Yakobo 4:3 - KITABU KITAKATIFU

³ Lwa muteeva, simunyoolaa mba kigira musaala ni zing'anagani zindamanu muduuki kuvitumikira mu lieyaanziza lienyu.

Yakobo 4:3 Iomraidhean Croise

1 Avami 3:11

Kunangwa Nyasaye yamuvolera, “Kigira oteevi ovogeri wamihi nuvulungi, mu vogono vwu kwetevera livamwoyo lie mihiga minyingi kinga uvutugi (uvuhinda) kinga likuza lia avasigu vovo,

Ayubu 35:12

Hene yaho vanira vakonywe, navuzwa Nyasaye siavativuliraa mba, kigira vaveeye avingingili kandi vadamanu.

Zaburi 18:41

Vanira vokonyi, navuzwa siaveeye ho mundu unyala kuvakonya mba, kali vanira ku Yahova, navuzwa Yahova yavativulira mba.

Tsing'ano 1:28

Maku mulakanzaniri, navuzwa si ndakamutivuliri mba. Mulakanyenye havundu hoosi navuzwa si mulakanyoole mba.

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Tsing'ano 21:13

Nusuula kuhuliriza kulianira liumundu mudaka, lianira liilio kwenya ovokonyi sililahulirizwa mba.

Tsing'ano 21:27

Yahova siayanzilira visiuviliru via vandu vachamu mba, siaviyanzilira ligali niiva valahaana niliiva liu vudamanu mba.

Jeremia 11:11

Kunangwa, kalunu, inzi Yahova, mbiganihizaa ndi, ndaleta lidiviza kuvo, kandi si valahononoka mba. Lwa vanira ku inzi kigira ovokonyi, si ndavahulira mba.

Jeremia 11:14

Jeremia, utasaala ku inzi anoho kongonya muvogono vwa avandu yava mba. Lwa vaveeye mu vudinyu nu kwaniri ku inzi mbakonye, si ndahulira lianira liavo mba.”

Jeremia 14:12

Kali niiva valahonga lilia, nu kwanira ku inzi, si ndahulira lilira liavo kigira ovokonyi mba. Kali niiva valahaana vihaanwa viu kusambwa kandi, vihaanwa viu vuswage ku inzi, sindayaanzizwa navio mba. Navuzwa nditira avandu yava mu muvulwani, kandi ninzara enene ligali nuvulwaye.”

Mika 3:4

Ing'inga yiza iya mulisara ku Yahova, navuzwa sialimutivulira mba. Ku ing'inga yeyo, alakavisi mumoni mwimwe kutura ku munyi kigira uvudamanu vwa mumali kokora.”

Zekaria 7:13

Sindaavativulira lwa vasaala kigira sivahulira lwa ndamoloma mba.

Matayo 20:22

Yeso yativulira avayaayi zana, “Mumanyi cha muteeva mba. Munyi munyala kunwa ekekombe chu vusaliri icha mbeeye ahimbi kunwa?” Navo vamutivulira, “Kunyala.”

Marko 10:38

Yeso yavavolera, “Si mumanyi icha muteeva mba! Munyi munyala kunwa ekekombe chu vusaliri cha gaduukanaa inzi nwi? Munyi munyala kubatizwa munzira ndala nzere ya gandukira mbatizwi muyo?”

Luka 11:10

Kigira ku vosi usaala, alahevwa, uwenyererizaa anyoora, na uwigulihizaa, yigulirwa.

Luka 15:13

Inyima wa madiku makekeeke, muyaayi mukekeeke yaguliza miandu jije, nazia logendo ni mabese ganyoleka, nazia mu kivala cha ihale, uwayatumikira mabese geege vudamanu.

Luka 15:30

Navuzwa mwana woovo uyu uwaalia miandu jijo na malaya, lwa yirani, umwitiyi ekemoli kenetu!’

Yakobo 4:1

Uvulwani ni lirembana vituraa haliha hagati hinyu? Siliveeye likayirwa lienyu lidamanu liletaa uvulwani mu vivero vie miviri jinyu?

1 Yohana 3:22

Kunangwa viosi viakusaala kuye, kuvinyooraa, kigira kuhuliraa amalago geege, kandi kokoraa vindu vimuyaanzizaa.

1 Yohana 5:14

Yivu nu vuluviliri vwa koveeye navwo imbiri wa Nyasaye. Niiva kulamuteeva kindu choosi kolondekana nu vulaliri vwivwe akuhuliraa.