Yakobo 2:1 - KITABU KITAKATIFU

¹ Avaamitu vange, kuli avasuuviri mu Mwami wiitu Yeso Kristo, oveeye Mwami wu vukumi, mutayanzilira avandu kolondekana ku ligondo liavo mba.

Yakobo 2:1 Iomraidhean Croise

2 Kyetsinyinga 19:7

Kunangwa kalunu, muhaane ku Yahova luyali, mwilindi ku goosi aga mukoraa, kigira Yahova Nyasaye wiitu sialiikuzira ku lichaminya uvulungi, anoho liyanzilira magondo mu likalaga, anoho livugula vikukula.”

Tsing'ano 24:23

Avageri vavoola vindu yivi kandi; sivoveeye vulahi avakalagi kuva ni liyaanzilira avadamanu mba.

Tsing'ano 28:21

Kuva ni liyaanzilira sivoveeye vulahi mba, navuzwa konyoora viambeti vikekeke mundu akolaa vudamanu.

Kyavalevi 19:15

“Muve vasuuvirifu kandi avalungi lwa muva nimuhaanaa likalaga mu viyaalo mutamanyia lieriza anoho liyaanzilira vadaka kandi mutatia vatugi mba.

Matayo 22:16

Kunangwa, vaatuma kuye valala ku aviigi vaavo harara na avasangi vu muganda gwa Herodi. Vamuteeva, “Mwigizi, kumanyia ivi oveeye umundu wiligali, kandi wigiza uvulariri vwa Nyasaye mu agiligali. Ivi siutiizaa mundu woosi mba, kigira ovonene vwu mundu anoho iligondo si viveeye ikindu ku ivi mba.

Vikolwa 10:34

Petero yaatanga kovora: “Kalunu mali kolola ndi agiligali Nyasaye si yahulanyia avandu mba.

Vikolwa 20:21

Ndiganihiza avandu vosi Vayuda, na vandu vi zihiiri, viganiri ma viirane ku Nyasaye, nu kusuuvira Mwami wiitu Yeso Kristo.

Vikolwa 24:24

Inyima wa madiku makekeeke, Felikisi yaza harara nu mukali weve Durusila uwaali mukaana wa Herodi Aguripa 1. Yalanga Paolo aleetwe; naahuliriza Paolo namolomaa ku makuva gi lisuuvira mu Kristo Yeso.

Vikolwa 7:2

Sitefano yativura, “Avaamitu na vababa! Mumbulirizi! Nyasaye wu vukumi yaloleka ku guuga wiitu Aburahamu, mu Mesopotamia, nakikiri kuzia komenya Harani.

Varumi 1:11

Kigira ngayilwa ligali kolola munyi, nduuki kusanga harara nimunyi mu kihanwa cha roho kunangwa muduuki kuva ni zinguru.

1 Vakorintho 2:8

Siaveeye ho nu mulala ku vamihi vi lirova yili wamanya ovogeri yivu mba. Niiva vaali nivavunamyi, sivali vakavambi Mwami wu vukumi mba.

Kwidzulitsa 1:17

Mutamanyia liyaanzilira lovega lulala mu likalaga lienyu mba. Mukalagiri mundu sa mulala keleng'ani; kali ave nivwaha, munene anoho mukekeeke. Mutatia mundu kali mulala mba, kigira likalaga lia muhaanaa litulaa ku Nyasaye. Niiva likuva liosi liveeye lidinyu kumunyi mulileete kuinzi, na ndalikalaga.’

Kwidzulitsa 16:19

Mutachaminya uvulungi! Mutamanyia liyaanzilira vandu valala kuvita avandi mulikalaga mba! Anoho mutavugilira kuvugura viambeti mba, kigira viambeli vivakulizaa zimoni kali zia avageri kandi avasuuvirifu, vichaminyaa amakuva gu mundu mulungi mu kiyaalo.

Vakolosai 1:4

Kigira kumali kuhulira lisuuvira lienyu mu Kristo Yeso, nu vuyanzi vwinyu vwa muveeye navwo ku avandu va Nyasaye vosi,

Tito 1:1

Inzi Paolo, umutumikiri wa Nyasaye kandi mutumwa wa Yeso Kristo ng'oda ibarwa yiyi. Inzi ndaatovolwa nukutumwa kokonya lisuuvira lia avandu vatovole va Nyasaye, kandi kuvimilira ku agiligali gi dini yitu yigizaa.

Tito 2:13

lwa kulindiliraa lidiku liu uvugasu, lia kwasuuvirizwa liu vukumi vwa Nyasaye munene kandi Muhonyi wiitu Yeso Kristo liliduuka.

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.

Yakobo 1:16

Avaamitu vange avayaanze, mutagadwa mba!

Yakobo 1:19

Avaamitu vange avayaanze, mwizurizi likuva yili! Umundu sa mulala ave umwangu kuhuliriza, navuzwa ave wagalaha ku limoloma, kandi uwa galaha ku liiva nu vutima.

Yakobo 2:3

niiva mulahaana uluyali ligali ku uyu uwiviiki inguvu indahi na mumuvolere, “Hamba wikale ahalahi hano,” navuzwa muvoolere umudaka, “Ivi, singira yira,” anoho “Yikala hasi ha virenge viange”

Yakobo 2:9

Navuzwa niiva mukolera avandu kolondekana ni ligondo liavo, mukoraa uvwoni, kandi lilaga limukalagiraa kuli muveeye avavunanyie vi Lilaga.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

Yudasi 1:16

Avandu yava avililiraa kazozo na nivadura avandu vandi. Valonda likayirwa lidamanu liavo aveene, vekonyaa nukwetovooza aveene kandi vizominyaa avandu vandi muvugaadi kigira venya kwenyolera vindu via venya.

Likunula 14:12

Yivu nivwo uvwikuziri vwa vandu va Nyasaye avagumira amalago geege ni lisuuvira lia Yeso,