Vikolwa 8:2 - KITABU KITAKATIFU

² Avandu valala avatia Nyasaye numwoyo gwosi, vazia kuyavira Sitefano, nivamusiomera vudinyu ni liverera linene.

Vikolwa 8:2 Iomraidhean Croise

Litanga 23:2

Yakuzira mu Heburoni mukivala cha Kanaani. Aburahamu yaasioma kigira likuza lia Sara mukali weve.

Litanga 50:9

Avasaza vu kunina ku magare kandi ku zibarasi, vazia harara naye. Gwaali muganda munene ligali.

2 Samweli 3:31

Ahene yaho Daudi yalaga Joabu harara na avasaza vi liihi veve vosi ukutandula zinguvu, nukwivika magunia nukusiomera Abineri. Mu ing'inga yi liteevwa lia Abineri, Mwami Daudi yagenda inyima wi lisandugu.

2 Kyetsinyinga 32:33

Hezekia yakuza ma nayavirwa ku lovega lwiluhia lwi vilindwa viuvwami. Avandu vosi vi Ivuyuda na Jerusalemi vamuha uluyali lonene ligali ing'inga yi likuza lilie. Muyaayi weve Manase yavugula ovogono vwivwe kuli mwami.

2 Kyetsinyinga 35:25

Muporofeti Jeremia yalomba ulwimbu lwu lwikuulu ku mwami Josia. Kali kuduuka kalunundi, gwagwa umwima ku avimbi vakali na vasaza mu Isiraeli ukwimba mu liekula liavo. Yakola Lwimbu yilu kuva lilaga mu Isiraeli, na lwang'odwa mu zinyimbu zieliekula.

Jeremia 22:10

Avandu vi Ivuyuda, mutalira kigira mwami Josia mba, kandi mutasioma kigira likuza lilie mba. Navuzwa muliri vululu ligali kigira Joahazi mwana weve. Vamuvugura nu kumuhila mukivala chi ihale, si alirana kandi mba, sialalola kivala chiche cha yiivulwa mu kandi mba.

Jeremia 22:18

Kunangwa, Yahova avoora yaga kigira Jehoyakimu mwana wa Josia mwami wi Ivuyuda, “Mundu kali mulala si alalila kigira likuza lilie anoho sialavoola, ‘nagukutiihiza mulina wange, nagukutiihiza!’ Mundu kali mulala si alasioma kigira likuza liile anoho sialalira nokovoora ‘O, munene wange! Umwami wange!’

Livalidza 20:29

Avandu vosi vamanya ndi Haruni ukuzi na vamusiomera madiku 30.

Marko 6:29

Lwa aviigi va Yohana vagahulira, vazia kuvugura muviri gwigwe nivaguvika mu kilindwa.

Luka 2:25

Kunangwa yaali ho mundu mu Jerusalemi walangwa Simioni; yaali mundu mulungi kandi uwatia Nyasaye niliehozeliza. Mundu uyu yalindilira vohonyi vwa Isiraeli kandi Roho Mutakatifu yaali kuye.

Vikolwa 10:2

Yaali mundu watia Nyasaye. Oyo harara na avinyumba yeeye vosi vasigamira Nyasaye; yahaana zisadaka ku avadaka va Vayuda avanyingi, nasaara kazozo.

Vikolwa 2:5

Kunangwa vaali ho Avayuda avamenya mu Jerusalemi, avandu vaali ni vaatia Nyasaye ligali muno avaari nivatuli muvivala viosi vie lirova.

Vikolwa 8:1

Saolo yalora kekolwa navugilira ku liitwa lia Sitefano. Ku lidiku liene yilio lidambizwa linene liaduuka ku likanisa liali mu Jerusalemi. Avandu vasuuvira vosi nitali avatumwa venyine, vasalanywa mu zimbega ziosi zie Vuyuda na Samaria.

Vikolwa 8:3

Navuzwa Saolo yageriza kudiviza Likanisa ligali. Yingira mu vuli inyumba, natuliza vandu avasuuviraa, avasaza na vakali, navahira muvuhambe.

Kwidzulitsa 34:8

Avandu va Isiraeli vamusiomera ku madiku salasini mu vireremo via Moabu.

1 Samweli 28:3

Kalunu Samweli yaali yakuza na avandu va Isiraeli vosi vaali nivamali kumusiomera nukumuta mu lidaala linene lilie mwene lia Rama. Saolo yaali niyamali kuniga avasigitiri na vulaguli vi limanya vatuli mu Isiraeli.