Yakobo 1:18 - KITABU KITAKATIFU

¹⁸ Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.

Yakobo 1:18 Iomraidhean Croise

Jeremia 2:3

Munyi avandu va Isiraeli mwaali avatovole vange; mwaali kuli amakuyu gange gokogesa. Ku mundu woosi umusaaliriza, ndaleta kivi kandi uvudamanu kuye, Inzi Yahova mali kovora.”

Kyavalevi 23:10

avooreraa avandu va Isiraeli ndi, “Lwa mwingira mu kivala cha muheezaa muve ni ligesa liacho, muleete ku musaalisi ligesa lia makuyu gukutanga guvuswage vwa ogesaa.

Amosi 6:1

Oh, vayaayi, kivi keveeye ku yavo averemerizaa mu jerusalemi kandi ku munyi avalolaa muveeye ni mirembe ku kiguru cha Samaria, munyi avasaza vanene ava ihiiri enene yiyi, Isiraeli, munyi ava avandu vazizaa kuvo ukwenya ovokonyi!

Yohana 1:13

Yava sivaveeye avana va Nyasaye ku liivulwa lia masahi, anoho kuzingulu ziu muviri, anoho kuvulaliri vwa avandu, navuzwa ku vulaliri vwa Nyasaye.

Varumi 4:17

Kuli Mang'oda Matakatifu gavoora, “Mali kokora ivi baba wi zihiiri zinyingi.” Lisuuvirizwa yili liveeye lilahi imbiri wa Nyasaye, wa Aburahamu yasuuvira muye, Nyasaye uhaanaa livamwoyo ku vakuzu, kandi ku malago geege aleetaa vitaveeye ho, kuva ho.

1 Vakorintho 4:15

Kali niiva muveeye na vigizi zielefu likomi mu Kristo, simuveeye na vababa vanyingi mba, kigira ndaagwa baba winyu mu Kristo Yeso ku limwilwaazira Ivangeri.

2 Vakorintho 6:7

Kwilwaza likuva lietu lia giligali mu zinguru zia Nyasaye. Koveeye nu vulungi kuli viugi viu kulwaanira kandi kwikingira.

Vafeso 1:12

Kunangwa gendi kunyi ava kwaali vukutanga kuva ni lisuuvirizwa mu Kristo, kwizominyi uvukumi vwa Nyasaye!

Vafeso 1:13

Munyi kandi mwagwa avandu va Nyasaye lwa mwahulira likuva lia giligali lie Ivangeri iyamuleetera vohonyi. Mwasuuvira mu Kristo, kandi Nyasaye yavika muhuri gwigwe kumanyia ndi munyi muveeye vandu aveeve, ku limuha Roho Mutakatifu wa yasuuviriza.

Vahebraina 12:23

Mumali kuuza mu livugana linene liuvusangali lia vandu va Nyasaye avatanga kwivulwa, avamita gaavo gang'odwa mwigulu. Mumali kuuza ku Nyasaye oveeye mukalagi wa vandu vosi, nu ku mioyo ja vandu vakolwa valungi.

Yakobo 1:15

Maku likayirwa lilie lidamanu zana yilio liverekaa ma liivula uvwoni, nuvwoni lwa vumala kuviruka, vwivulanga likuza.

Yakobo 1:21

Kigira yaga, mutuliziho vudamanu vwosi kandi imiima josi imidamanu. Mwegehizi ku Nyasaye kandi muvugiliri likuva lia viikwa mumioyo jinyu, ilinyala kumuhonyia.

Yakobo 3:14

Navuzwa ni muva ni muveeye nembodoka, uvululu, uvwimani ni likayirwa mu mioyo jinyu, mutakola uvwoni ku agiligali ku liekonya kigira ovogeri kandi mutaveha ovovehi ku agiligali mba.

1 Petro 1:23

Kuvitira mu likuva lia Nyasaye iliveeye mwoyo kandi ilihindiraa mihiga ni mihiga, munyi mumali kwivulwa kaviri kuli avana vu mwivuli utakuzaa.

1 Petro 1:3

Yizominywi Nyasaye Baba wu Mwami wiitu Yeso Kristo! Kigira mu zimbavasi zizie zinene, yakuha livamwoyo lihia lwa yasimugukiza Yeso Kristo kutura mu likuza. Yaga goosi gakoheezaa lisuuvirizwa liveeye mwoyo,

1 Yohana 3:9

Mundu woosi oveeye Mwana wa Nyasaye, sianyala kuzizagilira kokora uvwoni mba, kigira liiva lia Nyasaye limenya muye; kandi sianyala kokora uvwoni mba, kigira aveeye mwana wa Nyasaye.

Likunula 14:4

Yava nivo avasaza avilindaa na vavula kokora ovoheyi na vakali; aveene vayilinda kandi vaveeye avagima. Yava nivo avalondanga Mwana wi Ligondi hoosi na hoosi aha azizaa. Yava vahonywa kutura mu avandu vandi vaveeye va Nyasaye amakuyu gukutanga kuhaanwa ku Nyasaye kandi ku Mwana wi Ligondi.