Vikolwa 9:16 - KITABU KITAKATIFU

¹⁶ Inzi mwene ndamumanyia goosi agamuduukira kusalira kigira lieta liange.”

Vikolwa 9:16 Iomraidhean Croise

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Matayo 24:9

“Maku ing'inga yeyo mulakagumirwi, mudambizwi kandi mwitwi. Zihiiri ziosi zilakamusuli kigira ilieta liange.

Matayo 5:11

“Munyi muveeye nuvugasu lwa avandu valimunyega, nu kumukubiza ikivi nu kumuvolera zing'ano ziosi zio vovehi vudamanu kigira muveeye avalondi vange.

Yohana 15:20

Mwizurizi likuva lia ndamuvolera: ‘Mutumwa siaveeye munene ligali kuvita mwami weve mba.’ Niiva vadambiza inzi, valadambiza munyi kandi; niiva vahulira likuva liange, valahulira lienyu kandi.

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

Vikolwa 21:11

Yaza ku kunyi, navugura musibi gwa Paolo niyevoha virenge na makono, na avoora, “Roho Mutakatifu avoora ndi: ‘Avayuda va Jerusalemi valakavohe ndi mundu mwene musibi yigu, nu kumuviika mu makono ga avandu vi Zihiiri!’ ”

Vikolwa 21:13

Navuzwa yativura, “Mukoraa kindiki munyi? Lwa muliraandi kusalirizaa mwoyo gwange? Mwenya kusaliriza mwoyo gwange ni lilira? Inzi sinzetegeki kovofwa kwenyine mu Jerusalemi mba, navuzwa kali kwitwa kigira Mwami Yeso.”

Vikolwa 21:4

Kwanyoora yo vandu avasuuviraa, nikomenya navo lisiza lilala. Vandu avasuuviraa yavo vamoloma mu zinguru zia Roho Mutakatifu, nivavolera Paolo atazia Jerusalemi mba.

Vikolwa 9:14

Yaazi hano, na aveeye ni zinguru kutura ku vasaalisi vanene kovoha vosi avasigamiraa Ivi.”

Vikolwa 9:6

Navuzwa kalunu vuka, wingiri mu lidaala uwa umanya ovoolerwe amakuva aga udukana okole.”

2 Vakorintho 6:4

Nitali mu vindu viosi via kokoraa kumanyia ndi koveeye avatumikiri va Nyasaye ku liekuzira linyingi, mu vusaliri, mu vudinyu kandi mu kivi.

1 Vatesalonike 3:3

Kunangwa mundu kali mulala atilana inyima kigira lidambizwa yili mba. Munyi mumanyi ndi yivu nuvulaliri vwa Nyasaye.

1 Petro 4:14

Musangare lwa munyegwa kigira muveeye avalondi va Kristo; yili limanyia Roho wu vukumi kandi Roho wa Nyasaye asoseraa mu munyi.

Likunula 1:9

Inzi Yohana, amwavo winyu kandi kuli umulondi wa Yeso, mbeeye umusangi harara ni munyi, muliekuzira ku uvusaliri vuduuka ku yavo vosi avaveeye mu vwami vwa Nyasaye. Inzi ndaavoherwa mu kisulu cha Patimo kigira ndilwaza likuva lia Nyasaye kandi agiligali ga Yeso yambulira.