Yakobo 3:14 - KITABU KITAKATIFU

¹⁴ Navuzwa ni muva ni muveeye nembodoka, uvululu, uvwimani ni likayirwa mu mioyo jinyu, mutakola uvwoni ku agiligali ku liekonya kigira ovogeri kandi mutaveha ovovehi ku agiligali mba.

Yakobo 3:14 Iomraidhean Croise

Litanga 37:11

Avamwavo va Josefu vamulolera embodoka, navuzwa baba weve yaazizagilira kuganangana ku makuva yaga.

Litanga 38:9

Navuzwa Onani yamanya ndi avana sivalava aveeve mba. Kunangwa lwa yaali harara numukunzakali wa amwavo weve, yakola uvusaza vwivwe vuzie hasi kunangwa mukunzakali uyu avuli kwivura mwana.

2 Avami 10:16

navoora, “Hamba ninzi na welolere kuli mbeeye nu vugulu kigira Yahova.” Na vombi vanina mu ligare lie liihi ni vazia Samaria.

2 Avami 10:31

Navuzwa Jehu siyahulira lilaga lia Yahova Nyasaye wa Isiraeli nu mwoyo gwigwe gwosi mba. Mu vogono yivwo, yalonda liiva lia Jeroboamu, uwakola Isiraeli vakole vwoni.

Ayubu 5:2

Uvutima vululu vwitaa musiru, kandi embodoka yitaa avayingu.

Tsing'ano 14:30

Lilemeriza likora muviri kuva nu vulamu, navuzwa likendeka likora vigumba kuguunda.

Tsing'ano 27:4

Uvutima voveeye vululu kandi lidiviza, navuzwa si kiveeye kindu ni voleng'anywa nembodoka mba.

Isaya 11:13

Uvwami vwa Isiraeli sivulakendekera uvwami vwi Ivuyuda kandi mba, kandi Ivuyuda silava musigu wa Isiraeli kandi mba.

Habakuk 1:3

Kigira ki ondeki ndore vudinyu kuli yivu? Wikuzira ndi kolola vudamanu kuli yivu? Vwoneku ni kivihiri vimali kungumberiza. Volembani kandi vulwani viveeye havundu hoosi.

Matayo 27:18

Yavoola ndio kigira yamanya vamuyaara kigira embodoka.

Yohana 16:2

Avandu valamukunga kutura mu masinagogi gaavo; kandi ing'inga ilakaduuki lwu mundu woosi umwitaa munyi alaganagana ndi mulikola yaga atumikiraa Nyasaye.

Vikolwa 13:45

Navuzwa Avayuda lwa valora viduma via avandu, vizura embodoka, nivahangaliza makuva ga Paolo yavoola, nivamunyega.

Vikolwa 26:9

“Inzi mwene ndaaganagana ndi, gandukira ngole aganyaliza goosi kuhing'ana ni lieta lia Yeso wa Nazareti.

Vikolwa 5:17

Maku, Musaalisi Munene na avache veve, avasangi vumuganda gwa Vasadukayo vahene yaho, vakendekera avatumwa ligali.

Vikolwa 7:9

“Avaguuga viitu yavo vaali nembodoka ku Josefu, ni vamuguliza kuva mutugwa mu Egebeti. Navuzwa Nyasaye yaali harara naye,

Varumi 1:29

Vizuyi zing'ano ziosi zie kivihiri, uvudamanu, uvuhuvaali, likayirwa iviaveene kandi uvwoneku. Vayizula embodoka, uvwiti, zimbemba, uvukubani, lihing'ana, uvugadi, zing'anagani zindamanu na amanyego; vamonyanaa,

Varumi 13:13

Ligenda lietu kuduuka live lio vohocha kuli avandu vamenyi mu vulavu vwi lidiku; kutava mu lihuvaala nilisieva, mu lihambika, mu vohenyi, anoho kifavwi cho voheyi mu volembani nilikubana kandi nembodoka mba.

Varumi 2:17

Niiva wilangaa Muyuda, ivi weleedaa ku Lilaga, kandi wiyizominya kigira uvwiko vuvwo ku Nyasaye;

Varumi 2:8

Avandu vaveeye vahuvali kandi vasuura kindu keveeye kilungi kunangwa vaduuki kokora vindu viveeye vichamu; Nyasaye alaviika vutima vwivwe vululu kuvo.

1 Vakorintho 13:4

Vuyanzi vwikuziraa, kandi voveeye no vohoma; sivoveeye ne embodoka, anoho ni liegingira mba.

1 Vakorintho 3:3

kigira mukemenyi kuli avandu vi lirova yili vamenya. Lwe embodoka ni lirembana vikikiri hagati hinyu, vindu yivi vimanyia ndi munyi mukikiri vandu vi kivala, kandi mumenyaa kuli avandu vatamanyi Nyasaye.

1 Vakorintho 5:2

Munyala ndi kwigingira! Simunyala kovelera kugo? Oyo wakola inguuva yeyo akuungwi kutura mu likanisa.

1 Vakorintho 5:6

Sivoveeye vulahi munyi kwigingira mba. Simwamanya livoora, “Amamera makekeeke galombaa lihumbi liu vusie vwosi kuvimba?”

2 Vakorintho 12:20

Mbeeye nu vuti ndi gase lwa ndakaaze yeyo, ndakanyoole nimuveeye lugano kutura kuli nyenya munyi muve. Na munyi hawundi mulanyola inzi nindaveeye kuli munyi muganaganaa. Mbeeye nu vuti ndi hawundi ndakanyoole ovolembani, embodoka, uvutima, iliavukana, uvwimani, limonyana, lielora kandi ikivihiri niviveeye hagati hinyu.

Vagalatia 5:15

Navuzwa, ni mulumana kuli zinyama ziu mbulimu nu kusalirizana aveene naveene, muhenze vulahi gase muladivizana aveene naveene.

Vagalatia 5:20

ukusigamira vifananyi, ovologi, uvusigu, ovolembani, embodoka, uvutima, uvwimani, amahangari, ukwavukana, ukwikala vidieli,

Vagalatia 5:21

likendeka, vwiti, uvuhambiku, uvuhuvaali vwi zing'ano ziosi, ni vindu kuli yivio; ndanga kumwiganihiza lero kuli lwa ndaamwiganihiza maziambiri. Yava avakolaa vindu kuli yivi sivanyala konyoora vwami vwa Nyasaye mba.

Vagalatia 5:26

Leki kuvuli kuva ni liekonya lia vuzwa nu kutindilana aveene naveene, no kokolerana embodoka aveene naveene.

Vagalatia 6:13

Kali yava avakevwa sivalonda Lilaga aveene mba, navuzwa venya munyi mukevwe kunangwa vaduuki kwekonya ndi munyi mwavugilira muruka gwu mumuviri yigu.

Vafilipi 1:15

Gaveeye agiligali ndi avalala kuvo vilwaza Kristo kigira vaveeye nembodoka kandi ovolembani, navuzwa avandi vilwaza Kristo nu mwoyo mulahi.

Vafilipi 2:3

Mutakola kindu kali kilala kuturana ni liegomba lie vindu vie kivala anoho iliekonya lia vuzwa mba, navuzwa muve ni liegehiza aveene naveene. Vuli kazozo, muganagane avandi kuva avalahi kuvita munyi.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.

Yakobo 3:16

Ahembodoka nu vwimani viveeye, hazana yaho haveeye ni ikivihiri kandi ni zing'ano ziosi ziu vudamanu.

Yakobo 5:19

Avaamitu vange, mulala ku munyi naagota no koleka agiligali, kandi wundi amwilanye,