Yakobo 2:20 - KITABU KITAKATIFU

²⁰ Umusiru ivi! Wenyaa umanywe ndi lisuuvira vugira ivikolwa liakuza?

Yakobo 2:20 Iomraidhean Croise

Tsing'ano 12:11

Umulimi mugulu aveeye ni viukulia vinyingi, navuzwa nuvusiru kogotiza vwiyangu ku miyinzi jitaveeye ni kivuni.

Jeremia 2:5

Yahova avoora: “Vudamanu ki vwa avaguuga vinyu vanyoola ku inzi? Ni kindiki chavakola ni vagirung'ana kutura ku inzi? Vaasigamira vifananyi viavuzwa, kandi navo vaagwa avandu vataveeye novokonyi.

Varumi 1:21

Kali niiva vamanya Nyasaye aveeye ho, navuzwa sivamukuminyaa kuli aveeye Nyasaye, anoho sivamusandizaa mba. Mu vogono vwo kokora ndio, zing'anagani ziavo ziagirung'anywa kuva vuzwa, ni mioyo jaavo juvusiru jayizula kisundi.

Varumi 3:28

Kunangwa kololaa ndi, mundu akolwaa kuva mulungi imbiri wa Nyasaye kuvitira mu lisuuvira lienyine; sigaveeye ku likora miyinzi ji Lilaga mba.

Varumi 9:20

Navuzwa ligali ivi oveeye vwaha uluviliraa kwilanyira Nyasaye amativuli? Inyingu sinyala koteeva umulongi wayo, “Kigira ki wanomba kuli ndi?”

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vagalatia 6:3

Kigira niiva mundu ku vosi yiganagana aveeye kindu ing'inga ya ataveeye kindu, yigadaa mwene.

Vakolosai 2:8

Muhenze vulahi gase mundu woosi alamukola vahambe kandi avatugwa ku vogeri vwu mu kivala nuvugadi vwa vuzwa, vwo vogeri ni miima ja avandu vituraa ku miigizu ga avandu na mademoni gamiihaa mu vwerefu, agataveeye ga Kristo.

Tito 1:10

Vaveeye ho avandu avanyingi ligali, mbitilira aviganiri kutura mu dini ya Avayuda, avibaaraa nukugaada avandu vandi namakuva gaavo guvusiru.

Yakobo 1:26

Niiva umundu yiganagana aveeye wi lisuuvira, naye natalinda makuva geege, yigadaa mwene, lisuuvira liu mundu uyu ni liavuzwa.

Yakobo 2:17

Kunangwa gaveeye ndio ni lisuuvira: niiva liveeye lisuuvira litalondekanaa ni vikolwa, hene yaho liakuza.

Yakobo 2:26

Kunangwa, kuli umuviri vugira umwoyo gwakuzi, kandi ndio, lisuuvira vugira vikolwa liakuza.