye atumaa ku ivi! Ndayeenyaa kuvungiza harara avana vovo kuli engoko ivungizaa viminyu viayo muzimbaha ziayo haali kanga, navuzwa munyi simwa mbugilira!

Luka 6:23

Ing'inga yene yeyo, munyi musangare nukukina nuvuyanzi kigira, heenzi ligali madanyi ginyu gaveeye manene mwigulu Kigira nindio avaguuga vaavo vakolera avaporofeti.

Vikolwa 3:21

Gamuduukira atigale mwigulu kuduuka lwi vindu viosi vililombwa vuhia, kuli Nyasaye yalandiza kuvitira mu vaporofeti veve vatakatifu avaari ho kutura kale.

Vikolwa 7:52

Yaali ku ho nu muporofeti wa avaguuga vinyu vavura kudambiza? Vita avatumwa va Nyasaye, avalandiza ku maziambiri iliiza liu Mutumikiri mulungi. Na kalunu, munyi mumali kumuzaama nu kumwita.

Vahebraina 13:7

Mwizurizi aviimiliri vinyu va maziambiri, avamwilwazira likuva lia Nyasaye. Muganagane ligali kuli vamenya kandi kuli vaakuza, mwigi kutura ku lisuuvira liavo.

Yakobo 4:11

Avaamitu vange, mutamonyana aveene na vene mba. Niiva ulamonya Mukristayo wache anoho umukalagiri omonyaa Lilaga kandi ulikalagira. Niiva ulakalagira Lilaga, sioveeye mulala ku yavo avaliloondaa mba, navuzwa oveeye mulala ku avalikalagira.

Yakobo 5:13

Aveeye ho nu mulala ku munyi oveeye mu vudinyu? Gamudukira asaale. Aveeye ho nu mulala ku munyi oveeye nu vusangali? Gamudukira yimbi zinyimbu ziu kwizominya.

Yakobo 5:7

Kunangwa avaamitu vange, muve aviikuziri kuduuka liza liu Mwami. Heenzi kuli umulimi alindiliraa mu liekuzira, ivitagwa vivie viduuki kwama amakuyu amalahi. Alindiliraa nu vwikuziri imbura yu kutanga kandi yinyima.

Yakobo 5:9

Avaamitu vange, mutililira nokomonyana aveene ku vene, kunangwa Nyasaye avuli kumukalagira. Mukalagi aveeye ahimbi, yetegeki kwingira.