Yakobo 3:2 - KITABU KITAKATIFU

² Kunyi kwosi kokora vudamanu kazozo amanyingi. Navuzwa niiva umundu woosi siakolaa vudamanu agaveeye kovora, aveeye umundu umudukiru, kandi anyala kulinda liiva lilie liosi.

Yakobo 3:2 Iomraidhean Croise

1 Avami 8:46

“Lwa vandu vovo vakokolera vwoni, kigira sihaveeyeho numundu utakola vwoni, na muvutima vuvwo oleka vasigu vaovo vavaguuti, nukuvahila kuli avahambe mu kivala kindi, kali niiva kivala kindi yicho keveeye ihale,

2 Kyetsinyinga 6:36

“Lwa vandu vovo vakolera ivi uvwoni, na havulaho nu mundu okolaa uvwoni, ma mu vutima vuvwo oleka avasigu vaavo vavaguuti nu kuvavugula kuvahila mu kivala kindi kuli avahambe, kali niiva kivala chene yiki keveeye ihale ligali,

Ayubu 15:13

Mwoyo gugwo guhing'anaa na Nyasaye, na yiki nicho kigira novoora amakuva kuli yaga kuye.

Zaburi 34:13

Gamuduukira yigaye ku vudamanu zing'ano ziosi, kandi munwa gwigwe gutavoola uvugadi mba.

Zaburi 39:1

Inzi ndavoora, “Ndilinda mu zinzira ziange ziosi, kandi sindakola uvwoni kali hakuzu mba. Sindavoola kindu kali kilala imbiri wa vandu vadamanu mba.”

Tsing'ano 10:19

Limoloma linyingi liletaa mahiolo, navuzwa niiva oveeye mugeri ulachiring'ana.

Tsing'ano 13:3

Mundu ulindaa makuva geege, alindaa livamwoyo lilie, navuzwa oyo oveeye na makuva gavwangu alidiviza.

Tsing'ano 20:9

Mundu anyala kumanya ligali zing'anagani zizie ziveeye zinungi, kandi yaatuliza vwoni vwivwe vwosi?

Tsing'ano 21:23

Nuwenya kutura muvudinyu wilindi kugovoolaa.

Kohelethu 7:20

Siaveeye ho nu mundu mulungi mu kivala okolaa vulungi ing'inga yoosi, kandi uvula kokora vudamanu mba.

Isaya 64:6

Kunyi kwosi kwaveeye avoni, kali vikolwa vietu vilungi viveeye kuli inguvu ifunyaa vugundu. Kigira uvwoni vwitu, koveeye kuli amatu ganiara ma gabulukizwa nimbuuza.

Kyavalevi 13:39

musaalisi alamuhenzeliza. Niiva mavondo gaveeye malavu hake vuzwa, yilwo loveeye lwiyage vuzwa ulutangi ku ligodo lilie; mundu oyo aveeye mulahi kolondekana ni miima.

Matayo 12:34

Munyi avana vi zinzoka! Munyala kovora ndi ivindu vilahi, lwa muveeye avadamanu? Kigira munwa govoora amakuva gizuyi mu mwoyo.

Matayo 12:37

Amakuva googo galakukalagira; galakulang'aminya niiva ivi oveeye vulungi anoho oveeye umuhioli mba.”

Varumi 3:10

Kuli Mang'oda Matakatifu gavoora: “Siaveeyeho nu mulungi, kali mulala,

Varumi 7:21

Kunangwa nyooraa ndi, Lilaga yili liveeye ku miyinzi. Lwa nyenya kokora uvulungi, agaveeye madamanu nigo aga ndovora kokora.

1 Vakorintho 9:27

Nombaa umuviri gwange kuva mudukiru ligali ku liduywa kunangwa inzi mwene kandi ndanyooleke nimbeeye harara na yavo avandaamara kulanga mu ligerana yili.

Vagalatia 3:22

Navuzwa Mang'oda Matakatifu gavoora ndi, lirova liosi liveeye hasi hi zinguru ziu uvwoni, na ndio, kihanwa ichasuuvirizwa kigira lisuuvira mu Yeso Kristo, kihaanwaa ku yavo vosi avasuuviraa.

Vagalatia 5:17

Kigira vindu vie liiva liu muviri gwu uvwoni gwenyaa vihing'anaa ni via Roho yenya, kandi via Roho yenya vihing'anaa na iviumuviri gwenyaa. Kigira yivi viviri viveeye uvusigu ku iviene ku viene; agaveeye kovora, simunyala kokora via munyi mwenya kokora mba.

Vakolosai 1:28

Kunangwa kwilwazaa Kristo ku vandu vosi kutumikira vogeri vwosi kuviganihiza kandi kuvigiza, kuduuki koleta vuli mundu imbiri wa Nyasaye, kuli mundu muduukiru mu Kristo.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.

Yakobo 1:26

Niiva umundu yiganagana aveeye wi lisuuvira, naye natalinda makuva geege, yigadaa mwene, lisuuvira liu mundu uyu ni liavuzwa.

Yakobo 1:4

Mulole ndi uvwikuziri vwinyu vokoli miyinzi javwo midukiru, kunangwa muduuki kuviruka kandi muve avadukiru, vugira kudaka ikindu ku viosi.

Yakobo 2:10

Mundu woosi uvunaga lilago lilala, umali kuvunaga amalago goosi.

1 Petro 3:10

Mang'oda Matakatifu gavoora, “Uyu uyanzaa livamwoyo lilie, kandi kolola amadiku amalahi gamudukira yigaye ku limoloma uvudamanu, kandi aleke kovora ovovehi.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.