Yakobo 2:14 - KITABU KITAKATIFU

¹⁴ Avaamitu vange, gakonyaa ki umundu navoora aveeye ni lisuuvira, navuzwa ivikolwa vivie sivilolekizaa ndio? Lisuuvira yilio linyala kumuhonyia?

Yakobo 2:14 Iomraidhean Croise

Jeremia 7:8

“Henza, munyi musuuviraa mu amakuva gu vugadi.

Matayo 5:20

Yiki nicho kigira nimuvoolera ndi, uvulungi vwinyu nivutavita uvwa vang'odi vi lilaga na Avafarisayo, simulakingiri mu Vwami vwu mwigulu mba.

Luka 3:11

“Oveeye ni zinguvu ziviri ahaane ku oyo utali nayo; na oveeye ni viu kulia akole ndio.”

Luka 6:49

Navuzwa mundu woosi uhulira amakuva gange kandi navula kokora kindu choosi kugo, mwene oyo aveeye kuli mundu wumbaka inyumba ku muyeke vugira muse. Lwu Mugera gwakuba induta kugwo na nonoho yagwa, kandi ligwa lie inyumba yeyo liali linene ligali!”

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

Vikolwa 8:13

Kali Simoni mwene yasuuvira. Lwa yamala kubatizwa yamenya na Filipo, nagenya ku viokogenyia ni vilolekizu via Filipo yakola.

Vikolwa 8:21

Ivi sioveeye ni lisanga liosi anoho mugavwa ku muyinzi yigu, kigira mwoyo gugwo si goveeye mulahi imbiri wa Nyasaye mba.

Varumi 2:25

Niiva ulahulira Lilaga, likevwa liilio lilava nu vukala ligali, navuzwa niiva ulavunaga Lilaga, vwakaveeye vulahi ivi ulavuli kokevwa.

1 Vakorintho 15:2

Ivangeri yeyo, niyio makuva gamwilwazira. Mwahonywa kuvitira mu vangeli niiva mwakagigumira vudinyu. Nigataveeye ndio lisuuvira lienyu liveeye vuzwa.

1 Vakorintho 16:22

Ku vosi mundu natayaanza Umwami, alaamwe. Umwami wiitu hamba!

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

1 Vatesalonike 1:3

Kumwizulizaa mu lisaala lietu ku Nyasaye wiitu kandi Baba kuli muviika lisuuvira lienyu mu vikolwa, kuli vuyanzi vwinyu vomukolaa kuyinzira vudinyu ligali kandi kuli lisuuvirizwa lienyu mu Mwami wiitu Yeso Kristo liveeye lidinyu ligali.

Tito 1:16

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

Tito 3:8

Livoora yili liveeye lie ligali. Inzi nyenya udinyirizi ligali ivindu yivi, kunangwa yavo avamali kusuuvira mu Nyasaye vaduuki kuva nilienya kutumikira ing'inga yavo kokora vikolwa vilahi ku vandu vosi.

Vahebraina 11:17

Kigira lisuuvira, Nyasaye yageriza Aburahamu ahaane Isaka mwana weve muderwa, ave kuli kisiuviriru. Aburahamu niye wa Nyasaye yalombera lisuuvirizwa yilio. Kali ndio, yavugilira kuhaana mwana weve muderwa kuli kisiuviriru.

Vahebraina 13:9

Mutahunzulanywi yiyi nayiyi kutura kunzira yuvulungi na migizu mageni gi zing'ano ziosi mba. Ni vulahi konyoora zinguru ziu mu mwoyo kutura ku zimbavasi zia Nyasaye, na sigaveeye ku lilonda amalago ni viukulia mba, yavo avalonda malago yago, sigavakonya mba.

Yakobo 1:16

Avaamitu vange avayaanze, mutagadwa mba!

Yakobo 2:16

niiva mulala ku munyi avavoolera, “Nyasaye avagasize! Munyore uluuya kandi mulie vulahi mwiguti!” Niiva simuvaheeye ivindu ividukanaa ni livamwoyo?

Yakobo 2:18

Navuzwa mulala alavoora, “Umundu mulala aveeye ni lisuuvira, nu wundi aveeye ni likora.” Manyia kuli mulala anyala kuva ni lisuuvira vugira ivikolwa, ninzi ndakumanyia lisuuvira liange ku vikolwa viange.

Yakobo 2:26

Kunangwa, kuli umuviri vugira umwoyo gwakuzi, kandi ndio, lisuuvira vugira vikolwa liakuza.

2 Petro 1:5

Kigira ikivuni chene yiki mukore zinguru komeeda uvulahi vwosi ku lisuuvira lienyu; mumeede ilimanya ku vulahi vwinyu,