Vikolwa 8:37 - KITABU KITAKATIFU

³⁷ Filipo yavoola, “Nu usuviraa nu mwoyo gugwo gwosi, unyala kubatizwa.” Naye yativura, “Yee, suuviyi ndi Yeso Kristo nu Mwana wa Nyasaye.”]

Vikolwa 8:37 Iomraidhean Croise

Matayo 16:16

Simoni Petero yativura, “Ivi oveeye Mesia Umwana wa Nyasaye oveeye mwoyo.”

Matayo 28:19

Muzie, mukore avandu vi zihiiri ziosi vave vigi vange: muvabatizi: mu lieta lia Baba, liu Umwana, na lia Roho Mutakatifu;

Marko 16:16

Ku vosi usuviraa na abatizwi alahonywa. Ku vosi uvula kusuuvira, alakalagirwa.

Yohana 11:27

Marita yamuvolera, “Yee Mwami! Inzi suuviraa ndi ivi niyie Mesia, Mwana wa Nyasaye, uzaa mu kivala.”

Yohana 20:31

Navuzwa yivi viang'odwa kunangwa munyi muduuki kusuuvira ndi Yeso ni Mesia. Mwana wa Nyasaye; na mu lisuuvira lienyu muye, mulava ni livamwoyo mu zie lieta lilie.

Yohana 6:68

Simoni Petero yativura, “Mwami, kuzie ku vwaha? Ivi oveeye na makuva gahaanaa livamwoyo litahera mba.

Yohana 9:35

Lwa Yeso yahulira ndi vamukungi, yavugana naye, namuteeva, “Ivi usuviraa mu Mwana wa Adamu?”

Vikolwa 2:38

Petero yavativulira, “Mwiganiri mwosi, mubatizwi mu lieta lia Yeso Kristo, musamiifwi uvwoni vwinyu, kandi mulanyola kihanwa cha Roho Mutakatifu.

Vikolwa 8:12

Navuzwa lwa vandu vasuuvira amilwazo ga Filipo agi Ivangeri yu Vwami vwa Nyasaye kandi gi lieta lia Yeso Kristo, vabatizwa avasaza na avakali.

Vikolwa 8:21

Ivi sioveeye ni lisanga liosi anoho mugavwa ku muyinzi yigu, kigira mwoyo gugwo si goveeye mulahi imbiri wa Nyasaye mba.

Vikolwa 8:36

Lwa vaali ni vakizizagilira no logendo, vaduuka havundu ha amazi gaali. Kiziri oyo yavoola, “Henza amazi ngaga yaaha, ni kindu ki ikinzigalira mburi kubatizwa?” [

Vikolwa 8:38

Kunangwa yalaga ligare lisingiri; navo vombi, Filipo ni kiziri viika mu mazi; Filipo yaamubatiza.

Vikolwa 9:20

Yaatanga kwilwaza mu masinagogi ndi Yeso aveeye Mwana wa Nyasaye.

Varumi 10:10

Gaveeye kigira lisuuvira lietu kokolwa valungi na Nyasaye, kandi gaveeye kigira lieyama niminwa jietu, kwahonywa.

1 Vakorintho 12:3

Nyenya mumanye ndi, umundu woosi wimilirwa na Roho wa Nyasaye sianyala kovora, “Yeso alaamwe mba!” Kandi sianyala kwiyama, “Yeso aveeye Mwami”, natimiliywi na Roho Mutakatifu.

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,

1 Yohana 4:15

Mundu woosi wiyama Yeso nu mwana wa Nyasaye, Nyasaye amenyaa muye, naye mu Nyasaye.

1 Yohana 5:1

Mundu woosi usuviraa Yeso ni Kristo, uyu aveeye umwana wa Nyasaye, kandi mundu woosi uyanzaa Baba ayaanza umwana weve.

1 Yohana 5:10

Mundu woosi usuviraa mu mwana wa Nyasaye aveeye ni lilolekiza yili mu mwoyo gwigwe. Mundu utasuviraa Nyasaye umali kumukola muvehi, kigira si yasuuvira lilolekiza lia Nyasaye amali kuhaana ku umwana weve mba.

1 Yohana 5:5

Kunangwa nivwaha unyala kuguuta kivala? Ni uyu usuviraa, Yeso aveeye umwana wa Nyasaye.