Yakobo 1:10 - KITABU KITAKATIFU

¹⁰ Navuzwa Mukristayo oveeye mutugi kuduuka asangale lwa Nyasaye amugehizaa kigira mutugi alakatulizwi ho kuli ikimuli chi kitagwa chumbulimu.

Yakobo 1:10 Iomraidhean Croise

Ayubu 14:2

Alavizaa kuli kimuli kandi aniala vwangu, atulaaho kuli chiriri, kandi siazizagilira kuvaho mba.

Zaburi 102:11

Livamwoyo liange liveeye kuli chiriri cha hamugorova; nialaa vuzwa kuli vunyasi.

Zaburi 103:15

Kolondekana nu mundu wilikuza, lihindira lie livamwoyo lilie liveeye vuzwa kuli uvunyasi, avirukaa nukulaviza vulahi kuli kimuli chu mimulimi.

Zaburi 37:2

Valuuma vwangu nukutura ho kuli vunyasi kandi valaniala kuli vulimu vuvisi.

Zaburi 39:6

kandi aveeye vuzwa kuli chiriri. Viosi akolaa siviveeye kindu mba, avungiza uvutugi vwivwe, na siamanyi mundu ulivugula mba.

Isaya 40:6

Mwoyo gwu mundu guhanzukaa nigovoora, “Ulandizi Likuva!” Ndateeva, “Likuva ki lianandiza?” “Ulandizi ndi avandu vosi mukivala vaveeye kuli uvunyasi; kandi vaveeye kuli vimuli viamaua gu muvulimu.

Isaya 40:7

Vunyasi vuniara kandi vimuli vivunguluka, lwa Yahova atumaa imbuza kuhuuza kuvio. Avandu sivanyala kwikuzira ligali kuli uvunyasi mba.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Matayo 5:3

“Vaveeye nuvugasu avaveeye nuvudaka mu mioyo; Kigira uvwami vwu mwigulu nu vwavo.

Matayo 6:30

Kunangwa, niiva Nyasaye aviikaa ndio uvulimu vwu mu milimi, ovoveeho kalunu na mugamba vuviikwa mu muliru si alamuviika ligali, O, munyi avandu vi lisuuvira likekeeke!

1 Vakorintho 7:31

Yavo avadidikanaa kutumikira vindu vie lirova yili, vave kuli avatatumikiraa vindu vie lirova ligali. Liiva lie lirova yili, kuli kumanyi, livitaa.

Vafilipi 3:8

Yee, inzi ligali mbalizaa ivindu viosi kuva asara vuzwa kigira keveeye ho ikilahi ligali, nacho ni kumanya Kristo Yeso Mwami wange. Inzi ndasiuva vindu viosi kigira Kristo, mbalizaa ivindu yivi viosi kuva amandu vuzwa kunangwa nduhi nduuki konyoora Kristo.

Yakobo 4:14

Simumanyi livamwoyo lienyu mugamba nalive ki? Muveeye vuzwa kuli umwoki ogololekaa vuzwa ku ing'inga ngekeeke, ma gogota.

1 Petro 1:24

Mang'oda Matakatifu gavoora, “Avandu vosi vaveeye kuli uvunyasi, kandi uvukumi vwavo voveeye kuli kimuli. Vunyasi vwuma, kandi kimuli chavwo kivungulukaa

1 Yohana 2:17

Kivala harara ni vindu viacho viosi via avandu vakayirwa vivitaa, navuzwa uyu okolaa uvulariri vwa Nyasaye ahindiraa imihiga ni mihiga.