Yakobo 1:14 - KITABU KITAKATIFU

¹⁴ Navuzwa umundu sa mulala agerizwa lwahilwaa no kotegwa ni likayirwa lidamanu lilie umwene.

Yakobo 1:14 Iomraidhean Croise

Litanga 3:6

Kunangwa lwu mukali yalora ndi makuyu gu musaala yigu gaali amalahi gu kulia, kandi gaali gwu kumuyanziza, kandi musaala gwaali gwokokola mundu kuva mugeri, yavugula ku makuyu gu musaala yigu ma nalia. Kandi yavugula makuyu gandi naha musaza weve, kandi naye nalia.

Litanga 6:5

Lwa Yahova yalora kuli vuli umundu yaali muchamu ku lirova kandi kuli zing'anagani ziavo ziali zindamanu vuli ing'inga,

Litanga 8:21

Umwayu gwi kisiuviriru gwayaanziza Yahova, na yavoola, “Inzi si ndalaama lirova kigira likora liu umundu mba. Inzi manya ndi umundu aveeye ni zing'anagani zindamanu kutura ing'inga ya yaali mwana. Inzi si ndadiviza vindu viosi viveeye ni livamwoyo kuli mali kokora mba.

2 Samweli 11:4

Maku Daudi yatuma avatumwa kuzia kumuleeta; vamuleeta kuye, kandi yagona harara naye. Mukali zana yaali niyakamara kwisinga kigira yaali naatuli mu madiku geege gu mweli. Ahene yaho yamanya niyirana yengo.

Ayubu 31:27

Inzi sindagirung'ana ku nu kuvisigamira mba, anaho mu livisa mukono gwange mu lihaana luyali kuvo mba.

Ayubu 31:9

“Niiva ndamala kukayirwa kuva nu mukali wu mutende wange, kandi niiva ndivisa nukulindilira ichova wi kiliango chiche,

Tsing'ano 4:23

Henza kuli uganaganaa. Livamwoyo liilio lilombwaa ni zing'anagani zizio.

Isaya 44:20

Akombaa ligoke litaveeye kindu kuye. Zing'anagani zizie ziuvusiru zimugotizi ligali kali sianyala konyoora vokonyi kali hakuzu mba. Sianyala kuvugilira umwene ndi kifananyi cha agumiyi mu mukono gwigwe sikeveeye nyasaye mba.

Hosea 13:9

“Inzi ndadiviza munyi avandu va Isiraeli! Nivwaha unyala kumukonya?

Matayo 15:18

Navuzwa ivitulaa mu munwa vituraa mu mwoyo, na iviene yivi nivio ivikolaa umundu kuva mudamanu.

Matayo 15:20

Yivi nivio ivikolaa mundu kuva mudamanu. Navuzwa kulia chukulia na mamisu ku makono, sikokolaa mundu kuva mudamanu mba.”

Matayo 4:1

Kunangwa Roho yimilira Yeso kuzia mwigendanyama aduuki kogerizwa na Setani.

Matayo 5:28

Navuzwa inzi muvooleraa, mundu woosi ohenza mukali ma amukayirwi, amali koheya naye mu mwoyo gwigwe.

Varumi 7:11

Uvwoni vwanyoola vwiyangu vwavwo kuvitira mu Lilaga zana, vwangada, ma ni vunzita.

Varumi 7:13

Navuzwa yaga gamanyiaa ndi agaveeye malahi gaandetela likuza? Sigaveeye ndio mba! Vwali vwoni vwakola agene yaga; uvwoni vwavitira mu vulungi nivondeetera likuza kunangwa agiligali gu vwoni gaduuki kumanyikana kigira Lilaga. Nandio mu liiva lie Lilaga uvwoni vuduuki kumanywa ndi voveeye vudamanu ligali.

Vafeso 4:22

Kunangwa, mutulizi mundu winyu wa kale uwamukola mumenye kuli mwamenyaa; mundu wa kale wdivizwaa ni likayirwa lilie liuvugadi.

Vahebraina 3:13

Navuzwa mulala ku munyi avuli kugadwa nu vwoni kandi agwi mwigingiri. Kuduuka mukonyane aveene naveene vuli lidiku, ku lohono lwi likuva “Kalunu” mu Mang'oda Matakatifu limolomaa ku kunyi.

Yakobo 1:13

Mundu naava naagerizwa na magerizu lugano yilu atavoola, “Nyasaye angerizaa.” Nyasaye mwene sianyala kogerizwa nuvudamanu kandi sianyala kogeriza umundu woosi mba.

Yakobo 1:15

Maku likayirwa lilie lidamanu zana yilio liverekaa ma liivula uvwoni, nuvwoni lwa vumala kuviruka, vwivulanga likuza.