Yakobo 1:22 - KITABU KITAKATIFU

²² Muve avakoli vi likuva, mutava avahuliri vuzwa ni mwigada aveene mba.

Yakobo 1:22 Iomraidhean Croise

Isaya 44:20

Akombaa ligoke litaveeye kindu kuye. Zing'anagani zizie ziuvusiru zimugotizi ligali kali sianyala konyoora vokonyi kali hakuzu mba. Sianyala kuvugilira umwene ndi kifananyi cha agumiyi mu mukono gwigwe sikeveeye nyasaye mba.

Jeremia 11:6

Maku Yahova yambolera, “Uzie mu madaala manene goosi gi Ivuyuda kandi kuzinzira ziosi zia Jerusalemi. Wilwaziri avandu amakuva gange uvavoolere vahuliri amakuva gi lilagana yili kandi vagatie.

Obadia 1:3

Liegingira lie mioyo jinyu limali kumugaada; munyi avamenyi mu imbinga yu lwanda, vomenyo vwinyu voveeye igulu, mu vigulu. Kunangwa mwevoleraa, ‘Nivwaha unyala kukwikiza hasi?’

Matayo 12:50

Ku vosi okolaa uvulariri vwa Baba wange oveeye mwigulu, uyu niyie amwavo wange kandi mbozo wange, kandi mama wange.”

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Luka 11:28

Yeso yamutivulira, “Yee, navuzwa vaveeye nuvugasu ligali kuvita, avahulira likuva lia Nyasaye, ma valilonda.”

Yohana 13:17

Kalunu munyi mumanya vindu yivi, muveeye nuvugasu nimuvikola.

Varumi 2:13

Mundu siakolwa kuva mulungi imbiri wa Nyasaye ku lihulira Lilaga, navuzwa ku likora agi Lilaga lienyaa.

1 Vakorintho 15:33

Mutagadwa mba. “Avalina vadamanu vononyiaa miima milahi.”

1 Vakorintho 3:18

Mundu atiigaada mwene mba! Mulala ku munyi niyiganagana umwene kuva mugeri mu lirova yili, vwakava vulahi oyo yeekole kuva musiru, kunangwa aduuki kuva mugeri.

1 Vakorintho 6:9

Si mumanyi ndi vandu vachamu sivalinyoola vwami vwa Nyasaye? Mutagadwa mba! Avandu vamenyaa mu kifavwi cho voheyi, avasigamiraa misaambwa, anoho avaheyi, malaya masaaza anoho avasaza vagonaa avasaza vache,

Vagalatia 6:3

Kigira niiva mundu ku vosi yiganagana aveeye kindu ing'inga ya ataveeye kindu, yigadaa mwene.

Vagalatia 6:7

Mutagadwa mba, Nyasaye sianyala kokolelwa kehenyahenye mba. Ichu mundu atagaa, nicho cha agesaa.

Vafilipi 4:8

Mu limaliriza avaamitu vange mukore zing'anagani zienyu ziizuli ni vindu viveeye vilahi kandi ividukanaa vinyoole lizominywa; vindu viveeye vie ligali, viu vulungi, ivisereze, viu kuyaanziza kandi viu luyali.

Vakolosai 3:17

Ku viosi via mukoraa anoho mulivoola, mukore viosi mu lieta liu Mwami Yeso, musandizi Nyasaye Baba kuvitira mu uyu.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

Yakobo 1:26

Niiva umundu yiganagana aveeye wi lisuuvira, naye natalinda makuva geege, yigadaa mwene, lisuuvira liu mundu uyu ni liavuzwa.

Yakobo 4:11

Avaamitu vange, mutamonyana aveene na vene mba. Niiva ulamonya Mukristayo wache anoho umukalagiri omonyaa Lilaga kandi ulikalagira. Niiva ulakalagira Lilaga, sioveeye mulala ku yavo avaliloondaa mba, navuzwa oveeye mulala ku avalikalagira.

Yakobo 4:17

Kunangwa yavo vatakola vulahi vwa vaduukana vakole, vaveeye na mahiolo gu vwoni.

2 Petro 2:13

na valatungwa ni lisalirizwa kigira lisaliriza lia vaakolera avandi. Lieyaanziza kuvo liveeye kokora kindu choosi havulavu kinyala kwigutiza liegomba liavo liu muviri. Valeganyia kandi vaveeye zisoni mu livugana lienyu, lwa viiyunga ni munyi mu lilia, na yilwo lwa vasangalira zinzira ziavo ziu vugadi.

1 Yohana 1:8

Ni kovora sikoveeye nu uvwoni, kwigaada kunyi aveene, na giligali sigaveeye mu kunyi mba.

1 Yohana 2:3

Nikuva ni kolonda amalago ga Nyasaye, maku, koveeye na agiligali, ndi kwamumanya.

1 Yohana 3:7

Avana vayanze vange, mutaleki mundu kali mulala amugaade mba. Mundu woosi okolaa agaveeye malungi aveeye umulungi, kuli Kristo mwene aveeye mulungi ligali.

3 Yohana 1:11

Mulina, wange muyanze, utiiga kokora kindu ekeveeye kidamanu mba, navuzwa wigi kokora kindu ekeveeye kilahi. Mundu woosi okolaa vulahi atulaa ku Nyasaye; kandi mundu woosi okolaa agaveeye amadamanu, akikiri kolola Nyasaye.

Likunula 12:9

Ogoyoka gonene yigwo gwagululwa hasi ku lirova harara ni zingelosi vagwo kutura mwigulu. Nagwo gulaangwa enzoka ya kale; kandi gulaangwa Ibilisi kandi Setani; uyu ugadaa vandu avu mu lirova vosi.

Likunula 22:7

Yeso avoora, “Hulira, nziza vwangu! Aveeye nuvugasu uyu ugumira amakuva go ovoporofeti vwi kitabu yiki!”