Yakobo 1:12 - KITABU KITAKATIFU

¹² Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

Yakobo 1:12 Iomraidhean Croise

Litanga 22:1

Inyima wa yaga Nyasaye yageliza Aburahamu; yamulanga, “Aburahamu!” Kandi Aburahamu yativura, “Yee, inzi mbeeye hano!”

Nehemia 1:5

Maku ndaavoora: “O, Yahova, Nyasaye wu mwigulu, Nyasaye munene kandi kwosi kokoheza uluyali lonene ligali. Ivi udukiza lilagana liilio nu vusuuvirifu, ku yavo avakuyanza kandi avahulira malago googo,

Ayubu 2:10

Ayubu yativulira mukali weve ndi, “Ivi omoloma kuli mulala ku vakali avasiru. Lwa Nyasaye ahaanaa vugasu ku kunyi, kuhaana lisandiza ni lizominya kuye, na chakaveeye ki kutange kwililira lwa aleetaa vudinyu ku kunyi?” Mu vudinyu nu vusaliri vwosi vwa Ayubu, siyavoola kindu kidamanu imbiri wa Nyasaye mba.

Ayubu 5:17

Aveeye nuvugasu mundu oyo wa Nyasaye aheezaa mageri! Nandio utalegeriza lihaana mageri liu Wuvunyali mba.

Zaburi 11:5

Yahova agerizaa avandu vosi avaveeye avalungi na avadamanu keleng'ani. Navuzwa adunyiraa yavo avaveeye avadamanu nu mwoyo gwigwe gwosi.

Zaburi 119:67

Lwa ndaali ningikiri konyoora amageri kutura ku ivi, ndakora uvudamanu, navuzwa kalunu mbulira likuva liilio.

Zaburi 119:71

Lihevwa mageri liange liali lilahi ku inzi, kigira liangola kwiga amalago googo,

Zaburi 119:75

O, Yahova, inzi manya vulahi ndi likalaga liilio liveeye lirungi, kandi wamba amageri kigira oveeye musuuvirifu.

Zaburi 5:11

Navuzwa oleke vosi avasuuviraa mu ivi vasangale, leka vimbi nu vusangali kazozo. Uvakingi yavo avayaanzaa ivi vaveeye nu vusangali ligali kigira ivi.

Zaburi 94:12

O, Yahova, aveeye nuvugasu mundu uyu uwa ohezaa mageri. Kandi uyu wa ivi wigiza lilaga liilio.

Kutwula 20:6

Navuzwa ndolekizaa uvuyanzi vwange ku zielefu zia makura aga yavo avanyanzaa nokolonda amalago gange.

Tsing'ano 17:3

Izahabu ni ifeza zigelizwa kuvitira mumuliru, kandi Yahova agerizaa mwoyo gwu mundu.

Isaya 64:4

Sihaveeye ho nu mundu kali mulala uwalora anoho uwahulira Nyasaye kuli ivi mba, okolaa vikolwa kuli yivi ku yavo avasuuviraa muye.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Matayo 10:22

Na avandu vosi valamudunyira kigira lieta linage. Navuzwa mundu uliekuzira kuduuka ku keheri, alakahonywi.

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Luka 6:22

“Muveeye nu vugasu munyi lwa vandu vamuduu nyira niiva musuraa nukumunyega, nukumwononyira lieta Mwana wa Adamu.

Varumi 5:4

uvwikuziri voletaa livugilirwa na Nyasaye, na livugilirwa lilie liletaa lisuuvirizwa.

Varumi 8:28

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

1 Vakorintho 2:9

Navuzwa kuli Mang'oda Matakatifu gavoora, “Kindu chu mundu yavula kolola anoho kuhulira, kindu chu mundu yavula kuganagana kilekoleka, nicho kindu zana cha Nyasaye, yeetegekizira yavo ava muyanzaa.”

1 Vakorintho 8:3

Navuzwa umundu uyanzaa Nyasaye, oyo yamanyikana ligali naye.

1 Vakorintho 9:25

Vuli munyaguli naveeye mu miigizu gi zimbiru yinalizaa kugaduukanaa akole mu vindu viosi, kunangwa aduuki konyoora itaji yonekaa. Navuzwa kunyi kokoraa ndio kuduuki konyoora itaji ihindiraa mihiga ni mihiga.

Kwidzulitsa 13:3

mutahuliriza amakuva gu muporofeti oyo, anoho mulooti oyo mba. Yahova Nyasaye winyu atumikiraa mundu oyo kugeriza munyi, kumanya niiva muyanzaa Yahova nu mwoyo gwinyu gwosi kandi na roho jinyu josi.

Kwidzulitsa 7:9

Kunangwa mwizurizi ndi Yahova Nyasaye winyu aveeye Nyasaye; Nyasaye oveeye, musuuvirifu; udukiza lilagana lilie nukuhaana zimbavasi zitaveeye nekeheri ku vandu vamuyanzaa kandi avahulira. Amakuva geege gakuduukaa ku makura zielefu.

Kwidzulitsa 8:2

Mwizurizi kuli Yahova Nyasaye winyu yamwimilira kologendo lutambi kuvitira mu changalangwe ku mihiga arubaini jimali kuvita, namuleetera uvudinyu vwosi no kumugeriza, kunangwa aduuki kumanya agaveeye mu mioyo jinyu, kandi niiva mulahulira malago geege.

Vahebraina 10:32

Mwizurizi kuli lwa gaali nimunyi zing'inga ziavita. Mu madiku yago inyima wu vulavu vwa Nyasaye vwali nivwakaa ku munyi, mwasalira vindu vinyingi, navuzwa simwaguutwa mba.

Vahebraina 11:17

Kigira lisuuvira, Nyasaye yageriza Aburahamu ahaane Isaka mwana weve muderwa, ave kuli kisiuviriru. Aburahamu niye wa Nyasaye yalombera lisuuvirizwa yilio. Kali ndio, yavugilira kuhaana mwana weve muderwa kuli kisiuviriru.

Vahebraina 12:5

Mumali kwivilira amakuva gukumuruviriza ga Nyasaye amolomaa ku munyi kuli avana veve? “Mwana wange, utalegeriza mwami lwa ahaanaa mageri mba. kandi utakuzaa mwoyo lwa akogondokeraa mba.

Vahebraina 6:15

Aburahamu yaali mwikuziri, kandi ndio yanyoora icha Nyasaye yamusuuviriza.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

Yakobo 5:11

Henza, kuvavalizaa kuva avuvugasu kigira viikuzira. Mwamala kuhulira amakuva gu vwikuziri vwa Ayubu, kandi mumanyi kuli Mwami yamukolera mu limalirika. Kigira Mwami yizuuyi zimbavasi kandi livererera.

1 Petro 3:14

Navuzwa niiva musalirizwa kigira uvulungi, muveeye nu vugasu! Kandi mutatia umundu woosi, na mutadegera ku kindu choosi mba.

1 Petro 4:13

Nitali musangare kulwo kuva avasangi mu vusaliri vwa Kristo kunangwa muduuki kwizura uvusangari kuvita kegero, lwu uvukumi vwivwe vu liloreka.

1 Petro 4:14

Musangare lwa munyegwa kigira muveeye avalondi va Kristo; yili limanyia Roho wu vukumi kandi Roho wa Nyasaye asoseraa mu munyi.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.

1 Petro 5:4

Mwayi mwene aliloleka, mulakanyoole itaji yu vukumi ilivula kogotiza vwaku vwayo.

1 Yohana 4:19

Kunyi kuyaanza kigira Nyasaye yakuyaanza mu litanga.

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

Likunula 3:19

Mundu wa inzi nyanza, mugondokeraa nu kumuha amageri. Ove nu vugulu nu kwiganira utuli muvwoni vuvwo.

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.