Yakobo 1:17 - KITABU KITAKATIFU

¹⁷ Vuli kihanwa kilahi kandi vuli kihanwa kidukiru kitulaa mwigulu; chikaa hasi kutura ku Nyasaye, umulombi wu vulavu vwu mwigulu, utagirung'anywa anoho koleta ikisundi ligirung'ana.

Yakobo 1:17 Iomraidhean Croise

Litanga 41:16

Josefu yativulira Mwami, “Mwami wu luyali, inzi si nyara mba, navuzwa Nyasaye alahaana livaala lilahi ku ivi.”

1 Kyetsinyinga 22:12

Yahova Nyasaye woovo akohe limanya linyingi, kandi ovogeri kunangwa uduuki kwamiiha Isiraeli kolondekana ni Lilaga lilie.

1 Kyetsinyinga 29:19

Haana ku Solomoni muyaayi wange lienya nu mwoyo gwosi ukuhulira vindu viosi via ulaga, ma kandi aduuki kwumbaka Litembeli yili lia ndaviikira livikiru yili liosi.”

Zaburi 102:27

Navuzwa ivi oveeye mulala mwere kazozo, ni livamwoyo liilio siliheraa mba.

Zaburi 122:6

Musaale Nyasaye aduuki kuhaana mirembe ku Jerusalemi, “Leka yavo vosi avayaanzaa ivi vagasizwe.

Zaburi 136:7

Oyo walomba uvulavu ovonene; kigira uvuyanzi vwivwe vuhindiraa mihiga ni mihiga.

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Zaburi 85:12

Yahova alahaana uvugasu ku kunyi, kandi kivala chiitu kilava niligesa linyingi.

Tsing'ano 2:6

Yahova niye uhaanaa vogeri, kutura kuye ahaanaa limanya kandi limanyiriza.

Isaya 28:26

Amanyi vulahi kuli anyala kokora miyinzi jije, kigira Nyasaye yamala kumwigiza.

Isaya 45:7

Ndaalomba uvulavu kandi kisundi, ndeta uvugasu kandi ikivi. Inzi, Yahova, ngolaa vindu yivi viosi.

Isaya 46:10

Kutura mulitanga, ndalolekizaa agaza gekoleke; kale ligali ndaavura agaali ganyala kwekoleka. Ndavoora ndi, lilohiza liange sililagwa mba, kandi ndakora vuli kindu choosi cha ndasaavira kokora.

Isaya 60:19

“Liuva si lilava uvulavu vwinyu vwu mbasu mba, anoho umweli sigulava uvulavu vwinyu vwu vudiku mba; Inzi Yahova, ndava uvulavu vwinyu mihiga ni mihiga; uvulavu vwu vukumi vwange vulang'ereng'ana ku munyi.

Malaki 3:6

“Inzi mbeeye Yahova kandi singirung'anaa mba, kunangwa munyi, visukululwi via Yakobo, simulagota vosi ligali mba.

Livalidza 11:17

Inzi ndaza kumoloma nivi hene yaho, kandi ndavugura ku Roho oveeye ku ivi nu kuvaha. Maku valakokonya kulinda vandu yava, kunangwa uvuli kuginga vuliduhu yivu weng'ine.

Livalidza 11:25

Maku Yahova yaza ku Musa mu lifana lia Malesi, kandi yamoloma naye. Yavugula zinguru zia Roho zindala ku zia yaali nahaani ku Musa, nahaana ku vimiliri 70. Lwa vanyoola zinguru yizi, vatanga liporofeta, navuzwa si vamanya nivazizagilira mba.

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Matayo 7:11

Niiva munyi, kali ni muveeye avadamanu, mumanyi kuhaana ku avana vinyu ivindu vilahi, Baba winyu oveeye mwigulu sialakira kuhaana ivindu vilahi ligali ku yavo vosi avateevaa kutura kuye!

Luka 11:13

Munyi kali niiva muveeye avadamanu, mwamanya kuha avana vinyu vihaanwa vilahi, nasindi Baba winyu oveeye mwigulu, alamuha kuvita ligali. Alahaana Roho Mutakatifu kuvo avamusaala.”

Yohana 1:9

Yivwo nivwo uvulavu vwi ligali; uvulavu vuzaa mu kivala kwaaka ku vuli mundu.

Yohana 3:27

Yohana yavavolera, “Mundu sianyala kuva ni kindu nataheeveywi na Nyasaye mba.

Yohana 3:3

Yeso yamutivulira, “Ngovolera agiligali, mundu navula kwivulwa vuhia, sianyala kolola Uvwami vwa Nyasaye mba.”

Yohana 8:12

Yeso yavavolera kandi, “Inzi niyie uvulavu vwa avumukivala. Uyu onondaa sialagenda mu kisundi mba, navuzwa alava nu vulavu vuhaana livamwoyo.”

Vikolwa 11:18

Lwa vahulira yaga, valeka amahangari gaavo, ni vizominya Nyasaye, vavoola, “Nyasaye umali kuhaana ku vandu vi Zihiiri zindi vwiyangu vwu kwiganira no konyoora livamwoyo!”

Vikolwa 5:31

Nyasaye yamunenehiza kuduuka ha mukono gwigwe mulungi kuli Mwimiliri kandi Muhonyi, aduuki kuhaana ku avandu va Isiraeli vwiyangu vwu kwiganira, ma vanyoore lisamiifwa liu vwoni vwavo.

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

1 Vakorintho 4:7

Nivwaha wakokora kuva munene kuvita vandi? Siaveeye Nyasaye wakuha ivindu yivi viosi? Na niiva ivi waahevwa, kigira ki wigingira kuli kitaveeye kihanwa cha Nyasaye yakuha?

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

Vafeso 1:18

Saalaa ndi Nyasaye amukole muduuki kumanyiriza vulavu vwivwe, kunangwa muduuki kumanya lisuuvirizwa lia yamulangira kandi uvutugi vwuvukumi vwi miandu jije ku avandu veve

Vafeso 2:8

Gaveeye ku zimbavasi zia Nyasaye, munyi mumali kohonywa kuvitira mu lisuuvira, kandi yaga sigaveeye kigira mativuli gi zinguru zienyu mba, navuzwa keveeye kihanwa cha Nyasaye.

Kwidzulitsa 4:19

Mutagelizwa kusigamira kandi kutumikira via muloraa muvwerefu kuli liuva, mweli, kandi zing'ereng'ani mba. Yahova Nyasaye winyu yamala kuhaana yivi ku avandu vandi vosi vavisigamiri.

Vafilipi 1:29

Munyi muheveywi uvwiyangu vwukutumikira Kristo, sigaveeye ku lisuuvira muye lienyine, navuzwa kandi kigira ilisalira kigira Kristo.

Vahebraina 13:8

Yeso Kristo aveeye mulala mwere, mugolova, kalunu kandi kuduuka mihiga ni mihiga.

Yakobo 1:5

Navuzwa niiva mulala ku munyi adaka ovogeri gamudukira asaale ku Nyasaye, uhaanaa nu mwoyo gwosi kandi ni zimbavasi ziosi ku avandu vosi.

Yakobo 3:15

Ovogeri kuli yivu si vuturaa mwigulu mba. Voveeye vwu mu lirova, uvutaveeye vwa Roho, kandi vwamademoni.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

1 Yohana 1:5

Yili nilio likuva lia kwahulira kutura ku Yeso Kristo, na nigo gakumwilwaziraa, Nyasaye aveeye uvulavu, kandi muye sihaveeye ni kisundi mba.

1 Yohana 4:10

Yivu nivwo uvuyanzi: Sikwaali ni kunyi avakwayaanza Nyasaye, navuzwa niyie wakuyaanza, natuma mwana weve kuva ikisiuviliru chu kutakasa uvwoni vwitu.

Likunula 21:23

Lidaala linene zana siliveeye ni liuva anoho umweli ukwaka kulio mba, kigira uvukumi vwa Nyasaye vwalilaviza. Itaya yalio nu Mwana wi Ligondi.

Likunula 22:5

Uvudiku sivulakave ho mba, kandi sivalakenye uvulavu vwi itaya, anoho vwi liuva mba kigira Mwami Nyasaye alakave uvulavu vwavo, navo valakamihi mihiga ni mihiga.

1 Samweli 15:29

Nyasaye Wuvunyali, wa Isiraeli siaveehaa kandi siagirunganyia zing'anagani zizie mba. Siaveeye mundu kandi sianyala kugirung'anyia zing'anagani zizie mba.”