Yakobo 3:5 - KITABU KITAKATIFU

⁵ Gaveeye ndio kandi nu lulimi: kali ni loveeye ekevero kekekeeke chu muviri, navuzwa lunyala kwikonya ku ivindu vinene. Muhenze kuli umulitu goveeye munene na gusambwa nesese ngekeeke yu umuliru.

Yakobo 3:5 Iomraidhean Croise

Ayubu 22:17

Avandu yava vaavoolera Nyasaye, ‘Tula ku kunyi, kandi unyala kukokola kindiki?’

Zaburi 10:3

Mundu muchamu yiyizominyiraa ku likayirwa lilie lidamanu, mundu wi liegomba linyingi alaama kandi asuraa Yahova.

Zaburi 17:10

sivaveeye nilivererera mu mioyo jaavo kandi vamolomaa ni liegingira.

Zaburi 39:1

Inzi ndavoora, “Ndilinda mu zinzira ziange ziosi, kandi sindakola uvwoni kali hakuzu mba. Sindavoola kindu kali kilala imbiri wa vandu vadamanu mba.”

Kutwula 15:9

Musigu yavoola, ‘Ndavalonderera na ndavagumira, ndagavulanyia vutugi vwavo nu kuvugura viosi viavaveeye navio.’

Kutwula 5:2

Na Mwami wa Egebeti yateeva, “Yahova nivwaha, Inzi nduki kumuhulira nukuhaana munwa ku vandu va Isiraeli vazie? Inzi simanya Yahova; kandi sindaleka Isiraeli kuzia.”

Tsing'ano 12:18

Amakuva madamanu gatumitaa kuli kivavi, navuzwa makuva gavoolwaa no vogeri gahonyia.

Tsing'ano 15:2

Lwa vandu vageri vamoloma, valomba limanya kuyanzika, navuzwa vandu vasiru vamoloma vusiru.

Tsing'ano 18:21

Amakuva agovoola galahonya livamwoyo anaho galalidiviza, kunangwa gakuduukiraa uvugiliri makuyu ga makuva googo.

Tsing'ano 26:20

Zingu nizitaveeyeho, muliru gumanyaa gusima; vugira limonya, lirembana liheraa.

Jeremia 18:18

Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Ezekieli 28:2

Yavoola, “Mwana wu Mundu, ovoolere mwamihi wa Tiro aga Inzi Yahova Wuvunyali mboraa kuye: Oveeye ni liegingira mu mwoyo gwugwo, wevoola ndi oveeye munyasaye. Ovola ndi wikala kondeve yu vwami kuli munyasaye, hagati hi zinyanza. Unyala kwevoora kuva mugeri kuli mu nyasaye, navuzwa si oveeye mu nyasaye mba, oveeye mundu vuzwa.

Ezekieli 29:3

Omolome kandi ovoole, ndi yaga nigo aga Yahova Wuvunyali avooreraa Mwami wa Egebeti: Inzi mbeeye musigu woovo, ivi ingwina enene, egonaa mumugera. Ivi ovola ndi mugera gwa Naili nugwange kandi ndagolomba.

Danyeli 3:15

Nonoho lwa muhulira kisiriva, lilele, lidienyi, inangoli, lidulele, vukana ni mioyo ji vikubaa viosi mwiname hasi na musigamiri kifananyi. Niiva si mulakola ndio, hene yaho mulasiuvwa mu lomemo lwu muliru. Muganaganaa haveeye ho nu munyasaye unyala ku muhonya?”

Danyeli 4:30

yavoola, “Henza kuli Babiloni eveeye enene! Ndajumbaka kuli lidaala linene kumanyia zinguru nu vunyali vwange, kandi vukumi harara nu vwami vwange.”

Yakobo 3:4

Anoho ganagana kigira emeli: kali neveeye enene, ihilwa ni imbuza enene, navuzwa inyala kugirung'anywa ni ingata engekeeke, kuzia hoosi hu vulaliri vwu muhiri wayo yenya.

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.

Yudasi 1:16

Avandu yava avililiraa kazozo na nivadura avandu vandi. Valonda likayirwa lidamanu liavo aveene, vekonyaa nukwetovooza aveene kandi vizominyaa avandu vandi muvugaadi kigira venya kwenyolera vindu via venya.