Vikolwa 9:21 - KITABU KITAKATIFU

²¹ Avandu vosi avamuhulira vagenya ligali ni vavoola, “Mundu uyu siaveeye niyie witaa vandu avasigamiraa Yeso mu Jerusalemi? Siyaazi hano kandi ni kivuni chu kugumira avandu yavo kandi avahile ku avasaalisi vanene!”

Vikolwa 9:21 Iomraidhean Croise

Zaburi 51:13

Maku ndigiza avoni malago googo, na valagirung'ana kuivi

Zaburi 71:7

Livamwoyo liange iveeye kelolero ku avanyingi; kigira ivi oveeye mukingi wange wizingulu.

Isaya 8:18

Inzi harara na vana vange koveeye kuli kelolero chi lieganihiza kutura ku Yahova Wuvunyali omenya ku kiguru cha Ziyoni. Yakutuma kuli makuva gaveeye mwoyo ku vandu va Isiraeli.

Zekaria 3:8

Joshua huliriza, ivi oveeye musaalisi munene, kandi hulirizi munyi avasaalisi vache, avaveeye kimanyiru kilahi cha madiku gaaza. Ndakamuvuuliri mutumikiri wange wagulikwa ulusia!

Livalidza 23:23

sihaveeye ne vyokwikingira, kandi vusigitiri mba; vinyala kutumikilwa kulwaana ihiiri ya Isiraeli. Kalunu vandu valavoora kigira Isiraeli, ‘Henza ku ga Nyasaye amali kokora!’

Vikolwa 2:12

Kandi vosi vagenya ni vahuga, ni vateevana, “Yaga goosi gaveeye kovora ki?”

Vikolwa 2:6

Lwa vahulira muhuumu yigwo, kiduma kenene chavugana harara. Vosi vagenya kigira mundu sa mulala yahulira avasuuviraa yavo ni vamoloma lulimi lwilwe.

Vikolwa 3:10

Lwa vamanyiriza ndi uyu niyie wikala ha Kirivwa Kilahi chi Litembeli naasavasavaa, vosi vagenya kandi nivahuga kugaali nigekoleki kuye.

Vikolwa 4:13

Lwa avakulundu vi kiyaalo valora vuluviliri vwa Petero na Yohana, vagenya ligali, kigira vamanya ndi vaveeye avandu va kazozo avatali ni lisoma liosi. Kandi vamanyiriza ndi avandu yava vaali harara na Yeso.

Vikolwa 7:59

Lwa vaali nivamulasa amagina, Sitefano yasaala navoora, “Mwami Yeso, vugula mwoyo gwange!”

Vikolwa 8:3

Navuzwa Saolo yageriza kudiviza Likanisa ligali. Yingira mu vuli inyumba, natuliza vandu avasuuviraa, avasaza na vakali, navahira muvuhambe.

Vikolwa 9:22

Navuzwa lilwaza lia Saolo lialoleka kuva ni zinguru ligali, kandi lilolekiza lilie ndi Yeso niyie Mesia, liali lieligali ku Avayuda vamenya Damasiko ma kali sivali vanyara kutivula kindu mba.

2 Vatesalonike 1:10

Lwa aliiza ku Lidiku yilio konyoora uvukumi kutura ku vatakatifu veve, harara nu luyali kutura ku yavo vosi avasuuviraa, munyi kandi mulakave harara naye kigira mwamala kusuuvira amakuva ga kwamuvolera.

1 Yohana 3:1

Heenzi vuyanzi vwa Baba amali kuhaana kunangwa kuduuki kulangwa avana va Nyasaye! Nindio koveeye. Yiki nicho kivuni kigira vandu vumukivala nivavula kukumanya; kigira sivamanya Nyasaye mba.