Yakobo 2:19 - KITABU KITAKATIFU

¹⁹ Usuviraa Nyasaye aveeye mulala yenyine? Vulahi! Amademoni nago kandi gasuuviraa ni gadegeraa nu vuti.

Yakobo 2:19 Iomraidhean Croise

Isaya 43:10

“Avandu va Isiraeli, muveeye avaloli vange; ndaatovora munyi muve vatumikiri vange, kunangwa muduuki kumanya inzi kandi kusuuvira mu inzi; Kandi kumanyiriza ndi inzi nzieng'ine mbeeye Nyasaye. Sihaliraho nu munyasaye wundi nataveeye inzi nzieng'ine mba; sihaveeyeho kandi sihaveeyeho nanyasaye wundi kuvita inzi.

Isaya 44:6

Yahova, uwamihaa kandi ukingaa Isiraeli, Yahova Wuvunyali avoora ndi: “Inzi mbeeye Nyasaye Weng'ine, Wukutanga nu Wekeheri; sihaveeye ho na nyasaye wundi, navuzwa inzi.

Isaya 44:8

Avandu vange, mutatia mba! Munyi mwamanya yaga kutura zing'inga zia kale kuduuka lero inzi ndaamara kuvuula goosi agazizaa kwekoleka, na munyi muveeye avaloli vange. Haveeye ho na nyasaye wundi lugano ku inzi? Haveeye ho na nyasaye wundi wizingulu wa inzi ngikiri kumuhulira kali hakuzu?”

Isaya 45:6

Ngolaa yaga kunangwa vuli mundu kutura ku keheri kilala chi lirova kuduuka ku kindi, vaduuki kumanya ndi inzi mbeeye Yahova; kandi siaveeye ho nu munyasaye wundi mba.

Isaya 46:9

Mwizurizi vindu viakoleka mu madiku ga kale, muduuki kumanya ndi inzi wengine mbeeye Nyasaye, kandi siaveeye ho nu munyasaye wundi kuli inzi mba.

Jona 4:4

Navuzwa Yahova yamuteeva, “Kigira ki oveeye nu vutima?”

Jona 4:9

Navuzwa Nyasaye yavolera Jona, “Oveeye na kivuni ki ivi usinyiki kigira kitagwa?” Jona yativura, “Ndio, kuduuka sinyiki; mbeeye nuvunyari vwosi kusinyika kali kuduuka ku likuza!”

Zekaria 14:9

Maku Yahova alakave mwami wi kivala choosi; vuli mundu alakamusigamiri kuli Nyasaye kandi nu kumanya lieta lilie.

Matayo 8:29

Navo vatanga kuhanzuka nivavoora, “Koveeye ndi nivi, O, Mwana wa Nyasaye? Uzi hano kukudambiza ing'inga nikikiri kuduuka?”

Marko 1:24

“Ukwenya ki, Yeso wa Nazareti? Wenyaa kukudiviza? Inzi ngumanyi vulahi vwene. Ivi oveeye mutumwa mutakatifu wa Nyasaye!”

Marko 12:29

Yeso yamutivulira, “Liukutanga ni yili: ‘Muhuliri, munyi avandu va Isiraeli! Mwami Nyasaye wiitu niyie Nyasaye yeng'ine.

Marko 5:7

nahanzuka nu mwoyo munene navoora, “Onyenyaa ki ivi Yeso Mwana wa Nyasaye, oveeye igulu Ligali? Ngogonya, imbiri wa Nyasaye, utandambiza mba!”

Marko 7:9

Yeso yavavolera kandi, “Munyi muveeye ninzira yu vugadi, yu kusuura amalago ga Nyasaye kunangwa muduuki konyoora inzira yokolonda amigizu ginyu aveene.

Luka 4:34

“Ai! Yeso wa Nazareti! Kigira ki ukwingilira? Uzi kukudiviza? Inzi ngumanyi, ivi oveeye vwaha. Ivi oveeye mutumwa Mutakatifu wa Nyasaye!”

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Vikolwa 16:17

Kunangwa, mukaana oyo yalonda Paolo ni kunyi, nahanzuka, na avoora, “Avandu yava vaveeye avatumwa va Nyasaye Oveeye Yigulu Ligali. Vamwilwazira kuli munyala kohona.”

Vikolwa 19:15

Navuzwa lidemoni liavavoolera, “Ndamanya Yeso, kandi ndamanya Paolo. Navuzwa munyi nivwaha?”

Vikolwa 24:25

Navuzwa lwa Paolo yaatanga kwivaala ku uvulungi, uvwilindi kandi likalaga lizaa, Felikisi yizula uvuti vunyingi, kandi yativura navoora, “Tanga uzie kulwa kalunu. Lwa nanyoole vwiyangu, naangulange.”

Varumi 3:30

Nyasaye aveeye mulala, kandi alakola Avayuda kuva avalungi imbiri weve kolondekana ku lisuuvira liavo, na vandu vizihiiri kolondekana ku lisuuvira liavo kandi.

1 Vakorintho 8:4

Kunangwa, iliilia lie viukulia vihaaniywi ku vifananyi; kunyi Avakristayo kwamanya ndi vifananyi siviveeye vindu viveeye mwoyo mba; kwamanya vuzwa Nyasaye aveeye mulala yenyine.

1 Vakorintho 8:6

navuzwa ku kunyi aveeye ho Nyasaye mulala yenyine vuzwa, Baba oveeye mulombi wi vindu viosi, wa koveeye mwoyo kigira oyo. Kandi haveeye ho vuzwa nu Mwami mulala Yeso Kristo, wi vindu viosi vialombwa kuvitira muye; kandi koveeye mwoyo kuvitira muye.

Vagalatia 3:20

Navuzwa muhambanyi siyenyekaa lwu mundu mulala yenyine aveeye ho mba; Na Nyasaye aveeye mulala.

Kwidzulitsa 6:4

“Muhuliri, O, avandu va Isiraeli; Yahova; Yahova yeng'ine, aveeye Nyasaye wiitu.

Yakobo 2:8

Mulava ni mukoraa vulahi niiva mutia lilaga liu vwami kuli Amang'oda Matakatifu gavoora, “Uyaanze umutende woovo kuli wiyanza umwene.”

Yudasi 1:4

Avandu valala avataveeye nu uvunyasaye avilikaragirwa ni lidivizwa liavo lia ng'odwa zing'inga zia kale ligali, vamali koseeta nu kwingira hagati hiitu mu vwivisu, yava vaveeye avandu vavura kutia Nyasaye; avagirung'anyia amakuva gi zimbavasi zia Nyasaye wiitu ziduuki kuva kuli ikindu chukuvugilira vudamanu vwavo vwovoheyi, kandi avambakanaa Yeso Kristo, Munene kandi Mwami wiitu yeng'ine.

Yudasi 1:6

Mwizurizi zingelosi avavura kulinda uvwiyangu vwu vunyali vwavo, navuzwa nivaleka havundu ho vomenyo vwavo: vavofwa ni minyororo mihiga ni mihiga mu kisundi ha Nyasaye yavavika valindi ilikalagirwa ku Lidiku linene yilio.

Likunula 20:10

Maku Lidemoni, iliavagaadaa yilio, liasuuvwa mu inyanza yu muliru ni kibiriti, hiking'ang'a, harara numuporofeti wo vovehi ha vaali nivaasiuvwa; kandi navo valadambizwa ligali mbasu nu uvudiku mihiga ni mihiga.