Yakobo 1:26 - KITABU KITAKATIFU

²⁶ Niiva umundu yiganagana aveeye wi lisuuvira, naye natalinda makuva geege, yigadaa mwene, lisuuvira liu mundu uyu ni liavuzwa.

Yakobo 1:26 Iomraidhean Croise

Ayubu 15:13

Mwoyo gugwo guhing'anaa na Nyasaye, na yiki nicho kigira novoora amakuva kuli yaga kuye.

Ayubu 30:11

Kigira Nyasaye umali kongola mudedekere kandi utiinyaliza, vangirung'ana nu kunzingilira nu vutima vonene ligali.

Zaburi 141:3

O, Yahova, linda lulimi lwange, mburi kutivula amakuva madamanu.

Zaburi 32:9

Utava musiru kuli ibarasi anoho sukiri mba, iziamiifwa ni lijamu kandi olokova mu minwa jazio kuzikola zihuliri amalago nukumanya uwazienyekaa zizie.”

Zaburi 34:13

Gamuduukira yigaye ku vudamanu zing'ano ziosi, kandi munwa gwigwe gutavoola uvugadi mba.

Tsing'ano 10:19

Limoloma linyingi liletaa mahiolo, navuzwa niiva oveeye mugeri ulachiring'ana.

Tsing'ano 10:31

Avandu valungi vamoloma limanya, navuzwa mundu omoloma vudamanu aladivizwa.

Tsing'ano 14:12

Inzira eveeyeho elolekaa kuva inungi ku mundu, navuzwa ekeheri chayo nilikuza.

Tsing'ano 15:2

Lwa vandu vageri vamoloma, valomba limanya kuyanzika, navuzwa vandu vasiru vamoloma vusiru.

Tsing'ano 16:10

Mwami omoloma ni zinguru zia Yahova likalaga lilie liveeye lirungi vuli kazozo.

Tsing'ano 16:25

Eveeyeho inzira elolekaa kuva inungi ku mundu, navuzwa keheri chayo keveeye likuza.

Tsing'ano 19:1

Voveeye vulahi kuva mudaka, navuzwa ove musuuvirifu kuvita kuva mugadi musiru.

Tsing'ano 21:26

goosi agakolaa nu kuganagana ku viayenyaa kuva navio. Navuzwa mundu mulungi ahaanaa nu mwoyo gwosi.

Isaya 1:13

Mutandeteli vihaanwa vienyu vitaveeye novokoonyi kandi mba. Lifunya lie kimuli cha musambaa limbihilirizaa. Sinyala kwikuzira ku amasavo ginyu gu mweli muhia, Amasabato, na mavugano ginyu; viosi vikoleywe vidamanu nuvwoni vwinyu.

Isaya 44:20

Akombaa ligoke litaveeye kindu kuye. Zing'anagani zizie ziuvusiru zimugotizi ligali kali sianyala konyoora vokonyi kali hakuzu mba. Sianyala kuvugilira umwene ndi kifananyi cha agumiyi mu mukono gwigwe sikeveeye nyasaye mba.

Malaki 3:14

Munyi mumali kovora, ‘Ni vuzwa kutumikira Nyasaye. Ni vokonyi ki kokora ga Nyasaye Wuvunyali avoora anoho kugeliza kumumanyia ndi koveeye novovereri ku ga kumali kokora?

Matayo 15:9

Lisigamira liavo liveeye lia vuzwa. Amigizu gaavo gaveeye amalago ga vandu vuzwa!’ ”

Marko 7:7

Vaveeye ku ni kivuni chu kusigamira mba, kigira amigizu gaavo gaveeye vuzwa amalago ga vandu!’

Luka 8:18

“Kigira yaga, mwilindi vulahi kuli muhulira; kigira oyo oveeye nacho, alahevwa vindi, na oyo utaveeye nacho alanyagwa kali kekekeeke cha aganagana aveeye nacho.”

1 Vakorintho 15:15

Kuvita yaga goosi, kunyi kololeki kuli avavehi kigira makuva ga Nyasaye, lwakwavoola oyo yasimugukiza Kristo kutura mu likuza, navuzwa niiva gaveeye giligali ndi avakuzu sivasimugukizwa, gamanyia ndi Nyasaye siyasimugukiza Kristo mba.

1 Vakorintho 15:2

Ivangeri yeyo, niyio makuva gamwilwazira. Mwahonywa kuvitira mu vangeli niiva mwakagigumira vudinyu. Nigataveeye ndio lisuuvira lienyu liveeye vuzwa.

1 Vakorintho 3:18

Mundu atiigaada mwene mba! Mulala ku munyi niyiganagana umwene kuva mugeri mu lirova yili, vwakava vulahi oyo yeekole kuva musiru, kunangwa aduuki kuva mugeri.

Vagalatia 2:6

Navuzwa ku yavo avaloleka kuva vaveeye aviimiliri vanene hagati ha vandu avasuuviraa, mboraa yaga kigira ovonene vwavo sivoveeye ni kivuni ku inzi mba. Nyasaye siakalagaa ku lihenza ligondo lie chova liu mundu mba. Aviimiliri yavo, si vaali ni kindu chokomeda ku Ivangeri ya nzilwazaa yiyi mba.

Vagalatia 2:9

Yakobo, Petero na Yohana avaloleka kuva nivo aviimiliri vanene, vamanya ndi Nyasaye umali kuhaana ku inzi muyinzi muduukiru, kunangwa vavugilira Baranaba ninzi kuli avasangi muvutumwa. Kunangwa vaakucheliza. Kwavugilizana ndi Baranaba ninzi kokole miyinzi hagati ha vandu vizihiiri, navo vakole miyinzi hagati ha Avayuda.

Vagalatia 3:4

Munyi mwavitira mu vusaliri vonene kuli yivwo kulwa vuzwa? Si ganyala kuva ndio mba!

Vagalatia 6:3

Kigira niiva mundu ku vosi yiganagana aveeye kindu ing'inga ya ataveeye kindu, yigadaa mwene.

Vafeso 4:29

Mutaleki likuva lidamanu kali lilala lituli mu minwa jinyu kali hakuzu mba, navuzwa muvoore makuva gaveeye malahi gukwumbaka gaduukanaa ni ing'inga yene yeyo, kandi gaduuki kuhaana zimbavasi kuyavo vagahulira.

Vafeso 5:4

Kifavwi, anoho amakuva gi zisoni nu guvusiru, anoho amahing'ani, anoho zimbaka, sividukana munyi kuvitivula mba, navuzwa nivulahi musandizi Nyasaye.

Kwidzulitsa 11:16

Mwilindi aveene gase mulagadwa mugirung'ane koleka Yahova kandi musigamiri nokutumikira avanyasaye vandi.

Vakolosai 4:6

Muleke livoora lienyu live ligasu nilio kuyaanziza madiku goosi, muduuki kumanya kuli gamuduukira kutivulira mundu sa mulala.

Yakobo 1:19

Avaamitu vange avayaanze, mwizurizi likuva yili! Umundu sa mulala ave umwangu kuhuliriza, navuzwa ave wagalaha ku limoloma, kandi uwa galaha ku liiva nu vutima.

Yakobo 1:22

Muve avakoli vi likuva, mutava avahuliri vuzwa ni mwigada aveene mba.

Yakobo 2:20

Umusiru ivi! Wenyaa umanywe ndi lisuuvira vugira ivikolwa liakuza?

1 Petro 3:10

Mang'oda Matakatifu gavoora, “Uyu uyanzaa livamwoyo lilie, kandi kolola amadiku amalahi gamudukira yigaye ku limoloma uvudamanu, kandi aleke kovora ovovehi.