Vikolwa 9:31 - KITABU KITAKATIFU

³¹ Ing'inga yeyo likanisa liali ni mirembe hoosi mu Vuyuda, Galilaya, na Samaria. Liumbakwa niliviruka mu liitia Mwami, nilimedeka koleminywa mwoyo kuvitira mu Roho Mutakatifu.

Vikolwa 9:31 Iomraidhean Croise

1 Kyetsinyinga 22:18

Yavoola, “Yahova Nyasaye winyu yaveyange ni munyi kandi ukuheeye mirembe ku zimbega zizio. Yagila ninguuta avandu vosi avamenyaa mu kivala yiki, na vosi vaveeye avatumikiri vovo kandi va Yahova.

1 Kyetsinyinga 22:9

Navuzwa yanombera lisuuvirizwa. Yavoola, ‘Ulivuula muyaayi uliamiihi mu mirembe, kigira ndakamuhe mirembe kutura ku avasigu veve vosi. Lieta lilie lilakave Solomoni, kigira mu ing'inga yi liamiiha lilie, alakahe Isiraeli mirembe no vosoosi.

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Nehemia 5:9

Maku ndavoora, “Icha mukoraa keveeye kidamanu! Muduukana mutie Nyasaye na mukore agaveeye malungi. Maku simulahana ku avizihiiri kivuni choosi icha vakokolera kehenyahenye mba.

Ayubu 28:28

“Maku Nyasaye yavolera mundu, ‘Heenzi! Kutia Yahova nivwo vogeri; na ukweleha kuvudamanu nilio limanya.’ ”

Zaburi 111:10

Kutia Yahova ni litangilira liovogeri. Yavo vosi avalondaa malago geege vavezaa ni limanyiriza lilahi. Yahova yizominywe mihiga ni mihiga. Lizominywa lia Yahova lihindiraa mihiga ni mihiga.

Zaburi 86:11

O, Yahova, unzigizi aga wenyaa ngole, na ndakuhulira nu vusuuvirifu vwosi, unzigizi kukutumikira nu mwoyo gwange gwosi.

Zaburi 94:13

Ivi umuhezaa vosoosi kutura mu madiku gu vudinyu, Kuduuka lwovogo vuyavwa kotega avachamu.

Tsing'ano 1:7

Liitia Yahova liveeye litanga lio vogeri, navuzwa avasiru vachaya ovogeri kandi vasuura kwiga amigizu.

Tsing'ano 23:17

Utava ni likayirwa ku vandu avoni mba, navuzwa uzizagiliri kutia Yahova madiku goosi.

Tsing'ano 8:13

Kusuura vudamanu ni kuhaana ku Yahova luyali; ndasuura kwelola nu kwigingira, ni zinzira zindamanu na makuva go vovehi.

Isaya 11:10

Lidiku lizaa lwu mwami muhia kutura munyumba yu vwami vwa Daudi alava kelolero ku zihiiri ziosi. Valavunga harara mu lidaala lilie liu vwami nukumuha luyali.

Isaya 33:6

na alahaana mirembe ku ihiiri. Yahova akingaa avandu veve kazozo, kandi avaheezaa ovogeri ni limanya. Livikiru liavo linene kuvita liveeye liitia Yahova.

Zekaria 8:20

Yahova Wuvunyali avoora, “Ing'inga yiza lwa vandu kutura mu madaala manyingi valakaze mu lidaala lia Jerusalemi.

Vikolwa 12:24

Ing'inga yene yeyo likuva lia Nyasaye lia zizagilira, kulanda nukuviruka.

Vikolwa 16:5

Kunangwa makanisa gameeda kuva zinguru mu lisuuvira, ni livaliza lia vandu vasuuvira liameeda madiku goosi.

Vikolwa 2:47

Vizominya Nyasaye, na vandu vosi vavyaanza. Vuli lidiku Mwami yavameedaa ku muganda yigu vandu vandi vahonywa.

Vikolwa 20:32

“Kunangwa kalunu ndi muviika mu vulindi vwa Nyasaye kandi mu likuva lie zimbavasi zizie, liveeye nu vunyali vwu kumwumbaka nu kumuha vugasu vwa yavikira avandu veve.

Vikolwa 5:11

Likanisa liosi, na vosi avahulira makuva yaga, vaatia ligali.

Vikolwa 6:7

Likuva lia Nyasaye liazizagilira kulaanda. Livaliza lia vandu avasuuviraa vameedeka ligali mu Jerusalemi; kandi avasaalisi vanyingi vavugilira lisuuvira yili.

Vikolwa 8:1

Saolo yalora kekolwa navugilira ku liitwa lia Sitefano. Ku lidiku liene yilio lidambizwa linene liaduuka ku likanisa liali mu Jerusalemi. Avandu vasuuvira vosi nitali avatumwa venyine, vasalanywa mu zimbega ziosi zie Vuyuda na Samaria.

Varumi 14:17

Uvwami vwa Nyasaye sivoveeye lilia kandi linwa mba, navuzwa voveeye uvulungi, imirembe kandi uvuyanzi voleetwa na Roho Mutakatifu.

Varumi 14:19

Kunangwa avaamitu vange, leki kolonde vindu viletaa mirembe kazozo, kandi ivikokonyaa kukudinyiriza aveene na vene mu lisuuvira.

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

Varumi 5:5

Lisuuvirizwa yili silinyala kukuvihiliriza mba, kigira Nyasaye yamala kuviika mu mioyo jietu uvuyanzi vwivwe kuvitira ku Roho Mutakatifu oveeye kihanwa chiche ku kunyi.

1 Vakorintho 14:12

Gaveeye ndio kandi ku munyi, kigira muveeye nu vuha konyoora vindu vikoonyaa kwumbaka likanisa.

1 Vakorintho 14:26

Kunangwa avaamitu vange, yaga nigo gamboolaa. Lwa muvugana harara kusaala, mulala yimbi ulwimbu, wundi ave ni kindu cha yigiza, wundi ave ni likuva kutura ku Nyasaye, wundi atumikiri kihaanwa cho komoloma mu zinimi zing'eni, na wundi agirung'anyie gavoolwa mu zinimi. Ivindu yivi viosi kuduuka vikoonye mu liumbaka likanisa.

2 Vakorintho 10:8

Simbeeye soni, kali niiva inzi mali kwekonya mbitilira ku vunyali vwu Mwami yaaha kunyi, vwu kwumbaka munyi, kandi vutaveeye vwu kutandura nu kwononyia munyi, inzi sindava soni mba.

2 Vakorintho 12:19

Hawundi muganaganaa ndi kuduuka kalunu kwagerizaa kwikinga imbiri winyu! Awa! Kovora vindu yivi imbiri wa Nyasaye nikoveeye mu Kristo. Vindu yivi viosi, avalina vayanze vange, vikolwaa kunangwa munyi muduuki kwumbakwa.

2 Vakorintho 13:10

Kigira yaga, ng'odaa ibarwa yiyi nimbeeye ihale kutura ku munyi kunangwa lwa ndakaaze, ndavuli kuva mululu ku munyi lwa nditumikira uvunyali vwu Mwami yamba. Yee, vunyali vwu kwumbaka munyi; sivoveeye vwu kusambula mba.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Vafeso 4:12

Yakola ndio kwetegekiza Avakristayo vosi ku miyinzi ju vutumwa vwu Vukristayo kunangwa aduuki kwumbaka muviri gwa Kristo.

Vafeso 4:16

Kuye vivero viosi viu muviri vihambanyiywi harara, kandi muviri gwosi gwahamanywa harara navuli chungu. Kunangwa, lwa vuli kevero kiyinziraa kuli gaduukanaa, muviri gwosi guvirukaa ma gwumbakwa kuvitira mu vuyanzi.

Vafeso 4:29

Mutaleki likuva lidamanu kali lilala lituli mu minwa jinyu kali hakuzu mba, navuzwa muvoore makuva gaveeye malahi gukwumbaka gaduukanaa ni ing'inga yene yeyo, kandi gaduuki kuhaana zimbavasi kuyavo vagahulira.

Vafeso 5:21

Mwegehizirane aveene naveene mu liitia Kristo.

Kwidzulitsa 12:10

Lwa mwambuka mugera gwa Jorodani, Yahova Nyasaye winyu alaleka muvuguli kivala zana kuva miandu kandi mulamenya yo. Alamukinga kutura ku vasigu vinyu vosi na mulamenya mu ni mirembe.

Vafilipi 2:1

Ilivamwoyo lienyu mu Kristo limukolaa kuva ni zinguru, kandi uvuyanzi vwivwe vumuleminyaa umwoyo. Muveeye ni lisanga harara na Roho kandi muveeye nu mwoyo umulahi kandi muveeye nizimbavasi kandi liverererana vene naveene.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

1 Vatesalonike 5:11

Kunangwa, muzuvane munyi aveene naveene nokokonyana vene na vene, kuli mukolanga kazozo.

Vahebraina 4:9

Kuli gaveeye vosoosi vwi Lisabato vutigaye ho ku vandu va Nyasaye.

Joshua 21:44

Yahova yavaha mirembe mu kivala chavo choosi kuli yaali niyasuuviriza avaguuga vaavo. Siyaali ho numundu kali avasigu vaavo waali unyala kuhingana navo mba, kigira Yahova yahaana ku vandu va Isiraeli iliguuta.

Yudasi 1:20

Navuzwa munyi, avalina vange avayaanze, muzizagiliri kwiyumbaka aveene ku ilisuuvira lienyu litakatifu ligali. Musaale mu zinguru zia Roho Mutakatifu.

Vakalagi 3:30

Lidiku yilio, vandu va Isiraeli vaguuta vandu va Moabu, nu umurembe gwaali mu kivala ku mihiga samanini.