Yakobo 2:9 - KITABU KITAKATIFU

⁹ Navuzwa niiva mukolera avandu kolondekana ni ligondo liavo, mukoraa uvwoni, kandi lilaga limukalagiraa kuli muveeye avavunanyie vi Lilaga.

Yakobo 2:9 Iomraidhean Croise

Kyavalevi 19:15

“Muve vasuuvirifu kandi avalungi lwa muva nimuhaanaa likalaga mu viyaalo mutamanyia lieriza anoho liyaanzilira vadaka kandi mutatia vatugi mba.

Yohana 16:8

Naye lwa aliiza, alalungikiza avumukivala agaveeye gu vwoni, nagaveeye amalungi, kandi agilikalaga lia Nyasaye.

Yohana 8:46

Nivwaha ku munyi unyala kundolekiza ndi mbeeye nuvwoni? Kunangwa, niiva mboraa agiligali, kigira ki musuraa kusuuvira?

Yohana 8:9

Navuzwa lwa vahulira yaga, vatanga kuzia mulala sa mulala kutangilira na vakulundu kuvo vosi. Yeso yaatigara yenyine, nu mukali oyo naakisingiyi imbiri weve.

Vikolwa 10:34

Petero yaatanga kovora: “Kalunu mali kolola ndi agiligali Nyasaye si yahulanyia avandu mba.

Varumi 3:20

Umundu siakolwa mulungi imbiri wa Nyasaye ku likora miyinzi ji Lilaga lienyaa mba; ichi Lilaga likora keveeye okokora vandu vamanye ndi vamali kokora vwoni.

1 Vakorintho 14:24

Navuzwa niiva vosi valaporofeta likuva lia Nyasaye kandi umundu mugeni anoho mundu utasuviraa alingira mu livugana, goosi gahulira galamumanyia vwoni vwivwe mwene; goosi agahulira galamukalagira mwene.

Vagalatia 2:19

Kuvitira mu Lilaga inzi ndaakuza kigira Lilaga, kunangwa nduuki kuva mwoyo mu Nyasaye.

Kwidzulitsa 1:17

Mutamanyia liyaanzilira lovega lulala mu likalaga lienyu mba. Mukalagiri mundu sa mulala keleng'ani; kali ave nivwaha, munene anoho mukekeeke. Mutatia mundu kali mulala mba, kigira likalaga lia muhaanaa litulaa ku Nyasaye. Niiva likuva liosi liveeye lidinyu kumunyi mulileete kuinzi, na ndalikalaga.’

1 Yohana 3:4

Umundu woosi okola uvwoni aveeye nilihiolo liu kuvunanyia amalago ga Nyasaye, kigira uvwoni voveeye livunanyia amalago.

Yudasi 1:15

Sokoleeta ilikalaga ku avandu vosi, kuvakalagira vosi kigira ivikolwa iviavo vitaveeye viu vunyasaye via vamali kokora, kandi kigira amakuva goosi gukuvihiliriza ga avoni avataveeye nu vunyasaye vamali komoloma vudamanu kuye!”