Yakobo 4:9 - KITABU KITAKATIFU

⁹ Muve no vovereri, muliri kandi musiome! Liseka lienyu ligirung'anywi kuva lilira, lisangala lienyu live liverera.

Yakobo 4:9 Iomraidhean Croise

Nehemia 8:9

Lwa avandu vosi vahulira agi Lilaga lienyaa, vaasalirizwa mu mioyo jaavo ligali, ma nivatanga kulira. Kunangwa Nehemia, uwaali mwamihi, harara na Ezira, uwaali musaalisi kandi mwigizi wi Lilaga vasomera avandu Lilaga lia Nyasaye, na vandu va Levi avaari ni vivaalaa Lilaga vaavoolera avandu ndi, “Lidiku lia kalunu liveeye litakatifu ku Yahova Nyasaye, kunangwa mutalira anaho kusioma mba.

Ayubu 30:31

Lwimbu lwu vukana vwange ni lugilung'anyiywi kugwa lwi lisioma, Lwimbu lwi lilele liange lugirung'anyiywi kugwa lwa yavo avalira.”

Zaburi 119:136

Zimoni ziange zidorokaa amaliga kuli migera ja amazi, kigira avandu si vahuliraa amalago googo mba.

Zaburi 119:67

Lwa ndaali ningikiri konyoora amageri kutura ku ivi, ndakora uvudamanu, navuzwa kalunu mbulira likuva liilio.

Zaburi 119:71

Lihevwa mageri liange liali lilahi ku inzi, kigira liangola kwiga amalago googo,

Tsing'ano 14:13

Liseka likunikaa ovovereri mu mwoyo, navuzwa keheri chuvusangari nilisioma.

Kohelethu 2:2

Ndanyoora ndi lisekelera liveeye vusiru, kandi lieyaanziza si liveeye nuvulahi vwosi mba.

Jeremia 31:13

Kunangwa vakana valavina kandi valayaanza, kandi avasaza, vasoleri navakulundu valasangala. Inzi ndavaleminya mwoyo nukugirung'anyia lisioma liavo kuva vuyanzi, ovovereri vwavo kuva uvusangari.

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Lisyoma lya Jeremia 5:15

Vuyanzi vutura mu mioyo jietu; livina lietu ligirung'ana kugwa lisioma.

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Ezekieli 7:16

Ku vosi avalakahononoke valakave mu vigulu nivasioma kuli makuulu gu mumavona kigira uvwoni vwavo.

Matayo 21:41

Vaamutivulira, “Alakadivizi ligali avandu vadamanu yavo; na alakavugiliri avalimi vandi koko vavuguli ikizabibu yicho avalimuha ekedonye chiche chi ligesa lie mizabibu ku ing'inga idukanaa.”

Matayo 5:4

“Vaveeye nuvugasu avaveeye no vovereri, kigira valakaleminywe mioyo.

Luka 16:25

“Navuzwa Aburahamu yamutivulira, ‘Mwana wange, wizulizi ndi wanyoola vindu vilahi lwa waali nukikiri mwoyo, na Lazaro nanyoora vindu vidamanu. Kalunu asosiziywi, na ivi oveeye mu vusaliri.

Luka 6:21

“Muveeye nu vugasu avaveeye ninzara kalunu; kigira mulakutizwa!” Muveeye nuvugasu avaliranga kalunu; kigira mulakaseke!

Luka 6:25

“O, vayaye, kilaamo keveeye ku munyi avamuveeye ninziguta kalunu; kigira lwinyima mulava ninzara! O, vayaye, kilaamo keveeye ku munyi avasekaa; kigira inyima mulasioma nu kulira!