Yakobo 1:19 - KITABU KITAKATIFU

¹⁹ Avaamitu vange avayaanze, mwizurizi likuva yili! Umundu sa mulala ave umwangu kuhuliriza, navuzwa ave wagalaha ku limoloma, kandi uwa galaha ku liiva nu vutima.

Yakobo 1:19 Iomraidhean Croise

Nehemia 8:18

Kutura ku lidiku liukutanga lie Lilia lia Madiri, kuduuka ku liukumaliriza, Ezira yasomera avandu kedonye chi Lilaga vuli lidiku. Vaali nilisavo yilio ku madiku saba, na ku lidiku lia munane, haali ho ni livugana muruka gu kumaliza livugana kolondekana na malago gi Lilaga.

Nehemia 9:17

Vasuura kuhulira; vivilira vilolekizu ni viokogenyia viawakola hagati haavo. muligingila liavo vaatovora mwimiliri vaduuki kwirana mu vutugwa vwavo mu Egebeti. Navuzwa oveeye Nyasaye usamihaa; Ivi oveeye wizimbavasi kandi wuvuyanzi; wagalaha ku vutima, zimbavasi zizio ni zinene; Na ivi siwavaleka mba.

Nehemia 9:3

Vasingira ku zisa zivaga nivahulirizaa amakuva kutura mu kitabu chi Lilaga lia Yahova Nyasaye wavo, ma kandi ku ing'inga yi zisa zivaga izialonda ku, viganira uvwoni vwavo, kandi nivasigamira Yahova Nyasaye wavo.

Ayubu 32:16

Gandukira nzizagiliri kulindilira lwa mukiling'ani machiriri? Kigira musingiyi vuzwa vugira kutivula kindu.

Tsing'ano 10:19

Limoloma linyingi liletaa mahiolo, navuzwa niiva oveeye mugeri ulachiring'ana.

Tsing'ano 13:3

Mundu ulindaa makuva geege, alindaa livamwoyo lilie, navuzwa oyo oveeye na makuva gavwangu alidiviza.

Tsing'ano 14:17

Mundu wuvutima vwa vwangu akolaa vindu viuvusiru, navuzwa mundu wovogeri yikuziraa.

Tsing'ano 14:29

Mundu oveeye ni lihomata liu vutima aveeye ni limanya linene, navuzwa oyo oveeye nu vutima alangaminya vusiru vwivwe.

Tsing'ano 15:18

Vutima vululu voletaa mahangali, navuzwa vwikuziri voletaa mirembe.

Tsing'ano 15:2

Lwa vandu vageri vamoloma, valomba limanya kuyanzika, navuzwa vandu vasiru vamoloma vusiru.

Tsing'ano 16:32

Ni vulahi kuva mwikuziri kuvita kuva wi zinguru. Nivulahi kwilinda kuvita kuguuta madaala manene.

Tsing'ano 17:14

Litanga lie lihing'ana liveeye kuli ligalira lia mazi; ugigariri nigakiri kuzia ihale.

Tsing'ano 17:27

Mundu utamoloma makuva manyingi aveeye nilimanya. Mundu wagalaha aveeye nilimanya liu mugati ligali.

Tsing'ano 18:13

Uhulirizi kutanga, nukikiri kuhaana mativuli, na nutakoli ndio oveeye musiru kandi muzalirizi

Tsing'ano 18:21

Amakuva agovoola galahonya livamwoyo anaho galalidiviza, kunangwa gakuduukiraa uvugiliri makuyu ga makuva googo.

Tsing'ano 19:11

Mundu naveeye novogeri, alagumira vutima vwivwe. Mundu na kogosera, ni vulahi kumusamiiha.

Tsing'ano 19:19

Niiva mundu aveeye nu vutima vululu muleke anyoore agadukanaa naye. Niiva ulamutuliza mu vudinyu ing'inga indala, gadukanaa umukonye kandi.

Tsing'ano 21:23

Nuwenya kutura muvudinyu wilindi kugovoolaa.

Tsing'ano 25:28

Mundu utanyala kugumira vutima vwivwe, aveeye vuzwa kuli lidaala litaveeye na madigi, linyala kwingilirwa ing'inga yoosi.

Tsing'ano 29:20

Lisuuvirizwa liveeye ho ku mundu musiru kuvita mundu omoloma vugira kuganagana.

Livalidza 22:27

Ing'inga yiyi, lwibunda yalora engelosi, yagona hasi. Baalamu yavihilirwa natanga kukuya ibunda nimbimbu yeeye.

Matayo 5:22

Navuzwa inzi muvooleraa: Mundu woosi uva nu vutima na amwavo weve alakalagirwa. Uyu onyegaa amwavo weve alahilwa mu kiyaalo. Mundu woosi ovolera amwavo weve: ‘Ivi oveeye musiru,’ aveeye mu vudinyu vwu kuzia mu muliru gwe gehena.

Marko 12:37

Daudi mwene yamulanga ‘Umwami’; ku, Kristo anyala ndi kuva Mwana wa Daudi?” Kiduma cha vandu cha muhulirizaa nu vuyanzi.

Marko 2:2

Avandu vanyingi vaza ni vavunga, ni vadaka uvwiyangu kigira vaduuka nu mukiliango. Yeso yaali navilwaziraa ilikuva,

Luka 15:1

Lidiku lilala lwa avasololi vuvusuuru avanyingi na avoni vazia kuhuliriza Yeso,

Luka 19:48

Navuzwa sivanyoola inzira yoosi yokokola ndio mba, kigira avandu vosi vadinya kuye nivahulirizaa amakuva geege.

Vikolwa 1:15

Inyima wa madiku makekeeke, liali ho livugana lia vandu avasuuviraa, vaduuka ahimbi mia moja na sirini. Petero yasingira hagati haavo,

Vikolwa 10:33

Kigira yaga, ndatuma avandu ku ivi vwangu, na okoli vulahi kuuza. Kalunu, kunyi koveeye imbiri wa Nyasaye, ukuhulira amakuva goosi aga ivi ulagiywi nu Mwami okovolere kunyi.”

Vikolwa 13:48

Avandu vi Zihiiri lwa vahulira amakuva yaga vayaanza, nivizominya likuva lia Nyasaye; yavo avaari nivatovolwa konyoora livamwoyo litahera mba, vasuuvira.

Vikolwa 17:11

Avandu vu weneyo vaali avahuliri kuvita avandu va Tesalonike. Vavugilira likuva ni likayirwa linene, nivenya mu Mang'oda Matakatifu kazozo valore niiva amakuva ga Paolo na Sila vavoola gaali gagiligali.

Vikolwa 2:42

Yava vosi vamenya harara nivigaa ku avatumwa, komenya harara mu vuhambani mu vusangi, komeganyia mugadi kandi mu lisaala.

Vafeso 4:26

Nimuveeye nuvutima, mutakoli uvwoni mba. Mutaleki liuva liyeere nimuveeye nuvutima mba.

Vafeso 4:31

Muleke uvululu vwosi, nuvutima, nilivihilirwa; niliyoga, namanyego, vitulizwi mu munyi harara nembodoka yoosi.

Vakolosai 3:15

Muleke mirembe ja Kristo ahaanaa jamiihi mu mioyo jinyu, kigira mirembe yiji, Nyasaye yamulanga muuzi mwosi harara mumuviri mulala, muve kandi nilisandiza.

Vakolosai 3:8

Navuzwa kalunu gamuduukira mutuliziho vindu yivi viosi; uvutima, likayirwa lidamanu, livihirirwa, amanyego na makuva madamanu gatatula mu minwa jinyu mba.

1 Vatesalonike 2:13

Keveeye ho ni kivuni kindi kigira kunyi nikusandiza Nyasaye kazozo. Lwa kwamuletera likuva lia Nyasaye lia mwahulira kutura ku kunyi, munyi si mwalivugula kuli liveeye likuva lia avandu mba, navuzwa kuli likuva lia Nyasaye, ilikolaa miyinzi mu munyi vandu avasuuviri.

Yakobo 1:16

Avaamitu vange avayaanze, mutagadwa mba!

Yakobo 1:2

Avaamitu vange, mwiganagane aveene kuva nu vusangali, lwa amagerizu zing'ano ziosi gaaza ku munyi.

Yakobo 1:26

Niiva umundu yiganagana aveeye wi lisuuvira, naye natalinda makuva geege, yigadaa mwene, lisuuvira liu mundu uyu ni liavuzwa.

Yakobo 2:1

Avaamitu vange, kuli avasuuviri mu Mwami wiitu Yeso Kristo, oveeye Mwami wu vukumi, mutayanzilira avandu kolondekana ku ligondo liavo mba.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

Yakobo 3:10

Amakuva gu kuhaana lisandiza kandi gu kulaama gaturaa mu munwa mulala mwere. Avaamitu vange, sivoveeye vulahi ivindu yivi viekoleke ndio mba!

Yakobo 4:11

Avaamitu vange, mutamonyana aveene na vene mba. Niiva ulamonya Mukristayo wache anoho umukalagiri omonyaa Lilaga kandi ulikalagira. Niiva ulakalagira Lilaga, sioveeye mulala ku yavo avaliloondaa mba, navuzwa oveeye mulala ku avalikalagira.

Yakobo 5:12

Navuzwa kuvita viosi, avaamitu vange, mutatumikira liesuuha ku ligulu anoho ku lirova, anoho liesuuha ku kindu choosi lwa mulomba lilagana. Muvoore vuzwa, “Yee” niiva ikivuni chiinyu keveeye, yee, kandi “Awa” winyu ave vuzwa awa, Nyasaye avuli kumukalagira.

Yakobo 5:19

Avaamitu vange, mulala ku munyi naagota no koleka agiligali, kandi wundi amwilanye,

1 Yohana 2:21

Si mung'oderaa kigira simwamanya agiligali, navuzwa kigira mwagamanya, kandi kigira mumanya ndi, sihaveeyeho no vovehi kali vulala vutura ku giligali.