Yakobo 4:8 - KITABU KITAKATIFU

⁸ Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.

Yakobo 4:8 Iomraidhean Croise

Litanga 18:23

Aburahamu yisunda ahimbi na Yahova ma nateeva, “Uladiviza vadamanu harara na valungi?

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

Ayubu 16:17

Kali vutindi ni vutaveeye mu inzi, lisaala liange liveeye lirungi imbiri wa Nyasaye.

Ayubu 17:9

Navuzwa mundu mulungi sialikigatira muzinzira zizie mba, oyo oveeye mulahi alazizagilira kuva nizinguru.

Ayubu 9:30

Niiva ndisaava umwene ni likonza, nukunihiza makono gange ni isavuni;

Zaburi 119:113

Ndunyiraa ligali yavo avataveeye avasuuvirifu ku ivi, navuzwa nyanza Amalago googo.

Zaburi 145:18

Yahova aveeye ahimbi ku yavo vosi avamwanira, ku yavo vosi avamwanira mu agiligali.

Zaburi 18:20

Yahova yaambezaa amadanyi kigira ngolaa agaveeye malungi; yangasizaa kigira mbeeye vugira imbara.

Zaburi 24:4

Ni yavo avaveeye nivikolwa vilahi kandi ni mioyo mitakatifu, kandi yavo avatasigamiraa vifananyi kinga yavo avatiisuuhaa kuvugadi.

Zaburi 26:6

O, Yahova, inzi savaa makono gange kumanyia ndi simbeeye nimbara mba.

Zaburi 51:10

O, Nyasaye, onombere mwoyo munifu, Uviiki mu inzi roho muhia kandi musuuvirifu.

Zaburi 73:13

Yaga goosi gaveeye gavuzwa, inzi kwinihiza mu mwoyo gwange, kandi sihaveeyeho nuvwoni mu inzi mba.

Zaburi 73:28

Navuzwa ku inzi vuveeye vulahi ligali kuva ahimbi ku Nyasaye; konyoora likingwa ku Yahova Nyasaye Wuvunyali nukulandiza ndavoora vindu viosi viokogenyia viamali kokora.

Isaya 13:15

Mundu woosi uligumirwa alakatozwe ni kivavi nu kwitwa.

Isaya 29:13

Yahova yavoola, “Avandu yava vavoola vaasigamira, navuzwa makuva gaavo gaveeye vugira kivuni, na mioyo jiavo jiveeye ihale kutura ku inzi. Idini yavo eveeye vuzwa malago gavandu ni miima ja vandu vigiza, makuva ga vaagumilira mumutwi.

Isaya 58:2

Vuli lidiku vazaa ukusigamira. Vakayilangwa kumanya zinzira ziange, kuli yavo vaveeye ihiiri ekolaa uvulungi kandi itiviliraa malago ga Nyasaye wavo. Vatevaa inzi likalaga lirungi, kandi valoreka kuva nuvuha ukwisunda ahimbi ninzi, Nyasaye wavo.”

Jeremia 4:11

Ing'inga yiza lwa avandu va Jerusalemi navavolerwe ndi imbuza yumuliru ihuuzaa kutura muchangalangwe kuzia kolovega lwavo. Siilakave imbuza yagalaha ihuuzaa vuzwa umukuzi mba.

Jeremia 4:14

Avandu va Jerusalemi, mutulizi uvudamanu mumioyo jinyu, kunangwa muduuki kohonywa. Mulazizagilira kuva niziganagani ziuvwoni kuduuka ing'inga ki?

Lisyoma lya Jeremia 3:57

Ivi waza ahimbi lwandakwanira kandi novoora, ‘Utatia mba.’

Ezekieli 18:31

Muleke uvudamanu vwosi vwa mwakoraa, na muve nu mwoyo muhia kandi Roho muhia. Kigira ki munyi avandu va Isiraeli mwenya kukuza?

Zekaria 1:3

navuzwa kalunu muvooleraa ‘Mwilane ku inzi, na inzi ndamwilanira.

Malaki 3:7

Munyi mwaleka malago gange, kandi mwasuura kugagumira kuli vaguuga vienyu va kale. Mwirane ku inzi, na inzi ndamwiranira. Navuzwa muteeva, ‘Kokora ki kuduuki kwirana ku ivi?’

Matayo 12:33

“Ni mwenya munyore makuyu malahi, gamudukira muve nu musaala umulahi; kandi ni mwenya munyore makuyu madamanu, muve nu musaala mudamanu. Umusaala gumanyikanaa ku makuyu gagwo.

Matayo 15:2

“Kigira ki aviigi vovo vononyia miima ja avaguuga viitu? Si viisaavanga amakono gaavo kuli gadukanaa ni vakikiri kulia!”

Matayo 27:24

Lwa Pilato yalora ndi sianyala kokora kindu, kandi iliyoga limeedeki, yavugula amazi niyisaava makono geege imbiri wi kiduma, navoora, “Inzi simbeeye nimbala ku likuza liu mundu mulungi uyu mba. Gaveeye ku munyi aveene.”

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

Vahebraina 7:19

Lilaga lia Musa siliali linyala kokora kindu choosi kuva kidukiru mba. Navuzwa kalunu mu vogono vwalio, lisuuvirizwa lilahi ligali kuvita, limali kuhaanwa lia kunyala kuvitira mu, ma kwisundi ahimbi ku Nyasaye.

Yakobo 1:8

Aveeye umundu wi zing'anagani ziavukani kandi utaveeye nilietulira mu vindu viosi viakola.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,

1 Yohana 3:3

Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.

1 Samweli 14:35

Saolo yumbakira Yahova uvwali uvwukutanga.