Yakobo 4:12 - KITABU KITAKATIFU

¹² Nyasaye yenyine niyie oveeye umuhaani wamalago kandi umukalagi, oyo yenyine niyie unyala kohonyia kandi kudiviza. Ivi uganaganaa oveeye vwaha kukalagira uwacho woovo?

Yakobo 4:12 Iomraidhean Croise

Ayubu 38:2

“Ivi oveeye vwaha uhing'anaa ni zing'anagani ziange na makuva gataveeye mu ni limanyiriza?

Isaya 33:22

Kigira Yahova aveeye mukalagi wiitu; alakakohonyie.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Luka 12:5

Navuzwa, ndamumanyia uyu uwa muduukana kutia. Mutie Nyasaye, kigira niyakamara kwita, aveeye ni zinguru kusiuva mundu mu gehena. Yee, muvooleraa mutie umwene oyo.

Varumi 14:13

Kunangwa, kutakalagira vandu vandi mba. Navuzwa mu vogono yivwo, kuduuka mutovole kuvula kokora kindu kinyala kolomba amwavo woovo yikigitali anoho agwi muvwoni mba.

Varumi 14:4

Ivi nivwaha uluviliraa kukalagira vatumikiri vu mundu wundi? Nivasingira anoho nivagwa, gaveeye ku Mwami wavo mwene. Valasingira vudinyu, kigira Mwami aveeye ni zinguru kuvakola vasingiri.

Varumi 2:1

Vandu valala ku munyi muyaara vandi mu likora madamanu, navuzwa sihaveeyeho ni liesayasaya ku ga mukoraa mba. Lwa mukalagiraa vandi, mwikalagilaa munyi vene, kigira muleleki kuva na mahiolo mu likora vindu vilala viene.

Varumi 9:20

Navuzwa ligali ivi oveeye vwaha uluviliraa kwilanyira Nyasaye amativuli? Inyingu sinyala koteeva umulongi wayo, “Kigira ki wanomba kuli ndi?”

Vahebraina 7:25

Kandi ndio anyala, kalunu na kazozo, kohonyia yavo avaazaa ku Nyasaye kuvitira muye, kigira aveeye mwoyo mihiga ni mihiga, kandi avasaaliraa ku Nyasaye kazozo.

Yakobo 5:9

Avaamitu vange, mutililira nokomonyana aveene ku vene, kunangwa Nyasaye avuli kumukalagira. Mukalagi aveeye ahimbi, yetegeki kwingira.

1 Samweli 25:10

na mu limalirika, Nabali yativulira vatumikiri va Daudi, “Daudi? Nivwaha? Ngikiri ku hulira ku makuva geege kali hakuzu! Kivala kizuuyi avatugwa virukaa kutura ku vanene vaavo amadiku gano!