Vikolwa 7:58 - KITABU KITAKATIFU

⁵⁸ nivamuzoma ichova wi lidaala linene, nivamulasa na amagina. Avaloli vatuliza makoti gaavo nivagaviika mu vulindi vwu musoleri mulala, walangwa Saolo.

Vikolwa 7:58 Iomraidhean Croise

1 Avami 21:13

Avadamanu vaviri zana vamuyaara imbiri wa vandu havulavu kigira linyega Nyasaye kandi mwami, nandio Nabozi yahilwa ichova wi lidaala linene naalaswa magina kuduuka ku likuza.

Livalidza 15:35

Maku Yahova yavolera Musa, “Mundu uyu gamudukira yitwi. Avandu vosi valamulasa magina ichova wa hokososa.”

Luka 4:29

Vasingira ni vamulumba ichova wi lidaala liavo iliali ni liumbakwa ku kiguru, ni vamuhira ku lohongo lwe kiguru yicho Venya kumuluguta mulohongo yilwo.

Vikolwa 22:20

Lwa masahi ga Sitefano, mulolekizi woovo gasundulwa, inzi mwene ndaasingira ho, nimbugiliraa kekolwa yicho; kandi ndaalinda zinguvu zia yavo avaari nivamwita.’

Vikolwa 22:23

Vazizagilira kuhanzuka, nukusung'usa zinguvu ziavo kandi nivaduuminya luguchi mwigulu mu vutima.

Vikolwa 22:4

Ndadambiza avandu valonda amigizu gu Mwami Yeso yaga. Ndaagumira, avasaza na vakali, nimbahila mu vuhambe.

Vikolwa 26:10

Na ndakora ndio mu Jerusalemi. Ndahevwe zinguru kutura ku vasaalisi vanene, ndaviika avandu va Nyasaye vanyingi mu vuhambe lwa vakalagirwa kwitwa, ndaakuba ikura yu kuvugilira liitwa liavo.

Vikolwa 6:11

Kunangwa, vaaha avandu viambeti vavoole, “Kunyi kuhuliyi Sitefano navoora amakuva go konyega Musa kandi agokonyega Nyasaye.”

Vikolwa 6:13

Maku valeta mu kiyaalo avaloli vo vovehi avavoora, “Mundu uyu sialekaa kovora amakuva go konyega Litembeli litakatifu, kandi Lilaga lia Musa mba.

Vikolwa 7:57

Hene yaho avandu vosi avaari mu chikalo chi kiyaalo vahanzuka ni mioyo minene nivafuuma amatu gaavo na amakono gaavo. Nonoho vatwuma kuye vosi harara,

Vikolwa 8:1

Saolo yalora kekolwa navugilira ku liitwa lia Sitefano. Ku lidiku liene yilio lidambizwa linene liaduuka ku likanisa liali mu Jerusalemi. Avandu vasuuvira vosi nitali avatumwa venyine, vasalanywa mu zimbega ziosi zie Vuyuda na Samaria.

Kwidzulitsa 17:7

Avaloli valava vukutanga kulasa kuye magina, maku avandu vandi valonde ku. Munzira yiyi mulatuliza uvudamanu yivu hagati winyu.