Yakobo 2:6 - KITABU KITAKATIFU

⁶ Navuzwa munyi muchayaa avadaka! Vatugi nivo vamudambizaa kandi vamuhira mu viyaalo imbiri wa avakalagi. Avatugi!

Yakobo 2:6 Iomraidhean Croise

Ayubu 20:19

Kigira umali kudambiza avadaka nukuvaleka muvudaka ligali. Kandi umali kuvugura zinyumba zia yavula kwumbaka.

Zaburi 10:10

Avadedekere vakutuulwa hasi, nukuduvulanywa; zinguru zinduru zivaguuti.

Zaburi 10:14

Navuzwa ivi, O, Nyasaye, ololaa yavo avaveeye mu kivi nuvudinyu; na ivi ovezaa mwetegeku kuvakonya kazozo. Mundu mudedekere yiihanaa umwene ku Ivi, O, Nyasaye Wuvunyali, ivi okonyaa avavisandu kazozo.

Zaburi 10:2

Vachamu vigingiraa kandi vadambiza avadaka. Uvagumiri mu mitego ja vamali kolomba.

Zaburi 10:8

Yivisa mu madaala kogoneka, aduuki kwita mu vwivisu avandu vatali niimbala. Asetaa nukuhima avadedekere.

Zaburi 12:5

Yahova avoora, “Navuzwa kalunu inzi ndaza, kigira avadaka vadambizwa, kandi avasalirizwa vakenya mu vuzunu. Inzi ndavaha likingwa liavenyaa.”

Zaburi 14:6

Avandu vadamanu vononyiaa lilohiza lia vadaka, navuzwa Yahova aveeye likingwa liavo.

Tsing'ano 14:31

Mundu udambiza vadaka alegeliza Nyasaye wavalomba, navuzwa oyo oveeye ni zimbavasi ku vadaka ahaanaa luyali ku Yahova.

Tsing'ano 17:5

Mundu osekerizaa umudaka anyegaa Nyasaye wamulomba. Oyo uyaanziliraa kivi alanyoola mageri.

Tsing'ano 18:23

Lwa vandu vadaka vamoloma, gavadukiraa vasave mu ligoonya kandi mugalaha, navuzwa lwa vandu vatugi vahaana mativuli, vaveeye nu vululu.

Tsing'ano 22:16

Mundu udambiza vadaka kunangwa aduuki komeeda uvutugi vwivwe, kandi oyo uhaanaa kihanwa kumutugi vombi valagwa vadaka.

Tsing'ano 22:7

Mundu mutugi yamiha mundu mudaka, na uyu wegobaa aveeye mutugwa wu mwegobizi.

Kohelethu 5:8

Utagenya lwa olola vwamihi nivudambizaa vadaka kandi ni vuvagayaa konyoola vulungi ni lienya liavo mba. Mwimiliri oveeye munene akingaa vuli mwimiliri wundi oveeye hasi kuye, na vimiliri yava vombi vakingwa nu mwimiliri oveeye igulu kuvo.

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Amosi 4:1

Muhuliri likuva yili, munyi vakali va Samaria, avaveeye vakomelu kuli zing'ombe zia Bashani; avanyangizaa avadedekere nu kudambiza avadaka, avavoolera avasaza vaavo, “Muleete malwa kunwi kuhambiki!”

Amosi 5:11

Kunangwa mumali kudambiza avadaka nu kuvanura vuswage vwavo. Kigira yaga, simulamenya mu zinyumba zindahi zia magina gavazwa zia mwumbaka, kandi simulanwa iwaini kutura ku mizabibu milahi ja mwasimika mba.

Habakuk 3:14

Muvano gugwo gwu vuta gwatumita mwimiliri wi liihi lilie; lwa gwaza kuli kihuzuzi kukusalanyia, vasaangala kuli yavo vadambiza vadaka.

Zekaria 7:10

Mutadambizi vakunzakali, vavisandu, vageni vamenyi hagati hinyu, anoho ku woosi oveeye ni lienya vokonyi mba. Mutalohizi zinzira ziokwenya kusaliriza vache mba.’

Yohana 8:49

Yeso yativura, “Inzi simbeeye nilidemoni mba, navuzwa nguminyaa Baba wange, navuzwa munyi si munguminyaa.

Vikolwa 13:50

Navuzwa Avayuda vagemehiza avakali vi igulu avasigamira Nyasaye, avi Zihiiri zindi, kandi avasaza vanene vi lidaala yilio. Vatanga kudambiza Paolo na Baranaba, nivavakunga mu kadaala kavo yako.

Vikolwa 17:6

Navuzwa sivavanyoola mu mba. Nivakweesa Jasoni harara na avaamitu vandi nivavahila ku avanene vi lidaala, nivakora liyoga, nivavoora, “Avandu yavo vagoyanyia lirova liosi, na kalunu vaduuki mu lidaala yili kandi.

Vikolwa 18:12

Navuzwa ing'inga ya Galio yaali mwamihi wa Akaya, Avayuda vingilira Paolo nu mwoyo mulala nivamuhila mu kiyaalo chi likalaga.

Vikolwa 8:3

Navuzwa Saolo yageriza kudiviza Likanisa ligali. Yingira mu vuli inyumba, natuliza vandu avasuuviraa, avasaza na vakali, navahira muvuhambe.

1 Vakorintho 11:22

Kigira ki? Simuveeye ni zinyumba zienyu zia muduukana kulia mu nu kunwa? Anoho muloraa ni vulahi ku munyi kolegeriza likanisa lia Nyasaye kandi koleganyia avataveeye navio? Kunangwa mwenya inzi muvoolere ndi? Nzizominyi munyi? Awa! Sindavugilira yaga mba.

Yakobo 2:3

niiva mulahaana uluyali ligali ku uyu uwiviiki inguvu indahi na mumuvolere, “Hamba wikale ahalahi hano,” navuzwa muvoolere umudaka, “Ivi, singira yira,” anoho “Yikala hasi ha virenge viange”

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.

Yakobo 5:6

Mumali kukalagira kandi kwita avandu avataveeye nimbara navo sivahingiraa munyi mba.