Vikolwa 9:20 - KITABU KITAKATIFU

²⁰ Yaatanga kwilwaza mu masinagogi ndi Yeso aveeye Mwana wa Nyasaye.

Vikolwa 9:20 Iomraidhean Croise

Zaburi 2:12

mudegere nukumwinamira gase uvutima vwivwe vulaaka, na munyi mukuzi vwangu. Vaveeye nuvugasu yavo vosi avanyagura kuye vanyoore likingwa.

Zaburi 2:7

Mwami avoora, “Ndalandiza aga Yahova Nyasaye Wuvunyali yambolera, ‘Ive oveeye mwana wange muyaayi; kalunu inzi mali kugwa baba woovo.

Matayo 27:43

Yasuuvira Nyasaye navoora, aveeye Umwana weve; kalunu leki kolole niiva Nyasaye yenya kumuhonyia.”

Matayo 27:54

Lwu munene wa vasikari, harara na vasikari avalindaa Yeso valora ilidegera lie lirova ni vindu viosi viekoleka, vaatia ligali ni vavoola, “Ligali umundu uyu yaali Umwana wa Nyasaye.”

Matayo 4:3

Maku, Setani yaza kuye, namuvolera, “Ivi nuuva noveeye Umwana wa Nyasaye, laga amagina yaga gagwi uvuchima.”

Yohana 1:49

Nazanieli yamutivulira, “Mwigizi, ivi niyie Mwana wa Nyasaye! Ivi oveeye Mwami wa Isiraeli!”

Yohana 19:7

Avayuda vaamutivulira, “Kunyi koveeye ni Lilaga, na kolondekana ni Lilaga yili, gaduukanaa akuze, kigira yekolaa mwene kuva Mwana wa Nyasaye.”

Yohana 20:28

Tomasi yamutivulira, “Mwami wange kandi Nyasaye wange!”

Yohana 20:31

Navuzwa yivi viang'odwa kunangwa munyi muduuki kusuuvira ndi Yeso ni Mesia. Mwana wa Nyasaye; na mu lisuuvira lienyu muye, mulava ni livamwoyo mu zie lieta lilie.

Vikolwa 13:14

Navuzwa yavo vazizagilira nologendo kutura Periga, nivaduuka mu lidaala lia Andiokia mu kivala cha Pisidia. Lidiku lie Lisabato vingira mu lisinagogi nivikara.

Vikolwa 13:33

Amali kuliduukizira kunyi kalunu, ava koveeye visukululwi viavo, ku lisimugukiza lya Yeso kutura mu vakuzu. Kuli gang'odwa mu zaburi ya kaviri, ‘Ivi oveeye Mwana wange, inzi ngwiivuuyi lero.’

Vikolwa 13:46

Navuzwa Paolo na Baranaba vamoloma nu vuluviliri vonene, nivavoora, “Liali linigwa likuva lia Nyasaye litange kuduuka ku munyi; navuzwa, kigira mulisuuyi, nu kwelola simuduukana ni livamwoyo litahera mba, heenzi, kunyi koleka munyi nu kuzia ku avandu vi Zihiiri zindi.

Vikolwa 13:5

Lwa vaduuka ha Salami, vilwaza likuva lia Nyasaye mu masinagogi ga Vayuda. Yohana walangwa Mariko yaali mutumikiri wavo.

Vikolwa 14:1

Kuli kazozo, Paolo na Baranaba vingira mu lisinagogi lia Vayuda ha Ikoniamu vilwaza nu vuluviliri kuduuka kiduma kenene cha Avayuda na Vaguriki nivasuuvira.

Vikolwa 16:13

Ku lidiku lie Lisabato kwatula ichova wi lidaala, nikuzia ku lujinga lwu mugera, ha kwaganagana ni havundu hu kusaala. Kwikala nikomoloma na avakali avavugana ho.

Vikolwa 17:10

Nonoho vudiku yivwo, avaamitu yavo vatuma Paolo na Sila vazie Berea. Lwa vamala kuduuka yo, vazia mu lisinagogi lia Vayuda.

Vikolwa 17:17

Yahangalizana na Vayuda na avandu vandi vi zihiiri avasigamiraa Nyasaye wa Isiraeli; na kazozo yalange ni lihangalizana mu chiitu na avandu vosi ava yavugana navo.

Vikolwa 17:2

Paolo yingira mu, kuli gwaali mwima gwigwe, na avoolerana navo ku madiku gavaga gi Lisabato galondekani, natumikira Mang'oda Matakatifu.

Vikolwa 18:19

Vaduuka Efeso, aha Paolo yaleka Berisila na Akwila. Yingira mu lisinagogi, natanga komoloma na Vayuda.

Vikolwa 18:4

Yamoloma nizinguru mu lisinagogi Masabato goosi, nageriza kokora Avayuda na Avaguriki vandu Vasuuvira.

Vikolwa 19:8

Ku ing'inga yi mieli jivaga Paolo yazizaa mu lisinagogi, na amolomaa nu vuluviliri nokogoonya avandu vavugiliri amakuva gu Vwami vwa Nyasaye.

Vikolwa 8:36

Lwa vaali ni vakizizagilira no logendo, vaduuka havundu ha amazi gaali. Kiziri oyo yavoola, “Henza amazi ngaga yaaha, ni kindu ki ikinzigalira mburi kubatizwa?” [

Vikolwa 8:37

Filipo yavoola, “Nu usuviraa nu mwoyo gugwo gwosi, unyala kubatizwa.” Naye yativura, “Yee, suuviyi ndi Yeso Kristo nu Mwana wa Nyasaye.”]

Vikolwa 9:22

Navuzwa lilwaza lia Saolo lialoleka kuva ni zinguru ligali, kandi lilolekiza lilie ndi Yeso niyie Mesia, liali lieligali ku Avayuda vamenya Damasiko ma kali sivali vanyara kutivula kindu mba.

Varumi 1:4

ku liiva liu vutakatifu vwu vunyasaye vwivwe, Yeso Kristo yalolekizwa ni zinguru zinene kuva Mwana wa Nyasaye kulwo kusimugukizwa kutura mu vakuzu.

Vagalatia 1:16

kuvuula Mwana weve ku inzi, kunangwa nduuki kwilwaza Ivangeri yeeye ku vandu vizihiiri, si ndaazia ku mundu woosi kwenya zing'anagani mba;

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

Likunula 2:18

“Ng'odera engelosi wi likanisa liveeye Ziatira: “Yaga nigo amakuva gu Mwana wa Nyasaye, izimoni zizie ziakaa kuli lomemo lwumuliru, kandi wi zinduvatiru zizie zing'ereng'ana kuli mugasa gusiyiywi.