Yakobo 2:18 - KITABU KITAKATIFU

¹⁸ Navuzwa mulala alavoora, “Umundu mulala aveeye ni lisuuvira, nu wundi aveeye ni likora.” Manyia kuli mulala anyala kuva ni lisuuvira vugira ivikolwa, ninzi ndakumanyia lisuuvira liange ku vikolwa viange.

Yakobo 2:18 Iomraidhean Croise

Varumi 14:23

Navuzwa umundu uhayahayiza ku chukulia cha alizaa, Nyasaye amukalagiraa lwa ava nalizaa ichukulia zana, kigira likora lilie sililondekanaa ni lisuuvira mba. Niiva kokora kindu ku choosi ikitalondekanaa ni lisuuvira, keveeye uvwoni.

Varumi 3:28

Kunangwa kololaa ndi, mundu akolwaa kuva mulungi imbiri wa Nyasaye kuvitira mu lisuuvira lienyine; sigaveeye ku likora miyinzi ji Lilaga mba.

Varumi 4:6

Yaga nigo aga Daudi yavoola lwa yamoloma kigira uvuyanzi vwu mundu wa Nyasaye avugiliraa kuva mulungi, natavalizi agandi goosi gumundu uyu akolaa:

Varumi 8:1

Kalunu siahaveeye ni likalagirwa ku yavo avaveeyeho mu Kristo Yeso,

Varumi 9:19

Mulala ku munyi alandeeva, “Niiva gaveeye ndio, kigira ki Nyasaye yenyeleriza amahiolo mu vandu? Nivwaha unyala kuhingila uvulaliri vwa Nyasaye?”

1 Vakorintho 13:2

Niiva ndakaveeye ni kihanwa chu kwilwaza; kandi kihanwa chu kumanyiriza agaviswa goosi kandi limanya liosi; kandi niiva ndakaveeye nilisuvira liosi linyala kusunda vigulu; navuzwa nindaveeye nu vuyanzi, simbeeye kindu mba.

2 Vakorintho 5:17

Lwu mundu woosi, aveeye mu Kristo, aveeye ekelombe ikihia. Henza ivindu viosi via kale vimali kuvita. Na viosi vigwiyi vihia.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Tito 2:7

Mu vindu viosi ivi umwene wimanyie kuva oveeye chokololera ku miima milahi; ove musuuvirifu kandi mugulu mu liegiza liilio.

Vahebraina 11:31

Kigira lisuuvira Rahabu mukali wa malaya siyiitwa harara nayavo avavura kuhulira, kigira yingiriza avaluuti nimirembe.

Vahebraina 11:33

Kuvitira mu lisuuvira, valwaana kandi ni vaguuta vivala viosi. Vakora agaali malungi, ma nivanyoora ga Nyasaye yasuuviriza. Vakunika minwa jiving'ang'a,

Vahebraina 11:6

Vugira lisuuvira, mundu sianyala kuyaanziza Nyasaye mba. Ku vosi uzaa ku Nyasaye gamudukira ave nilisuvira ndi Nyasaye aveeye ho kandi niyie muhaani wa madanyi ku yavo avamwenyaa.

Yakobo 2:14

Avaamitu vange, gakonyaa ki umundu navoora aveeye ni lisuuvira, navuzwa ivikolwa vivie sivilolekizaa ndio? Lisuuvira yilio linyala kumuhonyia?

Yakobo 3:13

Nivwaha oveeye umugeri nuwilimanya hagati hinyu? Gamudukira avumanyie havulavu mu liiva lilie lilahi, kandi ivikolwa vivie ivilahi ivikolwa mu liegehiza no vogeri.