Vikolwa 9:38 - KITABU KITAKATIFU

³⁸ Jopa si liali ihale ligali na Liida mba; kulwayago, lwa vandu vasuuvira vahulira ndi Petero aveeye Liida, vatuma avandu vaviri kuye kumugoonya, “Hamba kuzie wiitu vwangu niganyalika.”

Vikolwa 9:38 Iomraidhean Croise

2 Kyetsinyinga 2:16

Mu vigulu via Lebanoni, kulatema misaala ji midaragwa ja wenyaa, na kujivohe harara kuli ivielemelo na kujeeleminye ku inyanza kuduuka Jopa. Kutura uwene yeyo unyala kujihila Jerusalemi.”

Ezara 3:7

Avandu vahaana mabese kutunga avasiza vamagina nizimbaho. Vahaana viukulia, viukunwa namaguta ga muzeituni kuhilwa mu madaala manene ga Tiro na Sidoni kunangwa vahevwe misaala jimidalagwa kutura Lebanoni. Jaziira mu inyanza kuduuka Jopa. Yaga goosi gekoleka kigira mwami Sairasi wa Pasia yavugilira.

Jona 1:3

Navuzwa Jona yiruka kutura ku Yahova nazia Tarishishi. Yasulunguta kuzia Jopa, uwa yanyoora iliato iliali nilizizaa Tarishishi. Yahaana mitungu jije ma naniina harara na vavinziri yu muliato yilio kuzia Tarishishi, niyiruka kutura ku Yahova.

Vikolwa 10:5

Kalunu tuma avandu Jopa, valange mundu mulala ulangwa Simoni, lieta lindi Petero.

Vikolwa 10:8

na avavolera vindu viosi viekoleka, na avatuma Jopa.

Vikolwa 11:13

Korinelio yakovolera kuli yalora engelosi nasingiyi munyumba yeeye, namuvolera, ‘Tuma mundu azie Jopa kulanga mundu mulala ulangwa Simoni, lieta lindi Petero.

Vikolwa 11:26

Lwa yamunyola, yamuleta Andiokia. Vosi vaviri vamenya harara ni likanisa ku muhiga mulala, nivigiza avandu vanyingi. Mu Andiokia yimwo nimwo mwa avalondi va Yeso vatanga kulangwa, “Avakristayo.”

Vikolwa 11:5

“Lidiku lilala lwa ndaali nisaara mu lidaala lia Jopa, ndaalora amalola; ndaalora kindu kuli isuuka enene ni yikizwa hasi kutura mwigulu, ni igumiliywi zikona ziayo zine, niviikwa ahimbi ninzi.

Vikolwa 9:19

lwa yamala kulia chukulia, yaali ni zinguru kandi. Saolo yamenya harara na vandu avasuuviraa vaali mu Damasiko ku amadiku makekeeke.

Vikolwa 9:32

Lwa Petero yavodong'ana havundu hoosi, yaduuka kandi ku vatakatifu avamenyaa Liida.

Vikolwa 9:36

Yaali ho mukali mulala mu lidaala lia Jopa walangwa Tabita. Mu Luguriki ni Torokasi, ligirung'anyia lialio ni kisusu. Mukali uyu yakola miyinzi milahi jokokoonya avadaka kazozo.

Vikolwa 9:42

Amakuva ge kekolwa yiki galanda hoosi mu Jopa, na avandu vanyingi vasuuvira Mwami.

Vikolwa 9:43

Petero yamenya mu Jopa amadiku manyingi, munyumba yu mundu mulala uwalangwa Simoni, musiza wi visero.

Joshua 19:46

Mejarikoni na Rakoni, harara nikivala chavodong'ana lidaala linene lia Jopa.