Yakobo 2:8 - KITABU KITAKATIFU

⁸ Mulava ni mukoraa vulahi niiva mutia lilaga liu vwami kuli Amang'oda Matakatifu gavoora, “Uyaanze umutende woovo kuli wiyanza umwene.”

Yakobo 2:8 Iomraidhean Croise

1 Avami 8:18

navuzwa Yahova yamuvolera, ‘Ivi oveeye vulungi mu lienya kunyumbakira Litembeli,

2 Avami 7:9

Navuzwa ahene yaho vavolerana, “Sigakuduukiraa kove ni kokoraa yaga mba! Koveeye na makuva malahi na sigenyekaa kukiring'ane nago mba. Niiva kulinda kuduuka ni vwakacha ku kugavoole, koveeye na giligali ndi kulahevwa amageri. Genda kuzie vwangu na kovolere vanene vu mwami!”

Kyavalevi 19:18

Mutavanza kisaalia ku mundu vosi mba anoho uzizagiliri kumudunyira mba, navuzwa uyaanze mutende vovo kuli wiyanza yivi mwene. Inzi mbeeye Yahova.

Kyavalevi 19:34

Muvakolere kulia vandu va Isiraeli vache vinyu, muvayaanze kuli mwiyaanzaa vene. Mwizurizi ndi munyi kandi mwaali avageni mu kivala cha Egebeti. Inzi mbeeye Yahova Nyasaye winyu.

Jona 4:4

Navuzwa Yahova yamuteeva, “Kigira ki oveeye nu vutima?”

Jona 4:9

Navuzwa Nyasaye yavolera Jona, “Oveeye na kivuni ki ivi usinyiki kigira kitagwa?” Jona yativura, “Ndio, kuduuka sinyiki; mbeeye nuvunyari vwosi kusinyika kali kuduuka ku likuza!”

Matayo 22:39

Lia kaviri liveeye kuli ndio: ‘Uyaanze mutende woovo kuli wiyanza mwene!’

Matayo 25:21

Mwami weve yamuvolera, ‘Okoli vulahi, umutugwa mulahi kandi umusuuvirifu. Walinda vulahi ivindu vikekeke; ndakuviika ove umulindi wi vindu ivinyingi. Hamba wingiri mu vusangali harara nu mwami woovo.’

Matayo 25:23

Mwami weve yamuvolera, ‘Okoli vulahi mutumiri mulahi, kandi umusuuvirifu. Waali umusuuvirifu ku vindu vikekeke; ndakuviika kulinda ivindu ivinyingi. Hamba wingiri usangale ninzi!’

Matayo 7:12

“Kulwa yaga, mukolere avandi viosi via mwenya yavo vamukolere. Yili nilio livoora lie Lilaga lia Musa na amigizu ga avaporofeti.

Varumi 13:10

Uyu uyanzaa mutende weve siamukoleraa uvudamanu mba. Kunangwa Lilaga liosi lidukizirwa mu vuyanzi.

Vagalatia 5:14

Lilaga liosi liduukiziywi mu lilago lilala: “Uyaanze mutende woovo kuli wiyanza mwene.”

Vagalatia 6:2

Mukonyane kuginga uvulitu vwa vuli mulala nu wache, na munzira yiyi muladuukiza lilago lia Kristo.

Vafilipi 4:14

Navuzwa mwakora vulahi ligali lwa mwangoonya mu vudinyu vwange.

1 Vatesalonike 4:9

Sihaveeyeho nikivuni chu ku mung'oderaa ku liyaanza avamwavo vinyu mba munyi aveene mumali kwigizwa na Nyasaye kuli munyala kuyaanzana aveene naveene,

Yakobo 1:25

Navuzwa umundu ohenzaa vudinyu ku amalago amadukiru agahaanaa ovovoholore ku avandu, oyo ugalondaa kandi utaveeye muhuliri ma vivilira, navuzwa agaviikaa mu vikolwa, mundu uyu, Nyasaye alamugasiza ku vindu viosi.

Yakobo 2:12

Mumolome, kandi mukore kuli avandu avalikalagirwa ni lilaga ilikovoholoraa.

Yakobo 2:19

Usuviraa Nyasaye aveeye mulala yenyine? Vulahi! Amademoni nago kandi gasuuviraa ni gadegeraa nu vuti.

Yakobo 4:11

Avaamitu vange, mutamonyana aveene na vene mba. Niiva ulamonya Mukristayo wache anoho umukalagiri omonyaa Lilaga kandi ulikalagira. Niiva ulakalagira Lilaga, sioveeye mulala ku yavo avaliloondaa mba, navuzwa oveeye mulala ku avalikalagira.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.